Dakshina Kannada: ಹೆಚ್ಚಾದ ಬಿಸಿಲು- ವಿದ್ಯಾರ್ಥಿಗಳಿಂದ ಪಕ್ಷಿಗಳಿಗೆ ನೀರುಣಿಸುವ ಕಾರ್ಯ! | Dakshina Kannada students offer water to the birds in summer season

ಈ ಅಭಿಯಾನದ ಮೂಲಕ ಪಕ್ಷಿಗಳಿಗೆ ನೀರು ಕುಡಿಯಲು ಶೂನ್ಯ ಖರ್ಚಿನಲ್ಲಿ ಪರಿಸರ ಸ್ನೇಹಿ ನೀರು-ಆಹಾರ ಘಟಕಗಳನ್ನು ರಚಿಸಲಾಗುತ್ತಿದೆ. ಈ ಬಾರಿ 5ನೇ ವರ್ಷದಲ್ಲಿ ಶಾಲೆಯ 117 ವಿದ್ಯಾರ್ಥಿಗಳು ತೆಂಗಿನ ಗೆರಟೆಯನ್ನು ಉಪಯೋಗಿಸಿ 252 ನೀರುಣಿಸುವ ಪಾತ್ರೆಗಳನ್ನು ಮಾಡಿ ಮರಗಿಡಗಳಲ್ಲಿ ಅಳವಡಿಸುವ ಕೆಲಸ ಮಾಡಿದ್ದಾರೆ.

ಇದನ್ನೂ ಓದಿ: Cancer: ನೆಚ್ಚಿನ ಶಿಕ್ಷಕನಿಗೆ ಮಾರಕ ಕ್ಯಾನ್ಸರ್- ‌ ನೆರವಿಗಾಗಿ ಬೀದಿಗಿಳಿದ ವಿದ್ಯಾರ್ಥಿಗಳು & ಶಿಕ್ಷಕ ವೃಂದ

ಶಾಲೆಯ ಹಸಿರು ಭವಿಷ್ಯ ಪರಿಸರ ಸಂಘದ ಮಾರ್ಗದರ್ಶಿ ಶಿಕ್ಷಕ ರೋಶನ್ ಪಿಂಟೋ ಅವರ ಮಾರ್ಗದರ್ಶನದಲ್ಲಿ ಈ ಕಾರ್ಯ ನಡೆಯುತ್ತಿದೆ. ಪರಿಸರ ಸ್ನೇಹಿ ನೀರುಣಿಸುವ ಹಾಗೂ ಆಹಾರ ಇಡುವ ಪಾತ್ರೆಗಳನ್ನು ತಯಾರಿಸಿ ಶಾಲಾ ಪರಿಸರ, ವಿದ್ಯಾರ್ಥಿಗಳ ಮನೆಗಳ ಸುತ್ತ ಹಾಗೂ ನೆರೆಹೊರೆಯ ಮನೆಗಳ ಸುತ್ತ ಬೇಸಿಗೆಯಲ್ಲಿ ಪಕ್ಷಿಗಳಿಗೆ ನೀರುಣಿಸುವುದರ ಕುರಿತು ಜಾಗೃತಿ ಮೂಡಿಸಲಾಗುತ್ತಿದೆ. ಈ ಚಟುವಟಿಕೆಯ ಜತೆಗೆ ವಿದ್ಯಾರ್ಥಿಗಳಿಗೆ ಪಕ್ಷಿ ವೀಕ್ಷಣೆ, ಅದರ ಕುರಿತು ಕುತೂಹಲ ಮೂಡಿಸಲು ಘಟಕಗಳಲ್ಲಿ ಪಕ್ಷಿಗಳು ನೀರು, ಆಹಾರವನ್ನು ತಿನ್ನುವಾಗ ಫೋಟೋಗಳನ್ನು ತೆಗೆಯುವ ಸ್ಪರ್ಧೆಯನ್ನೂ ಏರ್ಪಡಿಸಿ ವಿಜೇತರಿಗೆ ಬಹುಮಾನ ನೀಡಲಾಗುತ್ತಿದೆ.

ಶಾಲಾ ಶಿಕ್ಷಕ-ವಿದ್ಯಾರ್ಥಿಗಳ ಈ ಪ್ರಯತ್ನ ಬಲುದೊಡ್ಡ ಪರಿಣಾಮವನ್ನು ಬೀರಿದ್ದು, ಶಾಲಾ ಪರಿಸರದ ಮರಗಳಲ್ಲಿ ಅಳವಡಿಸಿರುವ ನೀರಿನ ಘಟಕದಲ್ಲಿ ಹೆಚ್ಚಿನ ಪಕ್ಷಿಗಳು ಬಂದು ನೀರು ಕುಡಿಯುವ ದೃಶ್ಯಗಳು ಕಂಡುಬಂದಿದೆ. ಶಾಲೆಯ ಹಸಿರು ಭವಿಷ್ಯ ಪರಿಸರ ಸಂಘ ಆಯೋಜಿಸಿದ್ದ ಈ ಬಾರಿಯ ಚಿಂವ್ ಚಿಂವ್ ಅಭಿಯಾನದ ಮೂಲಕ ಹವಾಮಾನ ಬದಲಾವಣೆ ಹಾಗೂ ತಾಪಮಾನ ಹೆಚ್ಚಾದಂತೆ ಪಕ್ಷಿಗಳು ತಮ್ಮ ಆಹಾರ ಮತ್ತು ವಲಸೆಯ ನಡವಳಿಕೆಯನ್ನು ಬದಲಾಯಿಸುತ್ತವೆ. ಅವುಗಳ ನಡವಳಿಕೆಗಳನ್ನು ಅಧ್ಯಯನ ಮಾಡಿದಾಗ ಹವಾಮಾನ ಬದಲಾವಣೆಯ ಅರಿವಾಗುವ ಉದ್ದೇಶವನ್ನು ಹೊಂದಲಾಗಿದೆ‌.