Dakshina Kannada: ಕಂಬಳ ಋತು ಆರಂಭಕ್ಕೆ ಕೆಲವೇ ದಿನ ಬಾಕಿ- ಬೆಂಗಳೂರಿನಲ್ಲಿ ಮೊದಲ ಕಂಬಳ! | Dakshina Kannada First Kambala will held in Bengaluru

ಮಳೆ ಸ್ವಲ್ಪ ವಿರಾಮ ನೀಡುತ್ತಿದ್ದಂತೆಯೇ ಕೋಣಗಳನ್ನು ಕಂಬಳದ ಗದ್ದೆಗೆ ಕರೆತಂದು ಸ್ಪರ್ಧೆಗೆ ಹುರಿಗೊಳಿಸಲಾಗುತ್ತಿದೆ. ಅತೀ ವೇಗವಾಗಿ ಓಡಬೇಕಾದರೆ ಓಟಗಾರನ ಜೊತೆಗೆ ಕೋಣಗಳಿಗೂ ಪೂರ್ವತಯಾರಿ ,ಅಭ್ಯಾಸ ಬೇಕಾಗುತ್ತದೆ. ಹೀಗಾಗಿ ಪ್ರತೀ ದಿನ ಈಗ ಕಂಬಳ ಗದ್ದೆಗಳಲ್ಲಿ ಕುದಿ ಕಂಬಳಗಳು ನಡೆಯುತ್ತಿವೆ. ಈ ಕುದಿ ಕಂಬಳದಲ್ಲೇ ಮುಂದಿನ ಋತುವಿನಲ್ಲಿ ಕೋಣಗಳ ವೇಗವನ್ನು ಅರಿಯಬಹುದಾಗಿದೆ. ಅಲ್ಲದೇ ಜೋಡಿಗಳನ್ನು ಇದೇ ಕುದಿಯಲ್ಲಿ ನಿರ್ಧಾರ ಮಾಡಲಾಗುತ್ತದೆ. ಜೋಡಿ ಕೋಣಗಳನ್ನು ಒಟ್ಟಿಗೆ ಓಡಿಸಿ ಅವುಗಳ ಸಾಧಕ-ಬಾಧಕಗಳನ್ನು ಗುರುತಿಸಿ ಮತ್ತೆ ತರಬೇತಿ ನೀಡಲಾಗುತ್ತದೆ.

ಇದನ್ನೂ ಓದಿ: First Hotel: ಬೆಂಗಳೂರಿನ ಮೊದಲ ಹೋಟೆಲ್ ಯಾವುದು? ಯಾರು, ಯಾವಾಗ ಪ್ರಾರಂಭಿಸಿದ್ದು ಗೊತ್ತಾ?

ಕಳೆದ ಬಾರಿ ಚಾಂಪಿಯನ್ ಆದ ಕೋಣಗಳು ಈ ಬಾರಿಯೂ ಚಾಂಪಿಯನ್ ಆಗಬೇಕೇಂದಿಲ್ಲ. ಬೇರೆ ಕೋಣಗಳೂ ತಮ್ಮ ಸಾಮರ್ಥ್ಯವನ್ನು ಹೆಚ್ಚಿಸಿ ಓಡಬಲ್ಲವು. ಅದಕ್ಕಾಗಿಯೇ ಕುದಿ ಕಂಬಳದಲ್ಲಿ ಕೋಣಗಳ ಚಿಗರೆಯ ವೇಗ, ಕಾಲುಗಳ ಚಲನೆಯನ್ನು ಗಮನಿಸಿ ಮುಂದಿನ ಸ್ಪರ್ಧೆಗೆ ಜೋಡಿಗಳನ್ನು ನಿರ್ಧಾರ ಮಾಡಲಾಗುತ್ತದೆ. ಈ ಬಾರಿ ಮೊದಲ ಕಂಬಳ ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ನಡೆದರೆ, ಕೊನೆಯ ಕಂಬಳ ಮಲೆನಾಡು ಶಿವಮೊಗ್ಗದಲ್ಲಿ ನಡೆಯಲಿದೆ.

ಕಂಬಳದ ವೇಳಾಪಟ್ಟಿ ಈ ರೀತಿಯಾಗಿ ಇದೆ.

2024ರ ವೇಳಾಪಟ್ಟಿ:

ಅಕ್ಟೋಬರ್‌ 26 – ಬೆಂಗಳೂರು

ನವೆಂಬರ್‌ 9 – ಪಿಲಿಕುಳ

ನವೆಂಬರ್‌ 16 – ಪಣಪಿಲ

ನವೆಂಬರ್‌ 23 – ಕೊಡಂಗೆ

ನವೆಂಬರ್‌ 30 – ಕಕ್ಕೆಪದವು

ಡಿಸೆಂಬರ್‌ 7 – ಹೊಕ್ಕಾಡಿಗೋಳಿ

ಡಿಸೆಂಬರ್‌ 14 – ಬಾರಾಡಿಬೀಡು

ಡಿಸೆಂಬರ್‌ 21 – ಮೂಲ್ಕಿ

ಡಿಸೆಂಬರ್‌ 28 – ಮಂಗಳೂರು

ಜನವರಿ 4 – ಮಿಯ್ಯಾರು

ಜನವರಿ 11 – ನರಿಂಗಾನ

ಜನವರಿ 18 – ಅಡ್ವೆ

ಜನವರಿ 25 – ಮೂಡುಬಿದಿರೆ

ಫೆಬ್ರವರಿ 1 – ಐಕಳ

ಫೆಬ್ರವರಿ 8 – ಜೆಪ್ಪು

ಫೆಬ್ರವರಿ 15 – ವಾಮಂಜೂರು

ಫೆಬ್ರವರಿ 22 – ಕಟಪಾಡಿ

ಮಾರ್ಚ್‌ 1 – ಪುತ್ತೂರು

ಮಾರ್ಚ್‌ 8 – ಬಂಗಾಡಿ

ಮಾರ್ಚ್‌ 15 – ಬಂಟ್ವಾಳ

ಮಾರ್ಚ್‌ 22 – ಉಪ್ಪಿನಂಗಡಿ

ಮಾರ್ಚ್‌ 29 – ವೇಣೂರು

ಏಪ್ರಿಲ್‌ 5 – ಬಳ್ಕುಂಜೆ

ಏಪ್ರಿಲ್‌ 12 – ಗುರುಪುರ

ಏಪ್ರಿಲ್‌ 19 – ಶಿವಮೊಗ್ಗ