Mystery Flower: ಹಿಮಾಲಯಕ್ಕೂ ತುಳುನಾಡಿಗೂ ಸಂಬಂಧ ಕಲ್ಪಿಸುವ ಈ ಹೂವು ʼಕುಬೇರನ ಹೂದೋಟʼದ್ದು! | Suruli Sugandhi flower Himalayan wonder grown in Dakshina Kannada | ದಕ್ಷಿಣ ಕನ್ನಡ

ಇವು ಹಿಮಾಲಯದ ಪೂರ್ವ ಭಾಗ ಮತ್ತು ಪಶ್ಚಿಮ ಘಟ್ಟಗಳಲ್ಲಿ ಕಂಡುಬರುತ್ತವೆ. ಸಾಮಾನ್ಯವಾಗಿ ಕೆರೆಯ ಬದಿಗಳಲ್ಲಿ ನೀರಿನ ಹರಿವು ನಿರಂತರವಾಗಿ ಇರುವ ಜಾಗದ ಬದಿಗಳಲ್ಲಿ ಈ ಹೂವಿನ ಗಿಡ ಇರುತ್ತದೆ. ಅರಿಶಿಣದ ಕೊಂಬಿನಂತೆ ಈ ಗಿಡದ ಗೆಡ್ಡೆ ಇರುತ್ತದೆ.

ಬೆಳಿಗ್ಗೆ ಕಂಡ ಮೊಗ್ಗುಗಳು ಸಾಮಾನ್ಯವಾಗಿ ಮಧ್ಯಾಹ್ನದ ಹೊತ್ತಿಗೆ ಮೆಲ್ಲನೆ ಅರಳಲು ಶುರುವಾಗಿ ಸಂಜೆ ಆಗುತ್ತಿದ್ದಂತೆ ಪೂರ್ತಿ ಅರಳಿ ತನ್ನ ಸುಗಂಧದಿಂದ ಎಲ್ಲರ ಗಮನ ಸೆಳೆಯುತ್ತದೆ. ಶುಭ್ರ ಬಿಳಿ ಬಣ್ಣದ ಮತ್ತು ಗಂಧ ಹಳದಿ ಬಣ್ಣದ ಎರಡು ಬಗೆಯ ಹೂಗಳಿವೆ. ಬಿಳಿ ಬಣ್ಣದ ಹೂವಿನ ಬುಡದಲ್ಲಿ ಹಳದಿ ಬಣ್ಣ ಇರುತ್ತದೆ. ಈ ಹೂವು ನಮ್ಮ ಅಕ್ಕಪಕ್ಕದಲ್ಲಿ ಇದ್ದರೆ ನಾವು ಸಾಮಾನ್ಯವಾಗಿ ಸುಗಂಧ ದ್ರವ್ಯ  ಹಾಕಿಕೊಳ್ಳುವ  ಅಗತ್ಯವಿಲ್ಲ. ಅಷ್ಟೊಂದು ಸುಗಂಧ ಬೀರುವ ಹೂವು ಇದು.

ಸುರುಳಿ ಸುಗಂಧಿ ಕ್ಯೂಬ ದೇಶದ ರಾಷ್ಟ್ರೀಯ ಹೂವು. ಅಲ್ಲಿ ಈ ಹೂವನ್ನು ‘ಮರಿಪೊಸ’ ಅಂದರೆ ಚಿಟ್ಟೆ ಎಂದೂ ಕರೆಯಲಾಗುತ್ತದೆ, ಇದಕ್ಕೆ ಕಾರಣ ಅದರ ಆಕಾರ. ಸುರುಳಿ ಸುಗಂಧಿ ವರ್ಷಪೂರ್ತಿ ಹೂ ಬಿಡುವ ಗಿಡ. ಇದು ಮೂಲತಃ ನೇಪಾಳ ಮತ್ತು ಭಾರತದ ಹಿಮಾಲಯ ಪರ್ವತ ಶ್ರೇಣಿಯಲ್ಲಿ ಕಂಡುಬರುತ್ತದೆ. ಕರಾವಳಿ ಭಾಗದಲ್ಲೂ ಈ ಹೂವು ಇಲ್ಲಿನ ವಾತಾವರಣಕ್ಕೆ ಹೊಂದಿಕೊಂಡು ಬೆಳೆಯುತ್ತಿದ್ದು, ಈ ಭಾಗದ ಮಹಿಳೆಯರು ಹೆಚ್ಚಾಗಿ ಇದನ್ನು ಮುಡಿಗಿಟ್ಟು ಶೃಂಗಾರ ಮಾಡಿಕೊಳ್ಳುತ್ತಾರೆ.