Last Updated:
ಆಯುಷ್ ಮ್ಹಾತ್ರೆ ತಮ್ಮ ಶತಕವನ್ನು ಕೇವಲ 107 ಎಸೆತಗಳಲ್ಲಿ ಪೂರೈಸಿದರು, ಇದರಲ್ಲಿ 14 ಬೌಂಡರಿಗಳು ಮತ್ತು 2 ಸಿಕ್ಸರ್‌ಗಳು ಸೇರಿದ್ದವು. ಅವರು ಇಂಗ್ಲೆಂಡ್‌ನ ಬೌಲರ್ ಜೇಮ್ಸ್ ಮಿಂಟೊ ಅವರ 16ನೇ ಓವರ್‌ನಲ್ಲಿ ಎರಡು ಸಿಕ್ಸರ್‌ಗಳನ್ನು ಬಾರಿಸಿ ತಮ್ಮ ಆಕ್ರಮಣಕಾರಿ ಆಟವನ್ನು ಪ್ರದರ್ಶಿಸಿದರು. 36ನೇ ಓವರ್‌ನ ಮೊದಲ ಎಸೆತದಲ್ಲಿ ಆರ್ಚೀ ವಾನ್‌ಗೆ ಸಿಕ್ಸರ್ ಬಾರಿಸಿ ಶತಕವನ್ನು ಪೂರೈಸಿದರು.
ಇಂಗ್ಲೆಂಡ್‌ನ ಬೆಕನ್‌ಹ್ಯಾಮ್‌ನ ಕೆಂಟ್ ಕೌಂಟಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ಭಾರತ U-19 ಮತ್ತು ಇಂಗ್ಲೆಂಡ್ U-19 (India U19 vs England U19) ತಂಡಗಳ ನಡುವಿನ ಮೊದಲ ಯುವ ಟೆಸ್ಟ್ ಪಂದ್ಯದ ಮೊದಲ ದಿನದಂದು, ಭಾರತ U-19 ತಂಡದ ನಾಯಕ ಆಯುಷ್ ಮ್ಹಾತ್ರೆ (Ayush Mhatre) 102 ರನ್ಗಳ ಶತಕ ಗಳಿಸಿ ತಂಡಕ್ಕೆ ಉತ್ತಮ ಆರಂಭವನ್ನು ಒದಗಿಸಿಕೊಟ್ಟರು. 17 ವರ್ಷದ ಈ ಮುಂಬೈ ಆಟಗಾರನ ಈ ಶತಕವು ಭಾರತದ ದೊಡ್ಡ ಮೊತ್ತ ದಾಖಲಿಸುವುದಕ್ಕೆ ನೆರವಾಗಿದೆ. ಆದರೆ ಆರಂಭಿಕ ಆಟಗಾರ ವೈಭವ್ ಸೂರ್ಯವಂಶಿ ಕೇವಲ 14 ರನ್‌ಗಳಿಗೆ ಔಟಾದರು. ಈ ಪಂದ್ಯವು ಭಾರತ U-19 ತಂಡದ ಇಂಗ್ಲೆಂಡ್ ಪ್ರವಾಸದ ಭಾಗವಾಗಿದ್ದು, ಈ ಮೊದಲು ಐದು ಪಂದ್ಯಗಳ ಯುವ ಒಡಿಐ ಸರಣಿಯನ್ನು 3-2 ರಿಂದ ಗೆದ್ದುಕೊಂಡಿದೆ.
ಭಾರತ U-19 ತಂಡದ ನಾಯಕ ಆಯುಷ್ ಮ್ಹಾತ್ರೆ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದರು. ಇದು ತಂಡಕ್ಕೆ ರೆಡ್-ಬಾಲ್ ಕ್ರಿಕೆಟ್‌ನಲ್ಲಿ ತಮ್ಮ ಸಾಮರ್ಥ್ಯವನ್ನು ತೋರಿಸಲು ಒಂದು ಅವಕಾಶವಾಗಿತ್ತು. ಆಯುಷ್ ಮ್ಹಾತ್ರೆ ಮತ್ತು ವೈಭವ್ ಸೂರ್ಯವಂಶಿ ಇನ್ನಿಂಗ್ಸ್ ಆರಂಭಿಸಿದರು, ಆದರೆ ವೈಭವ್ 13 ಎಸೆತಗಳಲ್ಲಿ 14 ರನ್ ಗಳಿಸಿ ಬೇಗನೇ ಔಟಾದರು. ಇದರಿಂದ ಭಾರತ 33/1 ರನ್‌ಗಳಿಗೆ ಒಂದು ವಿಕೆಟ್ ಕಳೆದುಕೊಂಡಿತು. ಆದರೆ, ಆಯುಷ್ ಮಾತ್ರೆ ತಮ್ಮ ಜವಾಬ್ದಾರಿಯನ್ನು ತೆಗೆದುಕೊಂಡು ಇನ್ನಿಂಗ್ಸ್‌ನ್ನು ಸ್ಥಿರಗೊಳಿಸಿದರು.
ಆಯುಷ್ ಮ್ಹಾತ್ರೆ ತಮ್ಮ ಶತಕವನ್ನು ಕೇವಲ 107 ಎಸೆತಗಳಲ್ಲಿ ಪೂರೈಸಿದರು, ಇದರಲ್ಲಿ 14 ಬೌಂಡರಿಗಳು ಮತ್ತು 2 ಸಿಕ್ಸರ್‌ಗಳು ಸೇರಿದ್ದವು. ಅವರು ಇಂಗ್ಲೆಂಡ್‌ನ ಬೌಲರ್ ಜೇಮ್ಸ್ ಮಿಂಟೊ ಅವರ 16ನೇ ಓವರ್‌ನಲ್ಲಿ ಎರಡು ಸಿಕ್ಸರ್‌ಗಳನ್ನು ಬಾರಿಸಿ ತಮ್ಮ ಆಕ್ರಮಣಕಾರಿ ಆಟವನ್ನು ಪ್ರದರ್ಶಿಸಿದರು. 36ನೇ ಓವರ್‌ನ ಮೊದಲ ಎಸೆತದಲ್ಲಿ ಆರ್ಚೀ ವಾನ್‌ಗೆ ಸಿಕ್ಸರ್ ಬಾರಿಸಿ ಶತಕವನ್ನು ಪೂರೈಸಿದರು, ಇದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಆದರೆ, 115 ಎಸೆತಗಳಲ್ಲಿ 102 ರನ್ ಗಳಿಸಿ ಆರ್ಚೀ ವಾನ್‌ಗೆ ವಿಕೆಟ್ ಒಪ್ಪಿಸಿದರು.
ಆಯುಷ್ ಮಾತ್ರೆ ಎರಡನೇ ವಿಕೆಟ್‌ಗೆ ವಿಹಾನ್ ಮಲ್ಹೋತ್ರಾದೊಂದಿಗೆ 173 ರನ್ಗಳ ಜೊತೆಯಾಟ ನಡೆಸಿದರು. ಈ ಜೊತೆಯಾಟದ ನೆರವಿನೊಂದಿಗೆ ಭಾರತಕ್ಕೆ ಗಟ್ಟಿಯಾದ ಆಧಾರವನ್ನು ಒದಗಿಸಿಕೊಟ್ಟಿದೆ. ವಿಹಾನ್ ತಮ್ಮ ಆಟದಲ್ಲಿ ತಾಳ್ಮೆಯನ್ನು ತೋರಿಸಿದರೆ, ಮಾತ್ರೆ ಆಕರ್ಷಕ ಶಾಟ್‌ಗಳ ಮೂಲಕ ರನ್‌ಗಳನ್ನು ಕಲೆಹಾಕಿದರು. ಈ ಜೋಡಿಯು ಇಂಗ್ಲೆಂಡ್‌ನ ಬೌಲಿಂಗ್ ದಾಳಿಯನ್ನು ಯಶಸ್ವಿಯಾಗಿ ಎದುರಿಸಿತು, ಮತ್ತು 22 ಓವರ್‌ಗಳ ಒಳಗೆ ಭಾರತ 100 ರನ್‌ಗಳನ್ನು ದಾಟಿತು.
July 12, 2025 9:43 PM IST
