Sharada Utsava: 91 ವರ್ಷ ಇತಿಹಾಸದ ಪುತ್ತೂರು ಶಾರದಾ ಉತ್ಸವ ಸಮಾಪ್ತಿ, ಗಮನಸೆಳೆದ ಕಲಾತಂಡಗಳು! | Navaratri festival | ದಕ್ಷಿಣ ಕನ್ನಡ

ಈ ಬಾರಿ ಕೇರಳದ ವಿಶಿಷ್ಟ ಕಲಾತಂಡಗಳು ಶಾರದೆಯ ಮೆರವಣಿಗೆಗೆ ಮತ್ತಷ್ಟು ಮೆರಗು ತಂದಿದೆ. ಕಣ್ಣೂರಿನ ವೆಳಕ್ಕಾಟಂ, ಪಾಲಕ್ಕಾಡಿನ ದೇವ ನೃತ್ಯಂ, ಪಾಲಕ್ಕಾಡಿನ ಫ್ಲವರ್ ಡ್ಯಾನ್ಸ್, ತ್ರಿಶೂರಿನ ಸಿಂಗಾರಿ ಕಾವಡಿ, ಕಾಸರಗೋಡಿನ ಕರಿಂಕಾಳಿ, ತ್ರಿಶೂರ್ ನ ಪೂಕಾವಡಿ, ಕೊಟ್ಟಾಯಂನ ಗರುಡಾಯನ ಹೀಗೆ ಹಲವು ಪ್ರಕಾರ ಕೇರಳ ಕಲಾ ತಂಡಗಳು ನೆರೆದಿದ್ದ ಜನರಿಗೆ ಮನೋರಂಜನೆಯನ್ನು ನೀಡಿದೆ. ಈ ಕಲಾತಂಡಗಳ ಜೊತೆಗೆ ಕೇರಳದ ಚೆಂಡೆಮೇಳ, ಪುತ್ತೂರಿನ ಸಿಂಗಾರಿ ಮೇಳ ಗಮನ ಸೆಳೆದವು.

ಪ್ರತಿ ಬಾರಿಯಂತೆ ಈ ಬಾರಿಯೂ ಮೆರವಣಿಗೆಯಲ್ಲಿ ಧ್ವನಿವರ್ಧಕಗಳ ಕರ್ಕಶ ಧ್ವನಿಗೆ ಬದಲಾಗಿ ಹತ್ತಾರು ಕುಣಿತ ಭಜನಾ ತಂಡಗಳಿ ದೇವರ ನಾಮದ ಭಜನೆ ಹಾಡುವ ಮತ್ತು ಕುಣಿಯುವ ಮೂಲಕ ಜನರನ್ನ ಭಕ್ತಿಯ ಕಡೆಗೆ ಕೊಂಡೊಯ್ದಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಮೊದಲ ಬಾರಿಗೆ ದಸರಾ ಮೆರವಣಿಗೆಯಲ್ಲಿ ಡಿಜೆ ಮತ್ತು ಪಟಾಕಿ ಸಿಡಿಸುವುದನ್ನು ನಿಷೇಧಿಸಿದ ಮೊದಲ ಸಮಿತಿಯಾಗಿಯೂ ಪುತ್ತೂರಿನ ಶಾರದಾ ಭಜನಾ ಮಂದಿರದ ಸಮಿತಿಯಾಗಿದೆ.