ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿತು. ಕೊನೆಯ ಎರಡು ಓವರ್ ಬಾಕಿ ಇರುವಾಗ ಮಳೆ ಆರಂಭವಾಯಿತು. ಪರಿಣಾಮ ಪಂದ್ಯ 1.5 ಗಂಟೆಗಳ ಕಾಲ ಸ್ಥಗಿತಗೊಳಿಸಲಾಗಿತ್ತು. ನಂತರ 1 ಓವರ್ ಕಡಿತಗೊಳಿಸಿ ಪಂದ್ಯವನ್ನು 49 ಓವರ್ಗಳಿಗೆ ಆಡಿಸಲಾಯಿತು. ಭಾರತ ತಂಡ 49 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 340 ರನ್ಗಳ ಸವಾಲಿನ ಮೊತ್ತವನ್ನು ಕಲೆ ಹಾಕಿತು.
ಡಿಎಲ್ಎಸ್ ನಿಯಮದ ಪ್ರಕಾರ ನ್ಯೂಜಿಲೆಂಡ್ ವನಿತೆಯರು ಗೆಲ್ಲಲು 44 ಓವರ್ಗಳಲ್ಲಿ 325 ರನ್ ಗಳಿಸಬೇಕಾಗಿತ್ತು. ಆದರೆ ಸಂಘಟಿತ ಬೌಲಿಂಗ್ ದಾಳಿ ನಡೆಸಿದ ಟೀಮ್ ಇಂಡಿಯಾ ಬೌಲರ್ಸ್ ನ್ಯೂಜಿಲೆಂಡ್ ತಂಡವನ್ನು 274 ರನ್ಗಳಿಗೆ ಕಟ್ಟಿ ಹಾಕಿದರು.
ಬ್ರೂಕ್ ಹಾಲಿಡೆ ಹಾಗೂ ಇಸಬೆಲ್ಲಾ ಗಾಝಾ 6ನೇ ವಿಕೆಟ್ ಜೊತೆಯಾಟದಲ್ಲಿ 72 ರನ್ ಸೇರಿಸಿ ಭಾರತದ ಗೆಲುವನ್ನ ಸ್ವಲ್ಪ ಸಮಯ ತಡೆದರು. ಹಾಲಿಡೆ 84 ಎಸೆತಗಳಲ್ಲಿ 9 ಬೌಂಡರಿ, 1 ಸಿಕ್ಸರ್ ಸಹಿತ 81 ರನ್ಗಳಿಸಿದರೆ, ಇಸಬೆಲ್ಲಾ 51 ಎಸೆತಗಳಲ್ಲಿ ಅಜೇಯ 65 ರನ್ಗಳಿಸಿದರು. ಜೆಸ್ ಕೆರ್ 18 ರನ್ಗಳಿಸಿದರು.
ಭಾರತದ ಪರ ರೇಣುಕಾ ಠಾಕೂರ್ ಹಾಗೂ ಕ್ರಾಂತಿ ಗೌಡ್ ತಲಾ 2 ವಿಕೆಟ್ ಪಡೆದರೆ, ಸ್ನೇಹ್ ರಾಣಾ, ಶ್ರೀಚರಣಿ, ದೀಪ್ತಿ ಶರ್ಮಾ, ಪ್ರತಿಕಾ ರಾವಲ್ ತಲಾ 1 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.
ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ್ದ ಭಾರತ ತಂಡ ಸ್ಮೃತಿ ಮಂಧಾನ (109ರನ್ಸ್, 95 ಎಸೆತ, 10 ಬೌಂಡರಿ, 5 ಸಿಕ್ಸರ್) , ಪ್ರತಿಕಾ ರಾವಲ್ (122, 134 ಎಸೆತ,13 ಬೌಂಡರಿ, 2 ಸಿಕ್ಸರ್) ಶತಕ ಹಾಗೂ ಜೆಮಿಮಾ ರೋಡ್ರಿಗಸ್ (76 ರನ್ಸ್, 55 ಎಸೆತ, 11 ಬೌಂಡರಿ) ಅರ್ಧಶತಕ ಶತಕದ ನೆರವಿನಿಂದ 49 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 340 ರನ್ಗಳಿಸಿತ್ತು. ನಾಯಕಿ ಹರ್ಮನ್ ಪ್ರೀತ್ ಕೌರ್, 10, ರಿಚಾ ಘೋಷ್ ಅಜೇಯ 4 ರನ್ಗಳಿಸಿದ್ದರು.
ಈ ಗೆಲುವುನೊಂದಿಗೆ ಟೀಮ್ ಇಂಡಿಯಾ 4ನೇ ತಂಡವಾಗಿ ಸೆಮಿಫೈನಲ್ ಪ್ರವೇಶ ಪಡೆಯಿತು. ಭಾರತ ತಂಡ 6 ಪಂದ್ಯಗಳಲ್ಲಿ ತಲಾ 3 ಜಯ ಹಾಗೂ ಸೋಲಿನೊಂದಿಗೆ 6 ಅಂಕ ಪಡೆದಿದ್ದು, ಇನ್ನೊಂದು ಪಂದ್ಯವನ್ನಾಡಲಿದೆ. ಈ ಪಂದ್ಯವನ್ನ ಗೆದ್ದರೂ ಭಾರತ ತಂಡ 4ನೇ ಸ್ಥಾನದಲ್ಲೇ ಇರಲಿದೆ. ಈಗಾಗೇಲೆ ದಕ್ಷಿಣ ಆಫ್ರಿಕಾ , ಆಸ್ಟ್ರೇಲಿಯಾ, ಇಂಗ್ಲೆಂಡ್ ತಂಡಗಳು ಸೆಮಿಫೈನಲ್ ಪ್ರವೇಶಿಸಿದ್ದು, ಕ್ರಮವಾಗಿ ಟಾಪ್ 3 ಸ್ಥಾನದಲ್ಲಿವೆ.
October 23, 2025 11:26 PM IST