Nothing Phone 3a Series Launched: ನಥಿಂಗ್​ನ 3ಎ ಸೀರಿಸ್​ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಈ ಸೀರಿಸ್​ನಲ್ಲಿ ಕಂಪನಿ ನಥಿಂಗ್ ಫೋನ್ 3a ಮತ್ತು ನಥಿಂಗ್ ಫೋನ್ 3a ಪ್ರೊ ಎಂಬ ಎರಡು ಡಿವೈಸ್​ಗಳನ್ನು ಪರಿಚಯಿಸಿದೆ.

Nothing Phone 3a Series Launch: ಇಂದು ನಥಿಂಗ್​ ತನ್ನ ಬಹುನಿರೀಕ್ಷಿತ ಸ್ಮಾರ್ಟ್‌ಫೋನ್ ಫೋನ್ 3ಎ ಸೀರಿಸ್​ ಅನ್ನು ಬಿಡುಗಡೆ ಮಾಡಿದೆ. ಈ ಸೀರಿಸ್​ನಲ್ಲಿ ನಥಿಂಗ್ ಫೋನ್ 3ಎ ಮತ್ತು ನಥಿಂಗ್ ಫೋನ್ 3ಎ ಪ್ರೊ ಸೇರಿವೆ. ಈ ಬಾರಿ ಕಂಪನಿಯು ತನ್ನ ಡಿಸೈನ್​, ಪರ್ಫಾರ್ಮೆನ್ಸ್​ ಮತ್ತು ಸಾಫ್ಟ್‌ವೇರ್‌ನಲ್ಲಿ ಹಲವು ಅಪ್​ಡೇಟ್​ಗಳನ್ನು ಮಾಡಿದೆ. ಅದರ ಬಗ್ಗೆ ತಿಳಿಯೋಣ.

ನಥಿಂಗ್ ಫೋನ್ 3ಎ ಸೀರಿಸ್​ ಸ್ಪೆಸಿಫಿಕೇಶನ್ಸ್​: ಕಂಪನಿಯು ಎರಡೂ ಫೋನ್‌ಗಳಲ್ಲಿ 6.77-ಇಂಚಿನ AMOLED ಡಿಸ್​ಪ್ಲೇಯನ್ನು ಒದಗಿಸಿದ್ದು, ಅದು 120Hz ರಿಫ್ರೆಶ್ ರೇಟ್​ ಮತ್ತು 3000 ನೀಟ್ಸ್​ ಬ್ರೈಟ್​ನೆಸ್​ ಅನ್ನು ಸಪೋರ್ಟ್​ ಮಾಡುತ್ತದೆ. ಪರ್ಫಾರ್ಮೆನ್ಸ್​ಗಾಗಿ ಈ ಸ್ಮಾರ್ಟ್‌ಫೋನ್‌ಗಳಿಗೆ Qualcomm Snapdragon 7s Gen 3 ಚಿಪ್‌ಸೆಟ್ ಪ್ರೊಸೆಸರ್ ಒದಗಿಸಲಾಗಿದೆ. ಈ ಫೋನ್ 8GB RAM ಮತ್ತು 256GB ಇಂಟರ್ನಲ್​ ಸ್ಟೋರೇಜ್​ ಆಪ್ಶನ್​ ಹೊಂದಿದೆ.

Get Closer.
Phone (3a) and Phone (3a) Pro. Two new signatures. Each refined to capture masterful shots.

Available from 11 March, 12 PM. pic.twitter.com/4ZuznroakK

— Nothing India (@nothingindia) March 4, 2025

ಕ್ಯಾಮೆರಾ ಸೆಟಪ್: ಫೋನ್‌ನ ಕ್ಯಾಮೆರಾ ಸೆಟಪ್ ಕುರಿತು ಹೇಳುವುದಾದರೆ, ಕಂಪನಿಯು ನಥಿಂಗ್ ಫೋನ್ 3ಎ ಪ್ರೊನಲ್ಲಿ 50MP ಪೆರಿಸ್ಕೋಪ್ ಲೆನ್ಸ್ ಅನ್ನು ಒದಗಿಸಿದೆ. ಇದು 3x ಆಪ್ಟಿಕಲ್ ಜೂಮ್ ಸಪೋರ್ಟ್​ ಮಾಡುತ್ತದೆ. ನಥಿಂಗ್ ಫೋನ್ 3a 50MP ಪ್ರೈಮೆರಿ ಕ್ಯಾಮೆರಾ ಜೊತೆಗೆ 8MP ಅಲ್ಟ್ರಾವೈಡ್ ಲೆನ್ಸ್ ಅನ್ನು ಹೊಂದಿದ್ದು, ಅದು 2x ಆಪ್ಟಿಕಲ್ ಜೂಮ್ ಅನ್ನು ಸಪೋರ್ಟ್​ ಮಾಡುತ್ತದೆ. ಸೆಲ್ಫಿಗಳಿಗಾಗಿ ನಥಿಂಗ್ ಫೋನ್ 3a 32-ಮೆಗಾಪಿಕ್ಸೆಲ್ ಫ್ರಂಟ್​ ಕ್ಯಾಮೆರಾ ಹೊಂದಿದೆ. ನಥಿಂಗ್ ಫೋನ್ 3a ಪ್ರೊ 50-ಮೆಗಾಪಿಕ್ಸೆಲ್ ಫ್ರಂಟ್​ ಕ್ಯಾಮೆರಾ ಹೊಂದಿದೆ.

ಬೆಸ್ಟ್​ ಬ್ಯಾಟರಿ: ಪವರ್​ಗಾಗಿ ಎರಡೂ ಸ್ಮಾರ್ಟ್‌ಫೋನ್‌ಗಳಲ್ಲಿ ಶಕ್ತಿಯುತ 5000mAh ಬ್ಯಾಟರಿ ಒದಗಿಸಲಾಗಿದೆ. ಕಂಪನಿಯ ಪ್ರಕಾರ ಈ ಬ್ಯಾಟರಿ ಕೇವಲ 56 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ. ಈ ಫೋನ್ ಪೂರ್ಣ ಚಾರ್ಜ್‌ನಲ್ಲಿ ಇಡೀ ದಿನದ ಬ್ಯಾಕಪ್ ಒದಗಿಸುತ್ತದೆ. ಇದರ ಜೊತೆಗೆ 50W ಫಾಸ್ಟ್​ ಚಾರ್ಜಿಂಗ್ ಸೌಲಭ್ಯವನ್ನು ಸಹ ಇದರಲ್ಲಿ ಒದಗಿಸಲಾಗಿದೆ. ಈ ಸಾಧನಗಳು ಆಂಡ್ರಾಯ್ಡ್ 15 ಅನ್ನು ಆಧರಿಸಿದ ನಥಿಂಗ್ ಓಎಸ್ 3.1 ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಇದರೊಂದಿಗೆ ಬಳಕೆದಾರರು ಲೆಟೆಸ್ಟ್​ ಮತ್ತು ಸ್ಮೂಥ್​ ಅನುಭವ ಪಡೆಯುತ್ತಾರೆ.

ನಥಿಂಗ್ ಫೋನ್ 3a, 3a ಪ್ರೊ ಬೆಲೆ: ಬೆಲೆಗಳ ಬಗ್ಗೆ ಹೇಳುವುದಾದರೆ ನಥಿಂಗ್ ಫೋನ್ 3aನ 8GB RAM + 128GB ಸ್ಟೋರೇಜ್ ರೂಪಾಂತರದ ಬೆಲೆ 22,999 ರೂ. ಮತ್ತು ನಥಿಂಗ್ ಫೋನ್ 3a ಪ್ರೊನ 8GB + 256GB ಮಾದರಿಯ ಬೆಲೆಯನ್ನು 27,999 ರೂ.ಗಳಿಗೆ ನಿಗದಿಪಡಿಸಲಾಗಿದೆ. ಇದಲ್ಲದೆ ಕಂಪನಿಯು ಈ ಫೋನ್‌ಗಳನ್ನು ಬ್ಲ್ಯಾಕ್​, ವೈಟ್​, ಬ್ಲೂ ಮತ್ತು ಗ್ರೇ ಕಲರ್ಸ್​ನಲ್ಲಿ ಬಿಡುಗಡೆ ಮಾಡಿದೆ. ಈ ಫೋನ್‌ಗಳ ಬುಕಿಂಗ್ ಪ್ರಾರಂಭವಾಗಿದೆ. ಇದರ ಮಾರಾಟವು ಮಾರ್ಚ್ 11, 2025 ರಿಂದ ಪ್ರಾರಂಭವಾಗುತ್ತದೆ.

Courtesy : amazon.com

ವಿವೋ ವಿ50 5ಜಿಗೆ ಕಠಿಣ ಸ್ಪರ್ಧೆ: ವಿವೋ ಇತ್ತೀಚೆಗೆ ತನ್ನ ಹೊಸ ವಿವೋ ವಿ50 ಸ್ಮಾರ್ಟ್‌ಫೋನ್ ಅನ್ನು ಬಿಡುಗಡೆ ಮಾಡಿದೆ. ಇದು ಮಧ್ಯಮ ಬಜೆಟ್ ವಿಭಾಗದಲ್ಲಿ ಬರುತ್ತದೆ. ಈ ಫೋನ್ ಅಲ್ಟ್ರಾ ಸ್ಲಿಮ್ ಕ್ವಾಡ್-ಕರ್ವ್ಡ್ ಡಿಸ್​ಪ್ಲೇ, 6000mAh ಬ್ಯಾಟರಿ ಮತ್ತು ಪವರ್​ಫುಲ್​ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ. ಈ ಫೋನ್ ಮಾರುಕಟ್ಟೆಯಲ್ಲಿ ಟೈಟಾನಿಯಂ ಗ್ರೇ, ರೋಸ್ ರೆಡ್ ಮತ್ತು ಸ್ಟಾರಿ ನೈಟ್‌ನಂತಹ ಮೂರು ಬಣ್ಣಗಳಲ್ಲಿ ಲಭ್ಯವಿದೆ. ಇದು 50MP ಡ್ಯುಯಲ್ ರಿಯರ್​ ಕ್ಯಾಮೆರಾ ಸೆಟಪ್ ಹೊಂದಿದೆ. 50MP ಹೈ-ಕ್ವಾಲಿಟಿ ಸೆಲ್ಫಿ ಕ್ಯಾಮೆರಾ ಕೂಡ ಇದರಲ್ಲಿದೆ.

ಈ ಸ್ಮಾರ್ಟ್‌ಫೋನ್ ಸ್ನಾಪ್‌ಡ್ರಾಗನ್ 7 ಜೆನ್ 3 ಪ್ರೊಸೆಸರ್ ಅನ್ನು ಹೊಂದಿದೆ. ಅಲ್ಲದೆ ಇದು ಆಂಡ್ರಾಯ್ಡ್ 14 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ. ಪವರ್​ಗಾಗಿ ಈ ಸಾಧನದಲ್ಲಿ ಶಕ್ತಿಯುತ 6000mAh ಬ್ಯಾಟರಿಯನ್ನು ಒದಗಿಸಲಾಗಿದ್ದು, ಅದು 90W ವೇಗದ ಚಾರ್ಜಿಂಗ್ ಅನ್ನು ಸಪೋರ್ಟ್​ ಮಾಡುತ್ತದೆ. ಫ್ಲಿಪ್‌ಕಾರ್ಟ್‌ನಲ್ಲಿ ಈ ಫೋನಿನ ಬೆಲೆ 34,999 ರೂ. ಆಗಿದೆ.