WTC 2025-27: ಬೋನಸ್ ಪಾಯಿಂಟ್ ಪರಿಚಯಿಸಲು ಐಸಿಸಿ ಪ್ಲಾನ್! ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ಇನ್ಮೇಲೆ ಮತ್ತಷ್ಟು ರೋಚಕ | ICC planning to Consider Bonus Point System for WTC 2025-27 Cycle

ಇನ್ನಿಂಗ್ಸ್​​ ಗೆಲುವಿಗೆ ಹೆಚ್ಚು ಅಂಕ

ಪ್ರಸ್ತುತ ನಿಯಮಗಳ ಪ್ರಕಾರ, ಟೆಸ್ಟ್ ಪಂದ್ಯದಲ್ಲಿ ಸಣ್ಣ ಅಂತರದಿಂದ ಅಥವಾ ಇನ್ನಿಂಗ್ಸ್‌ನಿಂದ ಗೆದ್ದರೂ ತಂಡಗಳಿಗೆ 12 ಅಂಕಗಳು ಲಭಿಸುತ್ತವೆ. ಪಂದ್ಯ ಟೈ ಆದರೆ 6 ಅಂಕಗಳು ಮತ್ತು ಡ್ರಾ ಆದರೆ 4 ಅಂಕಗಳು ಸಿಗುತ್ತವೆ. ಆದರೆ, ಹೊಸ ಪ್ರಸ್ತಾವದಲ್ಲಿ ಇನ್ನಿಂಗ್ಸ್ ಗೆಲುವು, ದೊಡ್ಡ ಅಂತರದ ಗೆಲುವು ಅಥವಾ ಎದುರಾಳಿಯ ತವರು ನೆಲದಲ್ಲಿ ಪಂದ್ಯವನ್ನ ಗೆದ್ದರೆ ಹೆಚ್ಚುವರಿ ಅಂಕಗಳನ್ನು ನೀಡುವ ಯೋಜನೆ ಇದೆ.

“ಡಬ್ಲ್ಯೂಟಿಸಿ ಆರಂಭವಾದಾಗಿನಿಂದ ಇಂತಹ ಬೋನಸ್ ಅಂಕಗಳ ಬಗ್ಗೆ ಚರ್ಚೆ ನಡೆಯುತ್ತಿದೆ. ದೊಡ್ಡ ತಂಡಗಳ ವಿರುದ್ಧ ಗೆಲ್ಲುವುದಕ್ಕೆ ಸೂಕ್ತ ಪ್ರತಿಫಲ ಸಿಗುತ್ತಿಲ್ಲ ಎಂದು ಹಲವು ತಂಡಗಳು ಭಾವಿಸಿವೆ,” ಎಂದು ಐಸಿಸಿ ಮೂಲವೊಂದು ತಿಳಿಸಿದೆ.

ಇದನ್ನೂ ಓದಿ: ಹ್ಯಾರಿ ಬ್ರೂಕ್‌ಗೆ 2 ವರ್ಷ ನಿಷೇಧ! ತಮ್ಮದೇ ದೇಶದ ಆಟಗಾರನ ಬ್ಯಾನ್ ಸಮರ್ಥಿಸಿಕೊಂಡ ಇಂಗ್ಲೆಂಡ್ ಮಾಜಿ ನಾಯಕ

ಗೆಲುವಿನ ಹಸಿವು ಹೆಚ್ಚಾಗಲಿದೆ

ಭಾರತದ ಮಾಜಿ ಆಟಗಾರರೊಬ್ಬರು, “ಈ ವ್ಯವಸ್ಥೆ ಜಾರಿಗೆ ಬಂದರೆ ಅದು ಒಳ್ಳೆಯ ಉಪಕ್ರಮವಾಗಲಿದೆ. ತಂಡಗಳು ಫಲಿತಾಂಶಕ್ಕಾಗಿ ಆಡಲು ಪ್ರೇರೇಪಿತವಾಗುತ್ತವೆ ಮತ್ತು ರೋಮಾಂಚಕಾರಿ ಪಂದ್ಯಗಳನ್ನು ಕಾಣಬಹುದು,” ಎಂದು ಹೇಳಿದ್ದಾರೆ. ಎದುರಾಳಿಯ ತವರು ನೆಲದಲ್ಲಿ ಗೆಲ್ಲುವುದಕ್ಕೆ ಹೆಚ್ಚುವರಿ ಅಂಕಗಳನ್ನು ನೀಡುವ ಪ್ರಸ್ತಾವವೂ ಚರ್ಚೆಯಲ್ಲಿದೆ. “ಇದು ತಂಡಗಳಿಗೆ ಸ್ಪೂರ್ತಿದಾಯಕವಾಗಿರುತ್ತದೆ,” ಎಂದು ಮೂಲಗಳು ತಿಳಿಸಿವೆ.

ಕಳೆದ ವರ್ಷ ನ್ಯೂಜಿಲೆಂಡ್ ಭಾರತದಲ್ಲಿ ಐತಿಹಾಸಿಕ ಟೆಸ್ಟ್ ಸರಣಿ ಗೆದ್ದಿತ್ತು. ಭಾರತದಂತಹ ದೊಡ್ಡ ತಂಡವನ್ನು ಅದರ ತವರು ನೆಲದಲ್ಲಿ ಸೋಲಿಸುವುದು ಅಪರೂಪ ಎಂಬುದನ್ನು ಗಮನಿಸಿ, ಐಸಿಸಿ ಈ ರೀತಿಯ ಗೆಲುವಿಗೆ ಹೆಚ್ಚಿನ ಮಾನ್ಯತೆ ನೀಡಲು ಯೋಚಿಸುತ್ತಿದೆ.

ಇದನ್ನೂ ಓದಿ: ಈ ಬಾರಿ ಆ ತಂಡ 300 ರನ್‌ಗಳ ಗಡಿ ದಾಟುತ್ತೆ! ಮಾಜಿ ಭಾರತೀಯ ಕ್ರಿಕೆಟಿಗ ಭವಿಷ್ಯ, ಎಬಿಡಿಯಿಂದಲೂ ಸಮ್ಮತಿ

ಒಟ್ಟಾರೆಯಾಗಿ, ಐಸಿಸಿ ಈ ಹೊಸ ಬೋನಸ್ ಅಂಕ ವ್ಯವಸ್ಥೆಯನ್ನು ಜಾರಿಗೊಳಿಸಿದರೆ, ಟೆಸ್ಟ್ ಕ್ರಿಕೆಟ್‌ನಲ್ಲಿ ಹೆಚ್ಚು ರೋಮಾಂಚನ ಮತ್ತು ಸ್ಪರ್ಧಾತ್ಮಕತೆ ಕಾಣಬಹುದು ಎಂದು ಕ್ರಿಕೆಟ್ ಪ್ರೇಮಿಗಳು ಭಾವಿಸಿದ್ದಾರೆ. 2025-27ರ ಡಬ್ಲ್ಯೂಟಿಸಿ ಚಕ್ರದಲ್ಲಿ ಈ ಬದಲಾವಣೆಗಳು ಜಾರಿಯಾದರೆ, ಭಾರತ-ಇಂಗ್ಲೆಂಡ್ ಸರಣಿ ಇನ್ನಷ್ಟು ಆಕರ್ಷಕವಾಗಲಿದೆ.