Last Updated:
ಜಿಂಬಾಬ್ವೆಯ ಬಿಗುವಿನ ಬೌಲಿಂಗ್‌ಗೆ ತತ್ತರಿಸಿ ಕೇವಲ 17.4 ಓವರ್ಗಳಲ್ಲಿ 80 ರನ್‌ಗಳಿಗೆ ಆಲೌಟ್ ಆಗಿ, T20I ಕ್ರಿಕೆಟ್ನಲ್ಲಿ ತನ್ನ ಎರಡನೇ ಕಡಿಮೆ ಸ್ಕೋರ್ ದಾಖಲಿಸಿತು. ಈ ಮೊತ್ತವನ್ನ 14.2 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ತಲುಪಿತು.
ಹರಾರೆಯ ಸ್ಪೋರ್ಟ್ಸ್ ಕ್ಲಬ್‌ನಲ್ಲಿ 2025ರ ಸೆಪ್ಟೆಂಬರ್ 6ರಂದು ನಡೆದ ಶ್ರೀಲಂಕಾ ಮತ್ತು ಜಿಂಬಾಬ್ವೆ ( SL vs ZIM) ನಡುವಿನ ಎರಡನೇ T20I ಪಂದ್ಯದಲ್ಲಿ ಶ್ರೀಲಂಕಾ ತಂಡಕ್ಕೆ ಭಾರೀ ಆಘಾತವಾಗಿದೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಶ್ರೀಲಂಕಾ, ಜಿಂಬಾಬ್ವೆಯ ಬಿಗುವಿನ ಬೌಲಿಂಗ್‌ಗೆ ತತ್ತರಿಸಿ ಕೇವಲ 17.4 ಓವರ್ಗಳಲ್ಲಿ 80 ರನ್‌ಗಳಿಗೆ ಆಲೌಟ್ ಆಗಿ, T20I ಕ್ರಿಕೆಟ್ನಲ್ಲಿ ತನ್ನ ಎರಡನೇ ಕಡಿಮೆ ಸ್ಕೋರ್ ದಾಖಲಿಸಿತು. ಈ ಮೊತ್ತವನ್ನ 14.2 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ತಲುಪಿತು. ಈ ಜಯದೊಂದಿಗೆ ಜಿಂಬಾಬ್ವೆ ತಂಡವು 3 ಪಂದ್ಯಗಳ ಈ T20I ಸರಣಿಯನ್ನು 1-1 ರಿಂದ ಸಮಗೊಳಿಸಿದೆ.
ಪಂದ್ಯದ ಆರಂಭದಿಂದಲೇ ಶ್ರೀಲಂಕಾದ ಬ್ಯಾಟ್ಸ್‌ಮನ್‌ಗಳು ಜಿಂಬಾಬ್ವೆಯ ಬೌಲರ್‌ಗಳ ದಾಳಿಗೆ ತತ್ತರಿಸಿತು. ಎರಡನೇ ಓವರ್‌ನ ಮೊದಲ ಎಸೆತದಲ್ಲೇ ಸ್ಟಾರ್ ಬ್ಯಾಟರ್ ಕುಸಾಲ್ ಮೆಂಡಿಸ್ ಕೇವಲ 1 ರನ್‌ಗೆ ಔಟಾದರು, ಇದು ಶ್ರೀಲಂಕಾದ ಆರಂಭಿಕ ಆಘಾತವಾಗಿತ್ತು. ಇದಾದ ನಂತರ, ಶ್ರೀಲಂಕಾದ ವಿಕೆಟ್‌ಗಳು ಸತತವಾಗಿ ಕುಸಿಯಿತು. ಪವರ್‌ಪ್ಲೇ ಒಳಗೆ ತಂಡವು 37/4 ರ ದುಸ್ಥಿತಿಗೆ ಕುಸಿಯಿತು. ಪತುಮ್ ನಿಸ್ಸಂಕ (2), ನುವಾನಿಡು ಫೆರ್ನಾಂಡೊ (1), ಮತ್ತು ಕಮಿಲ್ ಮಿಶಾರ (2) ಸೇರಿದಂತೆ ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳು ವಿಫಲರಾದರು. ಒಟ್ಟಾರೆಯಾಗಿ, ಏಳು ಬ್ಯಾಟ್ಸ್‌ಮನ್‌ಗಳು ಒಂದಂಕಿಯ ರನ್‌ಗಳಿಗೆ ಸೀಮಿತರಾದರು. ಕಮಿಲ್ ಮಿಶಾರ 20 ರನ್‌ಗಳೊಂದಿಗೆ ತಂಡದ ಅತೀ ಹೆಚ್ಚು ರನ್ ಗಳಿಸಿದವರಾದರು.
ಜಿಂಬಾಬ್ವೆಯ ಬೌಲರ್‌ಗಳು ಈ ಪಂದ್ಯದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದರು. ವೇಗದ ಬೌಲರ್ ಬ್ರಾಡ್ ಇವಾನ್ಸ್ ಮತ್ತು ನಾಯಕ ಸಿಕಂದರ್ ರಜಾ ತಲಾ 3 ವಿಕೆಟ್‌ಗಳನ್ನು ಕಬಳಿಸಿ, ಶ್ರೀಲಂಕಾದ ಬ್ಯಾಟಿಂಗ್ ಕ್ರಮವನ್ನು ಧ್ವಂಸಗೊಳಿಸಿದರು. ಬ್ರಾಡ್ ಇವಾನ್ಸ್ ಮತ್ತು ಬ್ಲೆಸ್ಸಿಂಗ್ ಮುಜರಬಾನಿ ಆರಂಭಿಕ ಆಘಾತವನ್ನು ನೀಡಿದರೆ, ಸಿಕಂದರ್ ರಜಾ ತನ್ನ ಸ್ಪಿನ್ ಬೌಲಿಂಗ್‌ನೊಂದಿಗೆ ಕೇವಲ 11 ರನ್‌ಗೆ 3 ವಿಕೆಟ್‌ಗಳನ್ನು ಪಡೆದು ಪಂದ್ಯದ ಗತಿಯನ್ನು ಬದಲಾಯಿಸಿದರು. ಇವರಿಗೆ ಬೆಂಬಲವಾಗಿ ಮುಜರಬಾನಿ 2 ವಿಕೆಟ್ ಮತ್ತು ಸೀನ್ ವಿಲಿಯಮ್ಸ್ 1 ವಿಕೆಟ್ ಪಡೆದರು. ಈ ಬೌಲಿಂಗ್ ದಾಳಿಯಿಂದ ಶ್ರೀಲಂಕಾದ ಇನ್ನಿಂಗ್ಸ್ 18 ಓವರ್‌ಗಳ ಒಳಗೆ ಕೊನೆಗೊಂಡಿತು.
80 ರನ್‌ಗಳ ಈ ಸ್ಕೋರ್ ಶ್ರೀಲಂಕಾದ T20I ಇತಿಹಾಸದ ಎರಡನೇ ಕಡಿಮೆ ಸ್ಕೋರ್ ಆಗಿದೆ. ಈ ಹಿಂದೆ 2024ರ T20 ವಿಶ್ವಕಪ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಶ್ರೀಲಂಕಾ 77 ರನ್‌ಗಳಿಗೆ ಆಲೌಟ್ ಆಗಿತ್ತು. ಜಿಂಬಾಬ್ವೆಯ ನೆಲದಲ್ಲಿ T20I ಪಂದ್ಯಗಳಲ್ಲಿ ಕಡಿಮೆ ಸ್ಕೋರ್ ದಾಖಲಿಸಿದ ತಂಡಗಳ ಪೈಕಿ ಶ್ರೀಲಂಕಾ ಈಗ ಮೂರನೇ ಸ್ಥಾನದಲ್ಲಿದೆ. ಈ ಪಟ್ಟಿಯಲ್ಲಿ ಜಿಂಬಾಬ್ವೆಯೇ ಮೊದಲ ಸ್ಥಾನದಲ್ಲಿದ್ದು, 2024ರಲ್ಲಿ ಬುಲವಾಯೊದಲ್ಲಿ ಪಾಕಿಸ್ತಾನ ವಿರುದ್ಧ 57 ರನ್‌ಗಳಿಗೆ ಆಲೌಟ್ ಆಗಿತ್ತು.
81 ರನ್‌ಗಳ ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ಜಿಂಬಾಬ್ವೆ, ಆರಂಭದಲ್ಲಿ ಕೆಲವು ವಿಕೆಟ್‌ಗಳನ್ನು ಕಳೆದುಕೊಂಡರೂ, ತಾಶಿಂಗಾ ಮುಸೆಕಿವಾ ಅವರ 8 ರನ್‌ಗಳ (ಅಜೇಯ) ಸೊಗಸಾದ ಬೌಂಡರಿಗಳೊಂದಿಗೆ 14.2 ಓವರ್ಗಳಲ್ಲಿ 5 ವಿಕೆಟ್‌ಗೆ ಗುರಿಯನ್ನು ಮುಟ್ಟಿತು. ಮರುಮನಿ 17, ಬ್ರಿಯಾನ್ ಬೆನೆಟ್ 19, ರಯಾನ್ ಬರ್ಲ್ ಅಜೇಯ 20 ರನ್ಗಳಿಸಿ ಗೆಲುವಿನ ರೂವಾರಿಯಾದರು.
ಶ್ರೀಲಂಕಾದ ಬೌಲರ್‌ಗಳಾದ ದುಶ್ಮಂತ ಚಮೀರಾ, ಬಿನುರ ಫೆರ್ನಾಂಡೊ ಮತ್ತು ಮಹೀಶ್ ತೀಕ್ಷಣ ಒತ್ತಡ ಹೇರಲು ಪ್ರಯತ್ನಿಸಿದರೂ, ಕಡಿಮೆ ಗುರಿಯಿಂದಾಗಿ ಜಿಂಬಾಬ್ವೆಗೆ ಗೆಲುವು ಸುಲಭವಾಯಿತು. ಸರಣಿ 1-1ರಲ್ಲಿ ಸಮಬಲದಲ್ಲಿದ್ದು, ಇದೀಗ ಎಲ್ಲರ ಚಿತ್ತ ಮೂರನೇ ಮತ್ತು ಅಂತಿಮ T20I ಪಂದ್ಯದ ಮೇಲಿದೆ.
ಮೊದಲ T20I ಪಂದ್ಯದಲ್ಲಿ ಶ್ರೀಲಂಕಾ 4 ವಿಕೆಟ್‌ಗಳಿಂದ ಜಯಗಳಿಸಿತ್ತು, ಆದರೆ ಈ ಎರಡನೇ ಪಂದ್ಯದಲ್ಲಿ ಜಿಂಬಾಬ್ವೆ ಶ್ರೀಲಂಕಾದ ಬ್ಯಾಟಿಂಗ್ ಕ್ರಮವನ್ನು ಧ್ವಂಸಗೊಳಿಸಿ 5 ವಿಕೆಟ್‌ಗಳಿಂದ ಗೆದ್ದು ಸರಣಿಯನ್ನು 1-1 ರಿಂದ ಸಮಗೊಳಿಸಿದೆ. ಈ ಗೆಲುವು ಜಿಂಬಾಬ್ವೆಗೆ ಭಾರೀ ಉತ್ಸಾಹವನ್ನು ನೀಡಿದೆ, ವಿಶೇಷವಾಗಿ ಮುಂಬರುವ T20 ವಿಶ್ವಕಪ್ 2026ರ ಆಫ್ರಿಕಾ ಕ್ವಾಲಿಫೈಯರ್‌ಗೆ ತಯಾರಿಯಾಗುತ್ತಿರುವಾಗ ಈ ಜಯ ಜಿಂಬಾಬ್ವೆಯ ಆತ್ಮವಿಶ್ವಾಸವನ್ನ ಹೆಚ್ಚಿಸಿದೆ. ಮೂರನೇ ಮತ್ತು ನಿರ್ಣಾಯಕ T20I ಪಂದ್ಯವು ಸೆಪ್ಟೆಂಬರ್ 7, 2025ರಂದು ಹರಾರೆಯಲ್ಲೇ ನಡೆಯಲಿದ್ದು, ಎರಡೂ ತಂಡಗಳಿಗೆ ಸರಣಿಯನ್ನು ಗೆಲ್ಲುವ ಅವಕಾಶವಿದೆ.
September 06, 2025 9:39 PM IST