India vs England: ಭಾರತದ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಇದೇ ಮೊದಲು! ಘಟಾನುಘಟಿಗಳಿಂದಲೂ ಆಗದ ದಾಖಲೆ ನಿರ್ಮಿಸಿದ ಯಂಗ್ ಇಂಡಿಯಾ | For the first Team India 1000 Runs Record in 93 Years of Test History

ಸದ್ಯ ಟೀಂ ಇಂಡಿಯಾ 93 ವರ್ಷಗಳ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಹಿಂದೆಂದೂ ಮಾಡಲಾಗದ ಹೊಸ ದಾಖಲೆಯೊಂದನ್ನು ಮಾಡಿದೆ. ಅದು ಕೂಡ ಘಟಾನುಘಟಿ ಆಟಗಾರರು. ಲೆಜೆಂಡರಿ ಆಟಗಾರರು ತಂಡದಲ್ಲಿ ಇದ್ದಾಗಲು ಕೂಡ ಈ ಸಾಧನೆ ಮಾಡಲಾಗಿರಲಿಲ್ಲ. ಆ ದಾಖಲೆ ಬೇರೆ ಯಾವುದು ಅಲ್ಲ, ಟೀಂ ಇಂಡಿಯಾ ಒಂದೇ ಪಂದ್ಯದಲ್ಲಿ ಬರೋಬ್ಬರಿ 1000 ರನ್ ಗಳಿಸಿರುವುದು. ಹೌದು, ಮೊದಲ ಇನ್ನಿಂಗ್ಸ್‌ನ್ಲಲಿ 587 ರನ್‌ ಎರಡನೇ ಇನ್ನಿಂಗ್ಸ್‌ನಲ್ಲಿ 427 ರನ್‌ಗಳು ಸಿಡಿಸುವ ಮೂಲಕ 1000ರನ್ ಪೂರ್ಣಗೊಳಿಸಿತು.

ಭಾರತ ಟೆಸ್ಟ್ ಪಂದ್ಯದಲ್ಲಿ 1000 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸುವುದಕ್ಕೆ ಮೊದಲು ಇದುವರೆಗೂ ವಿಶ್ವದ 5 ತಂಡಗಳು ಮಾತ್ರ ಈ ದಾಖಲೆ ಮಾಡವೆ. ಟೆಸ್ಟ್ ಪಂದ್ಯದಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಒಟ್ಟಾರೆ ದಾಖಲೆ ಇಂಗ್ಲೆಂಡ್ ಹೆಸರಲ್ಲಿದೆ. 1930 ರಲ್ಲಿ ವೆಸ್ಟ್ ಇಂಡೀಸ್ ತಂಡದ ವಿರುದ್ಧ ಕಿಂಗ್‌ಸ್ಟನ್ ನಡೆದ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಒಟ್ಟು 1121 ರನ್ ಗಳಿಸಿತ್ತು.