IND vs AUS: ಕೊನೆಯ ಪಂದ್ಯದಲ್ಲಿ ಕುಲ್ದೀಪ್​ ಜೊತೆ ಕನ್ನಡಿಗನಿಗೂ ಚಾನ್ಸ್? ಸಿಡ್ನಿ ಪಂದ್ಯಕ್ಕೆ ಹೀಗಿರಲಿದೆ ಪ್ಲೇಯಿಂಗ್ ಇಲೆವೆನ್ | Kuldeep Yadav Set to Return: India’s Predicted Playing XI for 3rd ODI Against Australia in Sydney | ಕ್ರೀಡೆ

ಭಾರತ ಇಲ್ಲಿಯವರೆಗೆ ಸ್ಪಿನ್ ವಿಭಾಗವನ್ನು ಅಕ್ಷರ್ ಪಟೇಲ್ ಮತ್ತು ವಾಷಿಂಗ್ಟನ್ ಸುಂದರ್ ಅವರಿಗೆ ವಹಿಸಿದೆ, ಇವರಿಬ್ಬರು ಚೆನ್ನಾಗಿ ಬ್ಯಾಟಿಂಗ್ ಮಾಡಬಲ್ಲರು, ಆದರೆ ಇಬ್ಬರೂ ತಮ್ಮ ಬೌಲಿಂಗ್‌ನಲ್ಲಿ ಪ್ರಭಾವ ಬೀರಲು ಸಾಧ್ಯವಾಗಿಲ್ಲ, ಮತ್ತು ಆಸ್ಟ್ರೇಲಿಯಾದ ಬ್ಯಾಟ್ಸ್‌ಮನ್‌ಗಳಿಗೆ ಅವರಿಗೆ ರನ್​ಗಳಿಸುವಲ್ಲಿ ಯಾವುದೇ ತೊಂದರೆಯಾಗಿಲ್ಲ. ಎರಡು ಪಂದ್ಯಗಳಿಂದ ಬೆಂಚ್ ಕಾಯುತ್ತಿರುವ ಕುಲ್ದೀಪ್ ಡೆಡ್​ ರಬ್ಬರ್​ನಲ್ಲಾದರೂ ಆಡಲಿ ಎಂಬುದು ಹಲವರ ಅಭಿಪ್ರಾಯವಾಗಿದೆ.

ಭಾರತದ ಪ್ರಸ್ತುತ ತಂಡದ ಆಡಳಿತ ಮಂಡಳಿಯು ಆಲ್‌ರೌಂಡರ್‌ಗಳಿಗೆ ಆದ್ಯತೆ ನೀಡುತ್ತದೆ, ಆದರೆ ನಿತೀಶ್ ಕುಮಾರ್ ರೆಡ್ಡಿಯಂತಹ ಬ್ಯಾಟ್ಸ್‌ಮನ್‌ರನ್ನು ಎಂಟನೇ ಕ್ರಮಾಂಕದಲ್ಲಿ ಕಳುಹಿಸುವುದು ಸರಿಯಾದ ತಂತ್ರವಲ್ಲ. ಅವರು ಚೆಂಡಿನಲ್ಲೂ ಪರಿಣಾಮ ಬೀರುವಲ್ಲಿ ವಿಫಲರಾಗಿದ್ದಾರೆ. ಇನ್ನು ಹರ್ಷಿತ್ ರಾಣಾ ಸಂಪೂರ್ಣ ಪಂದ್ಯದಲ್ಲಿ ತಮ್ಮ ಸ್ಥಿರ ಬೌಲಿಂಗ್ ಪ್ರದರ್ಶನ ತೋರುವಲ್ಲಿ ವಿಫಲರಾಗುತ್ತಿದ್ದಾರೆ. ಅವರು ಎರಡನೇ ಮತ್ತು ಮೂರನೇ ಸ್ಪೆಲ್‌ಗಳಲ್ಲಿ ಅವರ ವೇಗದಲ್ಲಿನ ಗಮನಾರ್ಹ ಕುಸಿತ ಕಾಣುತ್ತಿದೆ. ದಾರಾಳವಾಗಿ ರನ್​ ಬಿಟ್ಟುಕೊಡುತ್ತಿದ್ದಾರೆ. ಅವರ ಪ್ರದರ್ಶನ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಇನ್ನೂ ಸಂಪೂರ್ಣವಾಗಿ ಸಿದ್ಧವಾಗಿಲ್ಲ ಎಂದು ಸೂಚಿಸುತ್ತದೆ. ಪ್ರಸಿದ್ಧ್ ಕೃಷ್ಣ ಅವರನ್ನು ಅವರ ಸ್ಥಾನದಲ್ಲಿ ಆಡುವ XI ನಲ್ಲಿ ಸೇರಿಸಿಕೊಂಡರೆ ಕೊನೆಯ ಪಂದ್ಯದಲ್ಲಾದರೂ ಭಾರತದ ಬೌಲಿಂಗ್ ಬಲವಾಗಲಿದೆ.

ಭಾರತ ತಂಡ ಸಿಡ್ನಿ ಮೈದಾನದಲ್ಲಿ ಆಸ್ಟ್ರೆಲಿಯಾ ವಿರುದ್ಧ ಆಡಿರುವ ಒಟ್ಟು 19 ಪಂದ್ಯಗಳ ಪೈಕಿ ಗೆದ್ದಿರುವುದು ಕೇವಲ 2 ಪಂದ್ಯಗಳಲ್ಲಿ ಮಾತ್ರ. 16 ಪಂದ್ಯಗಳಲ್ಲಿ ಸೋಲು ಕಂಡಿದೆ. ಉಳಿದ ಒಂದು ಪಂದ್ಯ ಮಳೆಯಿಂದ ರದ್ದಾಗಿದೆ. ಒಟ್ಟಾರೆ ದಾಖಲೆ ನೋಡಿದರೆ 22 ಪಂದ್ಯಗಳಲ್ಲಿ 5ರಲ್ಲಿ ಗೆದ್ದು, 16ರಲ್ಲಿ ಸೋಲು ಕಂಡಿದೆ. ಕಳೆದ ಪ್ರವಾಸದಲ್ಲಿ ಇಲ್ಲಿ ಆಡಿದ್ದ 2 ಪಂದ್ಯಗಳಲ್ಲೂ ಭಾರತ ಸೋಲು ಕಂಡಿತ್ತು. 2016ರಲ್ಲಿ ಕೊನೆಯ ಭಾರಿ ಟೀಮ್ ಇಂಡಿಯಾ ಇಲ್ಲಿ ಗೆಲುವು ಸಾಧಿಸಿತ್ತು.