7 Shades of Dhoni OTT release When where to watch MS Dhoni | 7 Shades of Dhoni OTT release When where to watch MS Dhoni

7 ಶೇಡ್ಸ್ ಆಫ್ ಧೋನಿ (7 Shades of Dhoni OTT) ಎಂಬುದು ಎಂಎಸ್ ಧೋನಿಗೆ (MS Dhoni) ಮೀಸಲಾಗಿರುವ ವಿಶೇಷ ಸರಣಿಯಾಗಿದೆ. ಅವರ ಆರಂಭಿಕ ದಿನಗಳಿಂದ ಹಿಡಿದು ಕ್ಯಾಪ್ಟನ್ ಕೂಲ್ ಆಗುವವರೆಗೆ ಈ ಸರಣಿಯಲ್ಲಿದೆ. ಹೊಸ ಸರಣಿಯು ಕ್ರಿಕೆಟ್ (Cricket) ತಾರೆಯಾಗಿ ಧೋನಿಯಪ್ರಯಾಣದ ಒಂದು ನೋಟವನ್ನು ನೀಡುತ್ತದೆ. ಮಹೇಂದ್ರ ಸಿಂಗ್ ಧೋನಿ, ಅಕಾ ಎಂಎಸ್‌ಡಿ, ಕ್ರಿಕೆಟ್ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಿದ್ದಾರೆ  ಅವರ ಜನ್ಮದಿನದ ಸ್ಮರಣಾರ್ಥವಾಗಿ ಈ ಕಿರು ಸರಣಿಯನ್ನು (short Series) ಇತ್ತೀಚೆಗೆ ಒಟಿಟಿಯಲ್ಲಿ ಬಿಡುಗಡೆ ಮಾಡಲಾಯಿತು.

ಮಹೇಂದ್ರ ಸಿಂಗ್ ಧೋನಿ ಅವರ ತಂದೆ ಪಾನ್ ಸಿಂಗ್, ಮ್ಯಾಕಾನ್ ಕಂಪನಿಯಲ್ಲಿ ಪಂಪ್ ಆಪರೇಟರ್ ಆಗಿ ಕೆಲಸ ಮಾಡುತ್ತಿದ್ದರು. ಧೋನಿ ಮೊದಲು ಫುಟ್ಬಾಲ್ ಕೀಪರ್ ಆಗಿ ತಮ್ಮ ಕ್ರೀಡಾ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಆದರೆ ಅವರು ತಮ್ಮ ಶಾಲಾ ತರಬೇತುದಾರರ ಸಲಹೆಯ ಮೇರೆಗೆ ಕ್ರಿಕೆಟ್‌ನತ್ತ ಹೆಜ್ಜೆ ಹಾಕಿದರು. ವಿಕೆಟ್ ಕೀಪರ್ ಆಗಿ ಅವರ ನೈಸರ್ಗಿಕ ಪ್ರತಿಭೆ ಮತ್ತು ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿ ಅವರನ್ನು ಎಲ್ಲರಿಗಿಂತ ಭಿನ್ನವಾಗಿಸಿತು.

ಎರಡನೇ ಸಂಚಿಕೆಯು ‘ರಾಂಚಿಯಿಂದ ಟೀಮ್ ಇಂಡಿಯಾಕ್ಕೆ’ ಎಂಬ ಶೀರ್ಷಿಕೆ ಇದೆ. ಸತತ ಸಂಚಿಕೆಗಳು ಅವರು ಥಾಲ ಧೋನಿ ಮತ್ತು ಕ್ಯಾಪ್ಟನ್ ಕೂಲ್ ಆಗುವ ಅವರ ಯಶಸ್ಸಿನ ಕಥೆಗಳನ್ನು ಪ್ರಪಂಚದಾದ್ಯಂತದ ಲಕ್ಷಾಂತರ ಕ್ರಿಕೆಟ್ ಅಭಿಮಾನಿಗಳಿಗೆ ವಿವರಿಸುತ್ತವೆ. ನೀವು ಕ್ರಿಕೆಟ್ ಅಭಿಮಾನಿಯಾಗಿದ್ದರೆ, ಜಿಯೋಹಾಟ್‌ಸ್ಟಾರ್‌ನಲ್ಲಿ ಈ ಚಿತ್ರ ಇದೆ.

1998 ರಲ್ಲಿ ಸೆಂಟ್ರಲ್ ಕೋ-ಫೀಲ್ಸ್ ಲಿಮಿಟೆಡ್ ತಂಡವನ್ನು ಸೇರಿದಾಗ ಧೋನಿ ಅವರ ವೃತ್ತಿಜೀವನವು ಒಂದು ದೊಡ್ಡ ತಿರುವು ಪಡೆದುಕೊಂಡಿತು ಎಂದು ಹೇಳಬಹುದು. ಧೋನಿಯ ಪ್ರದರ್ಶನವನ್ನು ನೋಡಿದ ಬಿಹಾರ ಕ್ರಿಕೆಟ್ ಅಸೋಸಿಯೇಷನ್‌ನ ಮಾಜಿ ಅಧ್ಯಕ್ಷ ದೇವರ್ಶಿಶ್ ಚಕ್ರವರ್ತಿ, ಧೋನಿಯ ಹೆಸರನ್ನು ಆಯ್ಕೆದಾರರಿಗೆ ಶಿಫಾರಸು ಮಾಡಿದರು.

2003-04 ರಲ್ಲಿ ಜಿಂಬಾಬ್ವೆ ಮತ್ತು ಕೀನ್ಯಾ ಪ್ರವಾಸಕ್ಕೆ ಹೋದ ಭಾರತೀಯ ತಂಡದಲ್ಲಿ ಧೋನಿ ಸ್ಥಾನ ಪಡೆದರು. ಈ ಪ್ರವಾಸದಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಧೋನಿ, 2004 ರಲ್ಲಿ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಗೆ ಆಯ್ಕೆಯಾದರು. ಅದರ ನಂತರ, ಅವರು ಪಾಕಿಸ್ತಾನ ವಿರುದ್ಧ ವಿಶಾಖಪಟ್ಟಣದಲ್ಲಿ 148 ರನ್ ಗಳಿಸುವ ಮೂಲಕ ಸಂಚಲನ ಮೂಡಿಸಿದರು. ಅಂದಿನಿಂದ, ಧೋನಿ ಹಿಂತಿರುಗಿ ನೋಡಿಲ್ಲ.