Gold Cleaning Tips: ಚಿನ್ನಾಭರಣ ಕ್ಲೀನ್‌ ಮಾಡ್ಸೋಕೆ ಅಂಗಡಿಗೆ ಹೋಗಬೇಕಿಲ್ಲ, ಈ ಕಾಯಿಯಿಂದ ತೊಳೆದರೆ ಫಳಫಳನೆ ಹೊಳೆಯುತ್ತೆ! | clean the gold jewels using this natural ingredient

ಮುಖ್ಯವಾಗಿ ಈ ಅಂಡೊಳೆಕಾಯಿಯನ್ನು(ಅಂಟುವಾಳ ಕಾಯಿ) ಚಿನ್ನದ ಅಂಗಡಿಗಳಲ್ಲೇ ಬಳಸಲಾಗುತ್ತದೆ. ಚಿನ್ನ ಮತ್ತು ಬೆಳ್ಳಿ ಆಭರಣಗಳನ್ನು ಉಪಯೋಗಿಸಿದರೆ ಅಥವಾ ಉಪಯೋಗಿಸದೇ ಇದ್ದ ಸಮಯದಲ್ಲಿ ಅವುಗಳು ಕಪ್ಪು ಬಣ್ಣಕ್ಕೆ ತಿರುಗುವುದು ಸಾಮಾನ್ಯ. ಹೀಗೆ ಕಪ್ಪು ಹಿಡಿದ ಆಭರಣಗಳನ್ನು ಇದೇ ನೊರೆಕಾಯಿಯನ್ನು ಬಳಸಿ ತೊಳೆಯಲಾಗುತ್ತದೆ. ಹೀಗೆ ತೊಳೆದ ಆಭರಣಗಳ ಎಲ್ಲಾ ಕೊಳೆಗಳು ಮಾಯವಾಗುತ್ತದೆ.

ಇದನ್ನೂ ಓದಿ: Karnataka Rains: ರಾಜ್ಯದಲ್ಲಿ ಇಂದು ಮಳೆಯಾಗುತ್ತಾ? ಏನಂತಾರೆ ಹವಾಮಾನ ತಜ್ಞರು?

ಆದರೆ ಕಳೆದ ಹತ್ತು ವರ್ಷದಿಂದೀಚೆಗೆ ಈ ನೊರೆಕಾಯಿಯ ಜಾಗವನ್ನು ತೊಳೆಯುವ ಯಂತ್ರಗಳು ಆಕ್ರಮಿಸಿಕೊಂಡಿವೆ. ಆದರೆ ಕೆಲವು ಆಭರಣಗಳನ್ನು ಇದೇ ಕಾಯಿಯನ್ನೇ ಬಳಸಿಕೊಂಡು ತೊಳೆಯುವ ಸಂಪ್ರದಾಯ ಇಂದಿಗೂ ಮುಂದುವರಿದೆ. ಅದರಲ್ಲೂ ದೈವಗಳ ಮುಖವಾಡ, ಆಭರಣಗಳನ್ನು ತೊಳೆಯಲು ಇದೇ ನೊರೆಕಾಯಿಯನ್ನು ಬಳಸಲಾಗುತ್ತದೆ.

ಇತ್ತೀಚಿನ ದಿನಗಳಲ್ಲಿ ಆಭರಣಗಳನ್ನು ತೊಳೆಯಲು ಬಳಸುವ ಯಂತ್ರಗಳಿಂದ ದೈವಕ್ಕೆ ಸಂಬಂಧಪಟ್ಟ ಆಭರಣಗಳನ್ನು ತೊಳೆಯಲು ಸಾಧ್ಯವಾಗದ ಹಿನ್ನಲೆಯಲ್ಲಿ, ಈ ಕಾಯಿ ಇಂದಿಗೂ ಬಳಕೆಯಾಗುತ್ತಿದೆ. ಕರಾವಳಿ ಭಾಗದಲ್ಲಿ ಈ ನೊರೆಕಾಯಿಯ ಮರಗಳು ಹೆಚ್ಚಿನ ಸಂಖ್ಯೆಯಲ್ಲಿ ನೈಸರ್ಗಿಕವಾಗಿ ಬೆಳೆಯುತ್ತಿದ್ದರೂ, ಇತ್ತೀಚಿನ ಕೆಲವು ವರ್ಷಗಳಲ್ಲಿ ಈ ಮರಗಳ ಸಂಖ್ಯೆಯೂ ಇಳಿಮುಖವಾಗುತ್ತಿದೆ.