Jadeja vs Ben Stokes: ಜಡೇಜಾ ಜೊತೆ ಅನುಚಿತ ವರ್ತನೆ! ಬೆನ್​ ಸ್ಟೋಕ್ಸ್​ ವಿರುದ್ಧ ಇಂಗ್ಲೆಂಡ್ ಮಾಜಿ ನಾಯಕನಿಂದಲೇ​​ ಆಕ್ರೋಶ | Jadeja vs Ben Stokes: ಜಡೇಜಾ ಜೊತೆ ಅನುಚಿತ ವರ್ತನೆ! ಬೆನ್​ ಸ್ಟೋಕ್ಸ್​ ವಿರುದ್ಧ ಇಂಗ್ಲೆಂಡ್ ಮಾಜಿ ನಾಯಕನಿಂದಲೇ​​ ಆಕ್ರೋಶ | ex-england skipper alastair cook praises jadeja sundar’s grit in manchester test

ಭಾನುವಾರ ಮುಕ್ತಾಯಗೊಂಡ ಇಂಗ್ಲೆಂಡ್ ವಿರುದ್ಧದ ನಾಲ್ಕನೇ ಟೆಸ್ಟ್ ಪಂದ್ಯದ ಕೊನೆಯ 15 ಹೈ ಡ್ರಾಮಾ ನಡೆದಿದೆ. ಜಡೇಜ ಮತ್ತು ಸುಂದರ್ ಶತಕ ಗಳಿಸುವುದನ್ನು ತಡೆಯುವ ಉದ್ದೇಶ ಹೊಂದಿದ್ದ ಬೆನ್ ಸ್ಟೋಕ್ಸ್, ನಿಗದಿತ ಸಮಯಕ್ಕಿಂತ ಮೊದಲೇ ಡ್ರಾ ಮಾಡಿಕೊಳ್ಳುವ ಪ್ರಸ್ತಾಪ ಮುಂದಿಟ್ಟರು. ಆದರೆ, ಭಾರತೀಯ ಆಟಗಾರರು ಈ ವಿನಂತಿಯನ್ನು ನಿರಾಕರಿಸಿದರು. ಬೆನ್ ಸ್ಟೋಕ್ಸ್ ತಾಳ್ಮೆ ಕಳೆದುಕೊಂಡು ಭಾರತೀಯ ಆಟಗಾರರ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದರು. ಹ್ಯಾರಿ ಬ್ರೂಕ್ ಮತ್ತು ಬೆನ್ ಡಕೆಟ್ ಬೌಲಿಂಗ್​​ಗೆ ಶತಕ ಗಳಿಸುತ್ತೀರಾ? ಎಂದು ಅಪಹಾಸ್ಯ ಮಾಡಿದ್ದರು.

ಜಡೇಜಾ ಮತ್ತು ಸ್ಟೋಕ್ಸ್​ ನಡುವೆ ನಡೆದ ಮಾತುಕತೆ ಸ್ಟಂಪ್ ಮೈಕ್‌ನಲ್ಲಿ ರೆಕಾರ್ಡ್ ಮಾಡಲಾಗಿದೆ. ಇಷ್ಟೆಲ್ಲಾ ಅಪಹಾಸ್ಯದ ಹೊರತಾಗಿಯೂ, ಜಡೇಜಾ ತಾಳ್ಮೆಯಿಂದ ಪ್ರತಿಕ್ರಿಯಿಸಿದರು ಮತ್ತು ಡ್ರಾ ನಮ್ಮ ಕೈಯಲ್ಲಿಲ್ಲ ಎಂದು ಹೇಳಿದರು. ಎರಡೂ ತಂಡಗಳು ಶತಕಗಳನ್ನು ಪೂರೈಸಿದ ನಂತರ ಭಾರತವು ಡ್ರಾ ಮಾಡಿಕೊಳ್ಳಲು ಒಪ್ಪಿಕೊಂಡಿತು. ಆದರೆ, ಪಂದ್ಯ ಮುಗಿದ ನಮತರ ಕೋಪದಿಂದಾಗಿ ಬೆನ್ ಸ್ಟೋಕ್ಸ್ ಜಡೇಜಾ ಅವರ ಕೈ ಕುಲುಕಲಿಲ್ಲ. ಅವರು ಅಸಹನೆ ವ್ಯಕ್ತಪಡಿಸಿ ಕೈಕುಲುಕದೆ ಹೊರಟುಹೋದರು. ಬೆನ್ ಸ್ಟೋಕ್ಸ್ ವರ್ತನೆ ಕ್ರೀಡಾ ಸ್ಪೂರ್ತಿಗೆ ವಿರುದ್ಧವಾಗಿದೆ ಎಂದು ವ್ಯಾಪಕವಾಗಿ ಟೀಕೆಗೆ ಗುರಿಯಾದರು. ಟೀಮ್ ಇಂಡಿಯಾ ಮುಖ್ಯ ಕೋಚ್ ಗೌತಮ್ ಗಂಭೀರ್ ಕೂಡ ಸ್ಟೋಕ್ಸ್ ಅವರನ್ನು ಟೀಕಿಸಿದರು. ಜಡೇಜ ಮತ್ತು ಸುಂದರ್ ಅವರ ಸ್ಥಾನದಲ್ಲಿದ್ದರೆ ಇಂಗ್ಲೆಂಡ್ ಆಟಗಾರರಿದ್ದರೆ ಅವರು ಡ್ರಾವನ್ನು ಒಪ್ಪಿಕೊಳ್ಳುತ್ತಿತ್ತೇ? ಅವನು ಪ್ರಶ್ನಿಸಿದ್ದಾರೆ.

ಈ ವಿಷಯದ ಬಗ್ಗೆ ಪಂದ್ಯದ ನಂತರ ಮಾತನಾಡಿದ ಅಲಸ್ಟೈರ್ ಕುಕ್ ಕೂಡ ಬೆನ್ ಸ್ಟೋಕ್ಸ್ ಅವರನ್ನು ದೂಷಿಸಿದ್ದಾರೆ. ” ಭಾರತ ತಂಡದ ಆಟಗಾರರು ಸರಿಯಾದ ನಿರ್ಧಾರ ತೆಗೆದುಕೊಂಡಿದ್ದಾರೆ.” ಅವರು ತಮ್ಮಲ್ಲಿದ್ದ ಆವೇಗವನ್ನು ಮುಂದುವರಿಸಲು ಬಯಸಿದ್ದರು. 140 ಓವರ್‌ಗಳಿಗೆ ಫೀಲ್ಡಿಂಗ್ ಮಾಡಿದರೆ ಯಾರಿಗಾದರೂ ಬೇಸರವಾಗುತ್ತದೆ. ಇಂಗ್ಲೆಂಡ್ ಆಟಗಾರರು ಕೂಡ ತಾಳ್ಮೆ ಕಳೆದುಕೊಂಡಿದ್ದು ತಪ್ಪು ಎಂದು ತಿಳಿಸಿದ್ದಾರೆ.