Last Updated:
ಭಾರತ ತಂಡದ ವೇಗಿಗಳು ತಿರುಗೇಟಿಗೆ ನಲುಗಿದ ಇಂಗ್ಲೆಂಟ್ 5ನೇ ಟೆಸ್ಟ್ ಪಂದ್ಯದಲ್ಲಿ ಕೇವಲ 247ಕ್ಕೆ ಆಲೌಟ್ ಆಗಿದೆ. ಜ್ಯಾಕ್ ಕ್ರಾಲಿ (64), ಹ್ಯಾರಿ ಬ್ರೂಕ್ (53) ಹಾಗೂ ಬೆನ್ ಡಕೆಟ್ 43 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.
ಭಾರತ ತಂಡದ ವೇಗಿಗಳು ತಿರುಗೇಟಿಗೆ ನಲುಗಿದ ಇಂಗ್ಲೆಂಟ್ 5ನೇ ಟೆಸ್ಟ್ ಪಂದ್ಯದಲ್ಲಿ ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 247ಕ್ಕೆ ಆಲೌಟ್ ಆಗಿದೆ. ಜ್ಯಾಕ್ ಕ್ರಾಲಿ (64), ಹ್ಯಾರಿ ಬ್ರೂಕ್ (53) ಹಾಗೂ ಬೆನ್ ಡಕೆಟ್ 43 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಮೊದಲ ವಿಕೆಟ್ಗೆ 92 ರನ್ಗಳಿಸಿ ಉತ್ತಮ ಆರಂಭ ಪಡೆಯಿತಾದರೂ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳು ಭಾರತ ತಂಡದ ಬೌಲರ್ಗಳ ಮುಂದೆ ನಿಲ್ಲಲಾರರಾದರು. ಆದರೂ 23 ರನ್ಗಳ ಮುನ್ನಡೆ ಪಡೆಯುವಲ್ಲಿ ಇಂಗ್ಲೆಂಡ್ ಸಫಲರಾದರು.
ಭಾರತ ತಂಡ 224ಕ್ಕೆ ಆಲೌಟ್ ಆದ ನಂತರ ಬ್ಯಾಟಿಂಗ್ ಇಳಿದ ಇಂಗ್ಲೆಂಡ್ ಭರ್ಜರಿಯಾದ ಆರಂಭವನ್ನೇ ಪಡೆದುಕೊಂಡಿತು. ಮೊದಲ ವಿಕೆಟ್ಗೆ ಜ್ಯಾಕ್ ಕ್ರಾಲಿ ಹಾಗೂ ಬೆನ್ ಡಕೆಟ್ 92 ರನ್ಗಳ ಸ್ಫೋಟಕ ಆರಂಭ ಪಡೆದುಕೊಂಡಿತು. ಈ ಇಬ್ಬರು ಟಿ20 ಪಂದ್ಯದಲ್ಲಿ ಆಡುವಂತೆ ಬೆಂಡೆತ್ತಿದ್ದರು. ಇವರಿಬ್ಬರು ಕೇವಲ 78 ಎಸೆತಗಳಲ್ಲಿ 92 ರನ್ ಸೇರಿಸಿದರು. ಅಪಾಯಕಾರಿಯಾಗಿದ್ದ ಈ ಜೋಡಿಯನ್ನ ಆಕಾಶ್ ದೀಪ್ ಬ್ರೇಕ್ ಮಾಡಿದರು. 38 ಎಸೆತಗಳಲ್ಲಿ 8 ಬೌಂಡರಿ, 2 ಸಿಕ್ಸರ್ ಸಹಿತ 43 ರನ್ಗಳಿಸಿದ್ದ ಡಕೆಟ್ ಕೀಪರ್ ಜುರೆಲ್ ಕ್ಯಾಚ್ ನೀಡಿ ಔಟ್ ಆದರು.
2ನೇ ವಿಕೆಟ್ಗೆ ಕ್ರಾಲೆ ಜೊತೆಗೂಡಿದ ನಾಯಕ ಒಲ್ಲಿ ಪೋಪ್ 37 ರನ್ ರನ್ಗಳ ಜೊತೆಯಾಟ ನಡೆಸಿದರು. ಇದೇ 2ನೇ ಗರಿಷ್ಠ ಜೊತೆಯಾಟವಾಯಿತು. ಜ್ಯಾಕ್ ಕ್ರಾಲಿ 57 ಎಸೆತಗಳಲ್ಲಿ 14 ಬೌಂಡರಿ ಸಹಿತ 64 ರನ್ಗಳಿಸಿ ಪ್ರಸಿಧ್ ಕೃಷ್ಣಗೆ ವಿಕೆಟ್ ಒಪ್ಪಿಸಿದರು. ಪೋಪ್ 22 ರನ್ಗಳಿಸಿ ರನ್ಗಳಿಸಿ ಸಿರಾಜ್ ಬೌಲಿಂಗ್ನಲ್ಲಿ ಎಲ್ಬಿ ಡಬ್ಲ್ಯೂ ಆದರು. ತಂಡದ ಸ್ಟಾರ್ ಬ್ಯಾಟರ್ ಜೋ ರೂಟ್ 45 ಎಸೆತಗಳಲ್ಲಿ 6 ಬೌಂಡರಿ ಸಹಿತ 29 ರನ್ಗಳಿಸಿ ಸಿರಾಜ್ ಬೌಲಿಂಗ್ನಲ್ಲಿ ಎಲ್ಬಿಬ್ಲ್ಯೂ ಬಲೆಗೆ ಬಿದ್ದರು.
5ನೇ ಕ್ರಮಾಂಕದಲ್ಲಿ ಬಂದ ಹ್ಯಾರಿ ಬ್ರೂಕ್ 64 ಎಸೆತಗಳಲ್ಲಿ 5 ಬೌಂಡರಿ, 1 ಸಿಕ್ಸರ್ ಸಹಿತ 53 ರನ್ಗಳಿಸಿ 2ನೇ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಇವರಿಗೆ ಯಾವ ಬ್ಯಾಟರ್ ಕೂಡ ಸಾಥ್ ನೀಡದ ಕಾರಣ ತಂಡದ ಮೊತ್ತ ನಿರೀಕ್ಷಿಸಿದಷ್ಟು ಹೋಗಲು ಸಾಧ್ಯವಾಗಲಿಲ್ಲ. ಜೇಮಿ ಸ್ಮಿತ್ 8, ಜಾಕೋಬ್ ಬೆಥೆಲ್ 6 ರನ್ಗಳಿಸಿ ಔಟ್ ಆದರೆ, ಬಾಲಂಗೋಚಿಗಳಾದ ಗಸ್ ಅಟ್ಕಿನ್ಸನ್ (11) ಹಾಗೂ ಜೇಮಿ ಓವರ್ಟನ್ ಖಾತೆ ತೆರೆಯದೇ ಪೆವಿಲಿಯನ್ ಸೇರಿದರು.
ಭಾರತದ ಪರ ಮಿಂಚಿದ ಮೊಹಮ್ಮದ್ ಸಿರಾಜ್ 86ಕ್ಕೆ 4 ವಿಕೆಟ್ ಪಡೆದರೆ, ಪ್ರಸಿಧ್ ಕೃಷ್ಣ 62ಕ್ಕೆ 4 ವಿಕೆಟ್ ಪಡೆದು ಇಂಗ್ಲೆಂಡ್ ಪತನಕ್ಕೆ ಕಾರಣರಾದರು. ಆಕಾಶ್ ದೀಪ್ 1 ವಿಕೆಟ್ ಪಡೆದರು.
ಬ್ಯಾಟ್ಗೆ ನೆರವು ನೀಡುವ ಪಿಚ್ನಲ್ಲಿ ಆಕ್ರಮಣಕಾರಿಯಾಗಿ ಬ್ಯಾಟ್ ಮಾಡಲು ಹೋದ ಇಂಗ್ಲೆಂಡ್ ಭಾರತೀಯ ಬೌಲಿಂಗ್ ದಾಳಿಯನ್ನ ಎದುರಿಸುವಲ್ಲಿ ವಿಫಲರಾಗಿ ದಿಢೀರ್ ಕುಸಿತ ಕಂಡಿತು. ಮೊದಲ 12 ಓವರ್ಗಳಲ್ಲಿ 92ರನ್ಗಳಿಸಿದ್ದ ಇಂಗ್ಲೆಂಡ್ ಮೊದಲ ವಿಕೆಟ್ ಪತನದ ನಂತರ ಒಂದೇ ಒಂದು ಅರ್ಧಶತಕದ ಜೊತೆಯಾಟ ಕಾಣಲು ಸಾಧ್ಯವಾಗಲಿಲ್ಲ. ಟೆಸ್ಟ್ ಆಟವನ್ನ ಟಿ20 ಮಾದರಿಯಲ್ಲಿ ಆಡಲು ಹೋಗಿ ಇಂಗ್ಲೆಂಡ್ ಕೈ ಸುಟ್ಟುಕೊಂಡಿತು.
ಈ ಇನ್ನಿಂಗ್ಸ್ನಲ್ಲಿ 29 ರನ್ಗಳಿಸಿದ ಜೋ ರೂಟ್ ಎರಡು ಪ್ರಮುಖ ದಾಖಲೆ ಬ್ರೇಕ್ ಮಾಡಿದರು. ಭಾರತ ತಂಡದ ವಿರುದ್ಧ ಒಂದೇ ದೇಶದಲ್ಲಿ ಹೆಚ್ಚು ರನ್ಗಳಿಸಿದ ಆಟಗಾರರಲ್ಲಿ ರೂಟ್ ಅಗ್ರಸ್ಥಾನದಲ್ಲಿದ್ದರೆ, ರಿಕಿ ಪಾಂಟಿಂಗ್ ಭಾರತದ ವಿರುದ್ಧ ಆಸ್ಟ್ರೇಲಿಯಾದಲ್ಲಿ 1893 ರನ್ಗಳಿಸಿದ್ದಾರೆ. ವಿಂಡೀಸ್ ತಂಡದ ಚಂದ್ರಪಾಲ್ ವೆಸ್ ಇಂಡೀಸ್ನಲ್ಲಿ 1547 ರನ್, ಪಾಕಿಸ್ತಾನದ ಜಹೀರ್ ಅಬ್ಬಾಸ್ ಪಾಕಿಸ್ತಾನದಲ್ಲಿ1427 ರನ್, ಸ್ಟೀವ್ ಸ್ಮಿತ್ ಆಸ್ಟ್ರೇಲಿಯಾದಲ್ಲಿ 1396 ರನ್ಗಳಿಸಿದ್ದಾರೆ.
August 01, 2025 10:23 PM IST
