Naraka Chaturdashi: ಉಡುಪಿಯ ಕೃಷ್ಣಮಠದಲ್ಲಿ ನರಕ ಚತುರ್ದಶಿ ಆಚರಣೆ ವಿಭಿನ್ನ | Naraka Chaturdashi celebrated in Udupi Krishna Mutt

ಸಂಭ್ರಮದಿಂದ ನರಕ ಚತುರ್ದಶಿ ಆಚರಣೆ

ಶ್ರೀಕೃಷ್ಣನ ಪ್ರಮುಖ ಆರಾಧನಾ ಕೇಂದ್ರವಾದ ಉಡುಪಿ ಕೃಷ್ಣ ಮಠದಲ್ಲಿ ನರಕ ಚತುರ್ದಶಿಯನ್ನು ಅತ್ಯಂತ ಸಂಭ್ರಮದಿಂದಲೇ ಆಚರಿಸಲಾಯಿತು. ಪರ್ಯಾಯ ಪುತ್ತಿಗೆ ಮಠದ ಶ್ರೀಗಳ ನೇತೃತ್ವದಲ್ಲಿ ಈ ಬಾರಿ ಕೃಷ್ಣ ಮಠದಲ್ಲಿ ನರಕ ಚತುರ್ದಶಿ ಹಿನ್ನಲೆಯಲ್ಲಿ ಸ್ವಾಮೀಜಿಗಳು ಮತ್ತು ಅವರ ಶಿಷ್ಯವೃಂದ, ಭಕ್ತಾಧಿಗಳು ಪರಸ್ಪರ ಎಣ್ಣೆ ಹಚ್ಚಿ ಅಭ್ಯಂಘ ಸ್ನಾನ ನೆರವೇರಿಸಿದರು. ಹಲವು ಪಾರಂಪರಿಕ ಸಂಪ್ರದಾಯಗಳ ಜೊತೆ ಈ ಆಚರಣೆ ಆರಂಭಗೊಂಡಿತು.

ಇದನ್ನೂ ಓದಿ: Deepavali Celebration: ಕರಾವಳಿ ದೀಪಾವಳಿಯ ವಿಶೇಷ ಈ ಬಲೀಂದ್ರ! ಅಷ್ಟಕ್ಕೂ ಈ ಮರ ನೆಡುವ ಉದ್ದೇಶವೇನು?

ಪುತ್ತಿಗೆ ಮಠಾಧೀಶರಿಗೆ ಎಣ್ಣೆ ಹಚ್ಚಿದ ಶಿಷ್ಯವೃಂದ 

ಮುಂಜಾನೆ 3 ಗಂಟೆಗೆ ಸ್ವಾಮೀಜಿ ಸೇರಿದಂತೆ ಎಲ್ಲಾ ಶಿಷ್ಯವೃಂದ ಅಭ್ಯಂಘನ ಸ್ನಾನಕ್ಕೆ ಬೇಕಾದ ತಯಾರಿಗಳನ್ನು ಮಾಡಿದರು. ಸ್ನಾನ ಮಾಡಲು ಬೇಕಾದ ಬಿಸಿ ನೀರು ಕಾಯಿಸಲು ದೊಡ್ಡ ಪಾತ್ರೆಯನ್ನು ಒಲೆ ಮೇಲೆ ಇರಿಸಿ, ಅದಕ್ಕೆ ಹೂವಿಂದ ಸಿಂಗಾರ ಮಾಡಲಾಯಿತು. ಬಳಿಕ ಪುತ್ತಿಗೆ ಮಠಾಧೀಶರಿಗೆ ಅವರ ಶಿಷ್ಯವೃಂದ ಎಣ್ಣೆ ಹಚ್ಚಿ ಸಂಭ್ರಮಿಸಿದರೆ, ಸ್ವಾಮೀಜಿ ಶಿಷ್ಯವೃಂದಕ್ಕೂ ಎಣ್ಣೆ ಹಚ್ಚಿ ತಲೆತಲಾಂತರಗಳಿಂದ ಬಂದ ಸಂಪ್ರದಾಯವನ್ನು ಪಾಲಿಸಿದರು.

ತೈಲಾಭ್ಯಾಂಗದ ಮೊದಲು ಗಂಧೋಪಾಚಾರವೂ ನಡೆಯಿತು. ಈ ಸಮಯದಲ್ಲಿ ಸ್ವಾಮೀಜಿಗಳು ಸೇರಿದಂತೆ ಶಿಷ್ಯವೃಂದ ಕೃಷ್ಣನಂತೆ ತುಂಟತನವನ್ನೂ ಪ್ರದರ್ಶಿಸಿದರು. ನರಕಾಸುರನನ್ನು ಕೊಂದ ಶ್ರೀಕೃಷ್ಣ ತುಂಟ ಸ್ವಭಾವದವ ಆದ ಕಾರಣ, ಅವನಂತೆಯೇ ತುಂಟತನ ಮಾಡುತ್ತಾ, ನರಕ ಚತುರ್ದಶಿಯನ್ನು ಕೃಷ್ಣಮಠದಲ್ಲಿ ಸಂಭ್ರಮಿಸಲಾಯಿತು.