Asia Cup 2025: ‘Sorry’ ಎಂದ ಟ್ರೋಫಿ ಕಳ್ಳ ನಖ್ವಿ; ಆದರೆ ಇದೊಂದು ಕಂಡೀಷನ್, ಭಾರತಕ್ಕೆ ಸಿಗುತ್ತಾ ಕಪ್! | acc chairman mohsin naqvi new condition to give asia cup for team india | ಕ್ರೀಡೆ

ಏಷ್ಯಾ ಕಪ್ ಫೈನಲ್ ಪಂದ್ಯ ಮುಕ್ತಾಯದ ಬಳಿಕ ಎಸಿಸಿ ದುಬೈನಲ್ಲಿ ಸಮಾವೇಶ ನಡೆಸಿತ್ತು. ಈ ಸಮಾವೇಶದಲ್ಲಿ ಟ್ರೋಫಿ ವಿವಾದ ಮುನ್ನೆಲೆಗೆ ಬಂದಿತ್ತು. ಸಭೆಗೆ ವಿಡಿಯೋ ಕನ್ಫರೆನ್ಸ್ ಮೂಲಕ ಹಾಜರಾಗಿದ್ದ ಬಿಸಿಸಿಐ ವೈಸ್ ಪ್ರೆಸಿಡೆಂಟ್ ರಾಜೀವ್ ಶುಕ್ಲಾ ಹಲವು ಬಾರಿ ಟ್ರೋಫಿ ಅಂಶವನ್ನು ಪ್ರಸ್ತಾಪಿಸಿದ್ದರಂತೆ. ಆದರೆ ನಕ್ವಿ ಮಾತ್ರ, ಈ ಅಂಶ ಸಭೆಯ ಅಜೆಂಡಾಲದಲ್ಲಿ ಇಲ್ಲ ಎಂದು ಹೇಳಿ ತಪ್ಪಿಸಿಕೊಳ್ಳುವ ಪ್ರಯತ್ನ ಮಾಡಿದ್ದರಂತೆ. ಟ್ರೋಫಿ ಬೇಕು ಎಂದರೆ ಭಾರತ ತಂಡದ ನಾಯಕ ನೇರವಾಗಿ ಎಸಿಸಿ ಕಾರ್ಯಾಲಯಕ್ಕೆ ಆಗಮಿಸಿ ತೆಗೆದುಕೊಂಡು ಹೋಗುವಂತೆ ನಖ್ವಿ ಹೇಳಿದ್ದಾಗಿ ಪಾಕಿಸ್ತಾನ ಮಾಧ್ಯಮಗಳು ಪ್ರಚಾರ ಮಾಡುತ್ತಿವೆ.

ನಕ್ವಿ ಕೈಯಿಂದ ಟ್ರೋಫಿ ತೆಗೆದುಕೊಳ್ಳುದಿಲ್ಲ ಎಂದು ಬಿಸಿಸಿಐ ಮತ್ತು ಆಟಗಾರರು ಸ್ಪಷ್ಟಪಡಿಸಿದ್ದಾರೆ. ನಕ್ವಿ ಕೇವಲ ಎಸಿಸಿ ಚೀಫ್ ಮಾತ್ರ ಅಲ್ಲ, ಆತ ಪಾಕಿಸ್ತಾನದ ಮಂತ್ರಿಯಾಗಿ ಭಾರತದ ವಿರುದ್ಧ ಹೇಳಿಕೆಗಳನ್ನು ನೀಡಿದ್ದರು. ಈ ಕಾರಣದಿಂದಲೇ ಆತನ ಕೈಯಿಂದ ಟ್ರೋಫಿ ಸ್ವೀಕರಿಸೋದಿಲ್ಲ ಎಂದು ಬಿಸಿಸಿಐ ಕಾರ್ಯದರ್ಶಿ ಸ್ಪಷ್ಟಪಡಿಸಿದ್ದರು. ಟೀಂ ಇಂಡಿಯಾಗೆ ಸೇರಬೇಕಾದ ಟ್ರೋಫಿ ಹಾಗೂ ಪದಕಗಳನ್ನ ಹೋಟೆಲ್ ರೂಮ್ ಗೆ ತೆಗೆದುಕೊಂಡು ಅಸಭ್ಯ ವರ್ತನೆ, ಕೂಡಲೇ ಅವುಗಳನ್ನು ಭಾರತ ತಂಡಕ್ಕೆ ನೀಡಬೇಕೆಂದು ಬಿಸಿಸಿಐ ಕಾರ್ಯದರ್ಶಿ ಒತ್ತಾಯಿಸಿದ್ದರು.