Asia Cup: ಭಾರತ vs ಪಾಕ್​ ಪಂದ್ಯಕ್ಕೆ IPL ತಂಡದಿಂದ ಬಹಿಷ್ಕಾರ! ಬಿಸಿಸಿಐ ವಿರುದ್ಧ ಫ್ಯಾನ್ಸ್, ಮಾಜಿ ಕ್ರಿಕೆಟಿಗನಿಂದಲೂ ಆಕ್ರೋಶ | India vs Pakistan: Punjab Kings and Leading Publications Boycott Asia Cup 2025 Match | ಕ್ರೀಡೆ

ಈ ವರ್ಷದ ಏಪ್ರಿಲ್ 22ರಂದು ಭಾರತದ ಕಾಶ್ಮೀರದ ಪಹಾಲ್ಗಾಂನಲ್ಲಿ ಪಾಕಿಸ್ತಾನದಿಂದ ಬಂದ ಭಯೋತ್ಪಾದಕರು 26 ಮಂದಿ ಮುಗ್ದ ಪ್ರವಾಸಿಗಳನ್ನು ಕೊಂದಿದ್ದರು. ಇದು 2019ರ ಪುಲ್ವಾಮಾ ಬಾಂಬ್ ಸ್ಫೋಟದ ನಂತರ ಭಾರತದಲ್ಲಿ ನಡೆದ ಅತ್ಯಂತ ದೊಡ್ಡ ದಾಳಿಯಾಗಿತ್ತಯ. ಈ ಘಟನೆಯ ಹಿನ್ನೆಲೆಯಲ್ಲಿ ಭಾರತ ಸರ್ಕಾರ ಮೇ ತಿಂಗಳ ಮೊದಲ ವಾರದಲ್ಲಿ ‘ಆಪರೇಷನ್ ಸಿಂದೂರ್’ ಹೆಸರಿನಲ್ಲಿ ಪ್ರತಿದಾಳಿ ನಡೆಸಿತು. PoK (ಪಾಕ್ ಆಕ್ರಮಿತ ಕಾಶ್ಮೀರ) ಮತ್ತು ಪಾಕಿಸ್ತಾನದ ಭಯೋತ್ಪಾದನಾ ಶಿಬಿರಗಳ ಮೇಲೆ  ವಾಯು ದಾಳಿ ನಡೆಸಿ ಅನೇಕ ಭಯೋತ್ಪಾದಕರನ್ನು ಕೊಂದು ಹಾಕಿತ್ತು. ಇದರಿಂದ ಗಡಿಯಾಚೆಗಿನ ಯುದ್ಧದಂತಹ ಸ್ಥಿತಿ ಉಂಟಾಗಿ, ಎರಡು ದೇಶಗಳು ಭಾರಿ ಒಂದೆರಡು ದಿನ ದಾಳಿ -ಪ್ರತಿದಾಳಿ ನಡೆಸಿದವು. ಯುದ್ಧದ ವಾತಾವರಣ ದೊಡ್ಡದಾಗುತ್ತಿದ್ದ  ಪಾಕಿಸ್ತಾನದ ಮನವಿ ಮೇರೆಗೆ ಭಾರತ ಶಾಂತಿ ಒಪ್ಪಂದ ಮಾಡಿಕೊಂಡಿತ್ತು.

ಬಿಸಿಸಿಐ ನಡೆಯನ್ನ ಹಲವು ಅಭಿಮಾನಿಗಳು  ಮತ್ತು ಸೆಲೆಬ್ರಿಟಿಗಳು ಈ ಪಂದ್ಯವನ್ನು ನೋಡುವುದಿಲ್ಲ ಎಂದು ಘೋಷಿಸಿದ್ದಾರೆ. ಅವರು ಪಹಾಲ್ಗಾಮ್ ದಾಳಿಯಲ್ಲಿ ಪ್ರಾಣ ಕಳೆದುಕೊಂಡ ಜನರಿಗೆ ಮತ್ತು ಅವರ ಕುಟುಂಬಗಳಿಗೆ ನೋವುಂಟು ಮಾಡಲು ಬಯಸಲ್ಲ ಎಂದು ತಿಳಿಸಿದ್ದಾರೆ.

IPL ತಂಡಗಳಲ್ಲಿ ಪಂಜಾಬ್ ಕಿಂಗ್ಸ್ (PBKS) ಮೊದಲು ಈ ಪಂದ್ಯವನ್ನು ಬಹಿಷ್ಕರಿಸಿದೆ. ಸೆಪ್ಟೆಂಬರ್ 11ರಂದು ತಮ್ಮ X (ಟ್ವಿಟರ್) ಖಾತೆಯಲ್ಲಿ ಪಂದ್ಯದ ಬಗ್ಗೆ ಪೋಸ್ಟ್ ಮಾಡಿದ್ದರೂ, ಪಾಕಿಸ್ತಾನದ ಹೆಸರನ್ನು ಉಲ್ಲೇಖಿಸಿಲ್ಲ. “ಗೇಮ್ 2 for the defending champions. Let’s goooo 💪 #AsiaCup2025 #INDv” ಎಂದು ಬರೆದು, ಪಂದ್ಯ ಕಾರ್ಡ್‌ನ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಪಾಕಿಸ್ತಾನದ ಧ್ವಜವನ್ನೂ ತೋರಿಸಿದೇ ಪೋಸ್ಟ್ ಮಾಡಿದ್ದು, ಕ್ರಿಕೆಟ್ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ..

ಮಾಜಿ ಕ್ರಿಕೆಟರ್ ಮತ್ತು ಪಶ್ಚಿಮ ಬಂಗಾಳ ಸಚಿವ ಮನೋಜ್ ತಿವಾರಿ ಪ್ರತಿಕ್ರಿಯಿಸಿ, “ಪಾಕಿಸ್ತಾನದೊಂದಿಗಿನ ಪಂದ್ಯವನ್ನು ಬಹಿಷ್ಕರಿಸಬೇಕು. ಲೀಗ್​​ನಲ್ಲಿ ಎಲ್ಲಾ ಪಂದ್ಯಗಳನ್ನ ಆಡಲಿ, ಆದರೆ ಪಾಕಿಸ್ತಾನದ ವಿರುದ್ಧ ಮಾತ್ರ ಬೇಡ” ಎಂದು ಹೇಳಿದ್ದಾರೆ. “ಇಂತಹ ಸಂದರ್ಭದಲ್ಲಿ ಆಟವನ್ನ ಆನಂದಿಸುವುದರಲ್ಲಿ ಯಾವುದೇ ಅರ್ಥವಿಲ್ಲ. ಅವರು ವೈಯಕ್ತಿಕವಾಗಿ ಆ ಪಂದ್ಯವನ್ನ ನೋಡುವುದಿಲ್ಲ ಎಂದು ಹೇಳಿದ್ದಾರೆ.