RCB Winning Celebration: ಬೆಂಗಳೂರಲ್ಲಷ್ಟೇ ಅಲ್ಲ ಆರ್​​ಸಿಬಿ ಗೆಲುವಿನ ಜೋಶ್; ದೇಶಾದ್ಯಂತ ದೀಪಾವಳಿಯಂತಹ ಸಂಭ್ರಮ, ಹೇಗಿತ್ತು ನೋಡಿ ಫ್ಯಾನ್ಸ್​​ ಕ್ರೇಜ್​​​! / RCB Victory Celebrations Rock Hyderabad and Lucknow Too! Fans Go Wild Across India

ಅತ್ತ ಅಹಮದಾಬಾದ್​​​ ಸ್ಟೇಡಿಯಂನಲ್ಲಿ ಆರ್​​ಸಿಬಿ ತಂಡ ಕಪ್​ ಹಿಡಿದು ಗೆಲುವನ್ನು ಸಂಭ್ರಮಿಸುತ್ತಿದ್ದರೆ ಇತ್ತ ಅಭಿಮಾನಿಗಳು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು. ಇದು ಕೇವಲ ಕರ್ನಾಟಕ ಮತ್ತು ಬೆಂಗಳೂರಷ್ಟೇ ಅಲ್ಲ, ಇಡೀ ಭಾರತದಾದ್ಯಂತ ಸಂಭ್ರಮಾಚರಣೆ ನಡೀತು.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಅಭಿಮಾನಿಗಳ ದಶಕಗಳ ಕನಸು ಕೊನೆಗೂ ನನಸಾಗಿದೆ. ಈ ಸಲ ಕಪ್ ನಮ್ದೇ ಅನ್ನೋ ಘೋಷಣೆ ಕಡೆಗೂ ಸತ್ಯವಾಗಿದೆ. ಈ ಬಾರಿ ಆರ್‌ಸಿಬಿ ಐಪಿಎಲ್ ಟ್ರೋಫಿ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ಅಭಿಮಾನಿಗಳಿಗೆ ರಸದೌತಣ ನೀಡಿದೆ.

ಆರ್​​ಸಿಬಿ ಗೆಲುವನ್ನು ಸಂಭ್ರಮಿಸಿದ ಫ್ಯಾನ್ಸ್​!  

ಆರ್​​ಸಿಬಿ ನಿನ್ನೆ ಗೆಲುವಿನ ನಾಗಾಲೋಟ ಎತ್ತಿಹಿಡಿದಿದೆ. ಇಡೀ ಭಾರತದಲ್ಲಿ ನಿನ್ನೆ ಫ್ಯಾನ್ಸ್​​ ಕ್ರೇಜ್​ ಜೋರಾಗಿತ್ತು. ಇಡಿ ರಾತ್ರಿ ಅಭಿಮಾನಿಗಳು ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದ್ದಾರೆ. ಕೆಲವು ಕಡೆ ರ್ಯಾಲಿಗಳನ್ನು ಮಾಡಿ ಗೆಲುವನ್ನು ಸಂಭ್ರಮಿಸಿದ್ದಾರೆ. ಇನ್ನೂ ಕೆಲವು ಕಡೆಗಳಲ್ಲಿ ಫ್ಯಾನ್ಸ್​ ಕುಣಿದು ಕುಪ್ಪಳಿಸಿದ್ದಾರೆ.

ಹೈದ್ರಾಬಾದ್​​ನಲ್ಲಿ ಆರ್​​ಸಿಬಿ ಫ್ಯಾನ್ಸ್​​ ಕ್ರೇಜ್​​!

ಹೈದ್ರಾಬಾದ್​​ನಲ್ಲಿ ನಿನ್ನೆ ರಾತ್ರಿ ದೀಪಾವಳಿ ಹಬ್ಬದ ವಾತಾವರಣ ಸೃಷ್ಟಿಯಾಗಿದೆ. ಆರ್​​ಸಿಬಿ ಕಪ್​ ಗೆದ್ದಿದೆ ತಡ ಅಭಿಮಾನಿಗಳು ಪಟಾಕಿ ಸಿಡಿಸಿ ಸಂಭ್ರಮಿಸಿದರು. ಆರ್​​ಸಿಬಿ ಆರ್​ಸಿಬಿ ಜೈಘೋಶಗಳು ಮೊಳಗಿದವು. ಕೋಹ್ಲಿ ಪಡೆಗೆ ಅಭಿನಂದನೆಗಳ ಮಹಾಪೂರವೇ ಹರಿದು ಬಂದಿದೆ.

ಲಕ್ನೋದಲ್ಲಿ ಆರ್​​ಸಿಬಿ ಅಭಿಮಾನಿಗಳ ಹರ್ಷೋದ್ಘಾರ!

ಇತ್ತ ಲಕ್ನೋದಲ್ಲೂ ಆರ್​​ಸಿಬಿ ಅಭಿಮಾನಿಗಳ ಕ್ರೇಜ್​ ಜೋರಾಗಿತ್ತು. ಪಂಜಾಬ್​ ಕಿಂಗ್ಸ್​ ವಿರುದ್ಧ ಆರ್​ಸಸಿಬಿ ಗೆದ್ದು ಬೀಗಿದ್ದಕ್ಕೆ ಅಭಿಮಾನಿಗಳ ಹರ್ಷೋದ್ಘಾರ ಮುಗಿಲು ಮುಟ್ಟಿದೆ. ಕೋಟ್ಯಾಂತರ ಅಭಿಮಾನಿಗಳ ಕನಸು ನನಸಾಗಿದೆ. 18 ವರ್ಷಗಳ ತಪ್ಪಸ್ಸಿಗೆ ಕೊನೆಗೂ ಫಲ ಸಿಕ್ಕಿದೆ. ಆರ್​​ಸಿಬಿ ಪಂಜಾಬ್​ ಕಿಂಗ್ಸ್​​ ವಿರುದ್ಧ ರೋಚಕ ಗೆಲುವು ಸಾಧಿಸಿದೆ. ಈ ಸಲ ಕಪ್​ ನಮ್ದೇ ಎಂದು ಕಪ್​ ಎತ್ತು ಕೋಹ್ಲಿ ಪಡೆ ಮುತ್ತಿಕ್ಕಿದೆ. ಇತ್ತ ಅಭಿಮಾನಿಗಳ ಹರ್ಷೋದ್ಘಾರ ಕೂಡ ಮುಗಿಲು ಮುಟ್ಟಿತ್ತು.

ಇನ್ನೂ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ಬಾಯ್ಸ್​​ ಇಂದು ತವರು ಮನೆಯಾದ ಬೆಂಗಳೂರಿಗೆ ಆಗಮಿಸುತ್ತಿದ್ದಾರೆ. ಕಪ್​ ಗೆದ್ದು ಬೆಂಗಳೂರಿಗೆ ಮತ್ತು ಕರುನಾಡಿಗೆ ಕಪ್​ ಅರ್ಪಿಸಲು ಎಂಟ್ರಿ ಕೊಡ್ತಿದ್ದು, ಇದೀಗ ಆರ್​ಸಿಬಿ ರಣಬೇಟೆಗಾರರನ್ನು ವೆಲ್​ಕಮ್​ ಮಾಡಿಕೊಳ್ಳಲು ಫ್ಯಾನ್ಸ್​​ ಸಜ್ಜಾಗಿದ್ದಾರೆ. ಜೊತೆಗೆ ಆರ್​​ಸಿಬಿ ಬಾಯ್ಸ್​​ ಇಂದು ಬೆಂಗಳೂರಿನಲ್ಲಿ ವಿಜಯಯಾತ್ರೆ ಮಾಡಲಿದ್ದಾರೆ.