Last Updated:
ಮಹಾರಾಜ ಟ್ರೋಫಿಯಲ್ಲಿ ಆರ್‌ಸಿಬಿ ಆಟಗಾರ ದೇವದತ್ ಪಡಿಕ್ಕಲ್ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಈ ಪಂದ್ಯಾವಳಿಯಲ್ಲಿ ಹುಬ್ಬಳ್ಳಿ ಟೈಗರ್ಸ್ ಅನ್ನು ಪ್ರತಿನಿಧಿಸುತ್ತಿರುವ ಮತ್ತು ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ (439 ರನ್‌ಗಳು, 11 ಪಂದ್ಯಗಳಲ್ಲಿ 5 ಅರ್ಧಶತಕಗಳು) ಮಿಂಚಿದ್ದಾರೆ.
ಕ್ರಿಕೆಟ್‌ನ ಸ್ವರೂಪ ಯಾವುದೇ ಮಾದರಿಯಲ್ಲಾಗಿರಲಿ, ಬ್ಯಾಟ್ಸ್‌ಮನ್‌ಗೆ ಶತಕ(Century) ಬಹಳ ಗೌರವವನ್ನ ತಂದುಕೊಡುತ್ತದೆ. ಆದರೆ ಒಬ್ಬ ಆಟಗಾರ 99 ರನ್ ಗಳಿಸಿ, ಶತಕಕ್ಕೆ ಕೇವಲ ಒಂದು ರನ್ ಮಾತ್ರ ಇರುವಾಗ ಔಟಾದರೆ, ಅಥವಾ ಓವರ್ ಮುಕ್ತಾಯವಾಗೊ ಅಜೇಯರಾಗಿ ಉಳಿದರೆ, ಅವರಿಗೆ ತುಂಬಾ ಬೇಸರ ತರಲಿದೆ. ಈ ರೀತಿ ಹಲವರು ಬಾರಿಯಾಗಿವೆ. ಇದೀಗ ಕನ್ನಡಿಗ ದೇವದತ್ ಪಡಿಕ್ಕಲ್ಗೂ (Devdatt Padikkal) ಅಂತಹ ಪರಿಸ್ಥಿತಿ ಎದುರಾಗಿದೆ. ಅವರು ಮಹಾರಾಜ ಟ್ರೋಫಿಯಲ್ಲಿ (Maharaja Trophy) 99 ರನ್ ಗಳಿಸಿ ಅಜೇಯರಾಗಿ ಉಳಿದುಕೊಂಡರು ಶತಕ ಮಿಸ್ ಮಾಡಿಕೊಂಡಿದ್ದಾರೆ.
ಮಹಾರಾಜ ಟ್ರೋಫಿಯಲ್ಲಿ ಆರ್‌ಸಿಬಿ ಆಟಗಾರ ದೇವದತ್ ಪಡಿಕ್ಕಲ್ ಅದ್ಭುತ ಫಾರ್ಮ್ನಲ್ಲಿದ್ದಾರೆ. ಈ ಪಂದ್ಯಾವಳಿಯಲ್ಲಿ ಹುಬ್ಬಳ್ಳಿ ಟೈಗರ್ಸ್ ಅನ್ನು ಪ್ರತಿನಿಧಿಸುತ್ತಿರುವ ಮತ್ತು ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ (439 ರನ್‌ಗಳು, 11 ಪಂದ್ಯಗಳಲ್ಲಿ 5 ಅರ್ಧಶತಕಗಳು) ಮಿಂಚಿದ್ದಾರೆ. ಇಂದು (ಆಗಸ್ಟ್ 26) ಮಂಗಳೂರು ಡ್ರಾಗನ್ಸ್ ವಿರುದ್ಧದ ಪಂದ್ಯದಲ್ಲಿ ಪಡಿಕ್ಕಲ್ 98 ರನ್‌ಗಳಲ್ಲಿ ಶತಕ ಪೂರ್ಣಗೊಳಿಸುವ ಅವಕಾಶವನ್ನು ಹೊಂದಿದ್ದರು, ಇನ್ನು 2 ಎಸೆತಗಳಿದ್ದರೂ ಸೆಂಚರಿ ಚಾನ್ಸ್ ಮಿಸ್ ಮಅಡಿಕೊಂಡರು. 19 ನೇ ಓವರ್‌ನ ಐದನೇ ಎಸೆತದಲ್ಲಿ ಅವರು ಸಿಂಗಲ್ ತೆಗೆದುಕೊಳ್ಳಲಷ್ಟೇ ಶಕ್ತವಾಗಿ 99 ರನ್‌ಗಳಲ್ಲಿ ಇನ್ನಿಂಗ್ಸ್ಗೆ ಮುಕ್ತಾಯ ಹೇಳಿದರು. ಪಡಿಕ್ಕಲ್ ಆ ಎಸೆತದಲ್ಲಿ ಸಿಂಗಲ್ ತೆಗೆದುಕೊಳ್ಳದಿದ್ದರೆ ಮತ್ತು ಕೊನೆಯ ಎಸೆತವನ್ನು ಎದುರಿಸಿದ್ದರೆ, ಅವರು ತಮ್ಮ ಶತಕ ಪೂರ್ಣಗೊಳಿಸುವ ಅವಕಾಶವನ್ನು ಹೊಂದಿದ್ದರು. ಆದಾಗ್ಯೂ, ಸಿಂಗಲ್‌ನಿಂದ ತೃಪ್ತರಾದ ಅವರು 99 ರನ್‌ಗಳಲ್ಲಿ ಅಜೇಯರಾಗಿ ಉಳಿದರು.
ಕೊನೆಯ ಎಸೆತವನ್ನು ಎದುರಿಸಿದ ಮನ್ವಂತ್ ಕುಮಾರ್, ಟೈಗರ್ಸ್ ತಂಡದ ಇನ್ನಿಂಗ್ಸ್ ಅನ್ನು ಸಿಕ್ಸರ್ ಮೂಲಕ ಕೊನೆಗೊಳಿಸಿದರು. ಈ ಇನ್ನಿಂಗ್ಸ್‌ನಲ್ಲಿ 64 ಎಸೆತಗಳನ್ನು ಎದುರಿಸಿದ ಪಡಿಕ್ಕಲ್, 10 ಬೌಂಡರಿ ಮತ್ತು 5 ಸಿಕ್ಸರ್‌ಗಳ ಸಹಾಯದಿಂದ 99 ರನ್ ಗಳಿಸಿದರು. ಪಡಿಕ್ಕಲ್ ಅವರ ಪ್ರದರ್ಶನದೊಂದಿಗೆ, ಮೊದಲು ಬ್ಯಾಟ್ ಮಾಡಿದ ಟೈಗರ್ಸ್, ನಿಗದಿತ 20 ಓವರ್‌ಗಳಲ್ಲಿ 2 ವಿಕೆಟ್‌ಗಳ ನಷ್ಟಕ್ಕೆ 210 ರನ್‌ಗಳ ಬೃಹತ್ ಸ್ಕೋರ್ ಗಳಿಸಿದೆ.
ಪಡಿಕ್ಕಲ್ ಜೊತೆಗೆ, ಸನ್‌ರೈಸರ್ಸ್ ಆಟಗಾರ ಅಭಿನವ್ ಮನೋಹರ್ ಕೂಡ ಟೈಗರ್ಸ್ ತಂಡದ ಇನ್ನಿಂಗ್ಸ್‌ನಲ್ಲಿ ಮಿಂಚಿದರು. ಮನೋಹರ್ 23 ಎಸೆತಗಳಲ್ಲಿ 5 ಬೌಂಡರಿ ಮತ್ತು 3 ಸಿಕ್ಸರ್‌ಗಳ ಸಹಾಯದಿಂದ 50 ರನ್ ಗಳಿಸಿದರು. ಪಡಿಕ್ಕಲ್ ಜೊತೆಗೆ ಇನ್ನಿಂಗ್ಸ್ ಆರಂಭಿಸಿದ ಮೊಹಮ್ಮದ್ ತಾಹಾ 28 ಎಸೆತಗಳಲ್ಲಿ 37 ರನ್ ಗಳಿಸಿದರು ಮತ್ತು ಮನ್ವಂತ್ ಕುಮಾರ್ 6 ಎಸೆತಗಳಲ್ಲಿ 16 ರನ್ ಗಳಿಸಿದರು. ಮಂಗಳೂರು ಬೌಲರ್‌ಗಳಲ್ಲಿ, ರೋನಿತ್ ಮೋರೆ ಮತ್ತು ಕ್ರಾಂತಿ ಕುಮಾರ್ ತಲಾ ಒಂದು ವಿಕೆಟ್ ಪಡೆದರು.
2025 ರ ಐಪಿಎಲ್‌ನಲ್ಲಿ ಆರ್‌ಸಿಬಿಯನ್ನು ಪ್ರತಿನಿಧಿಸಿದ್ದ ಪಡಿಕ್ಕಲ್, ತೊಡೆಯ ಸ್ನಾಯುವಿನ ಸಮಸ್ಯೆಯಿಂದಾಗಿ ಋತುವಿನ ಮಧ್ಯದಲ್ಲಿಯೇ ಪಂದ್ಯದಿಂದ ಹಿಂದೆ ಸರಿದರು. ಆ ಋತುವಿನಲ್ಲಿ ಅವರು 10 ಪಂದ್ಯಗಳನ್ನು ಆಡಿ, 150 ಕ್ಕೂ ಹೆಚ್ಚು ಸ್ಟ್ರೈಕ್ ರೇಟ್‌ನಲ್ಲಿ 247 ರನ್ ಗಳಿಸಿದ್ದರು. ಇದರಲ್ಲಿ 2 ಅರ್ಧಶತಕಗಳು ಸೇರಿದ್ದವು. ಆರ್‌ಸಿಬಿ ಪ್ಲೇಆಫ್ ತಲುಪುವಲ್ಲಿ ಪಡಿಕ್ಕಲ್ ಪ್ರಮುಖ ಪಾತ್ರ ವಹಿಸಿದ್ದರು. ಪಡಿಕ್ಕಲ್ ಹಿಂದೆ ಸರಿದ ನಂತರ, ಆರ್‌ಸಿಬಿ ಅವರ ಬದಲಿಗೆ ಕರ್ನಾಟಕದ ಮತ್ತೊಬ್ಬ ಆಟಗಾರ ಮಾಯಾಂಕ್ ಅಗರ್ವಾಲ್ ಅವರನ್ನು ಸೇರಿಸಿಕೊಂಡಿತ್ತು.
August 26, 2025 7:06 PM IST