Operation Sindoor: ಪಾಕಿಸ್ತಾನದ ಮೇಲೆ ಭಾರತ ದಾಳಿ- ಮಂಗಳೂರಿನ ಕಡಲ ತೀರದಲ್ಲಿ ಹೈ ಅಲರ್ಟ್‌! | Operation Sindoor: Indian attack on Pakistan – High alert on Mangalore beach!

ಕರಾವಳಿ ಕಾವಲು ಪಡೆ ಅಧಿಕಾರಿಗಳು ಸಮುದ್ರ ಮಾರ್ಗದ ಮೀನುಗಾರಿಕಾ ಬೋಟ್ ಗಳನ್ನು ತಪಾಸಣೆ ನಡೆಸಿ ಮೀನುಗಾರರ ದಾಖಲೆ ಪರಿಶೀಲಿಸಿದ್ದಾರೆ. ಸದ್ಯ ಅನುಮಾನಾಸ್ಪದ ಬೋಟ್‌ಗಳ ಮೇಲೆ ನಿಗಾ ಇಟ್ಟಿರುವ ಪೊಲೀಸರು ತಪಾಸಣೆ ಮುಂದುವರೆಸಿದ್ದಾರೆ.

ಇನ್ನು ಕೋಸ್ಟ್ ಗಾರ್ಡ್ ನೌಕೆಗಳೂ ಆಳ ಸಮುದ್ರದಲ್ಲಿ ಪಹರೆಯನ್ನು ಮುಂದುವರಿಸಿವೆ. ಯಾವುದೇ ತರಹದ ದಾಳಿಯನ್ನು ಎದುರಿಸಲು ಸರ್ವ ಸನ್ನದ್ಧರಾಗಿರುವಂತೆ ಸೂಚನೆ ನೀಡಲಾಗಿದೆ. ಕೋಸ್ಡ್ ಗಾರ್ಡ್ ನೌಕೆ ವರಾಹ ಸೇರಿದಂತೆ ಹಲವು ನೌಕೆಗಳು ಗಸ್ತು ಹೆಚ್ಚಳ ಮಾಡಿವೆ. ಆಳ ಸಮುದ್ರಕ್ಕೆ ತೆರಳುವ ಮೀನುಗಾರಿಕಾ ಬೋಟಗಳ ಮೇಲೆ ನಿಗಾ ಇಡಲಾಗಿದೆ.

ಈಗಾಗಲೇ ಬೋಟ್ ಮಾಲಕರಿಗೆ ತಮ್ಮ ಬೋಟ್ ಕಾರ್ಮಿಕರ ಐಡಿ ಕಾರ್ಡ್ ಪಡೆಯುವಂತೆ ಸೂಚನೆ ನೀಡಲಾಗಿದೆ‌. ಅಲ್ಲದೇ ಆಳ ಸಮುದ್ರಕ್ಕೆ ತೆರಳುವ ಕಾರ್ಮಿಕರ ಬಗ್ಗೆ ಗಮನಹರಿಸಲು ಕರಾವಳಿ ಕಾವಲು ಪಡೆ ಅಧಿಕಾರಿಗಳು ಸೂಚನೆ ನೀಡಿದ್ದಾರೆ.