Last Updated:
ಸತತ ಎರಡು ಗೆಲುವು ಕಂಡಿದ್ದ ಭಾರತ ಟೂರ್ನಿಯಲ್ಲಿ ಮೊದಲ ಸೋಲು ಕಂಡರೆ, ಮೊದಲ ಪಂದ್ಯದಲ್ಲಿ ಕೇವಲ 69ಕ್ಕೆ ಆಲೌಟ್ ಆಗಿ ಹೀನಾಯ ಸೋಲು ಕಂಡಿದ್ದ ಹರಿಣ ಪಡೆ ಸತತ 2 ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಅದ್ಭುತ ಕಮ್ಬ್ಯಾಕ್ ಮಾಡಿದೆ.
ಮಹಿಳಾ ವಿಶ್ವಕಪ್ನನ 10ನೇ ಪಂದ್ಯದಲ್ಲಿ ಭಾರತ ಮಹಿಳಾ ತಂಡ ದಕ್ಷಿಣ ಆಫ್ರಿಕಾ ವಿರುದ್ದ 3 ವಿಕೆಟ್ಗಳ ರೋಚಕ ಸೋಲು ಕಂಡಿದೆ. ಗುರುವಾರ ವಿಶಾಕಪಟ್ಟಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಮಹಿಳಾ ತಂಡ 50 ಓವರ್ ಗಳಲ್ಲಿ ಎಲ್ಲಾ ವಿಕೆಟ್ ಕಳೆದುಕೊಂಡು 251 ರನ್ ಗಳಿಸಿತ್ತು. 252 ರನ್ಗಳ ಗುರಿಯನ್ನ ದಕ್ಷಿಣ ಆಫ್ರಿಕಾ ತಂಡ 48.5 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. 8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಇಳಿದಿದ್ದ ನಡೀನ್ ಡಿಕ್ಲೆರ್ಕ್ ಕೇವಲ 54 ಎಸೆತಗಳಲ್ಲಿ 8 ಬೌಂಡರಿಲ, 5 ಭರ್ಜರಿ ಸಿಕ್ಸರ್ಗಳ ಸಹಿತ ಅಜೇಯ 84 ರನ್ ಸಿಡಿಸಿ ಭಾರತದ ಕೈಯಲ್ಲಿದ್ದ ಗೆಲುವನ್ನ ಕಸಿದುಕೊಂಡರು. ಸತತ ಎರಡು ಗೆಲುವು ಕಂಡಿದ್ದ ಭಾರತ ಟೂರ್ನಿಯಲ್ಲಿ ಮೊದಲ ಸೋಲು ಕಂಡರೆ, ಮೊದಲ ಪಂದ್ಯದಲ್ಲಿ ಕೇವಲ 69ಕ್ಕೆ ಆಲೌಟ್ ಆಗಿ ಹೀನಾಯ ಸೋಲು ಕಂಡಿದ್ದ ಹರಿಣ ಪಡೆ ಸತತ 2 ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಅದ್ಭುತ ಕಮ್ಬ್ಯಾಕ್ ಮಾಡಿದೆ.
ಭಾರತ ನೀಡಿದ್ದ 252 ರನ್ಗಳ ಗುರಿಯನ್ನ ಬೆನ್ನಟ್ಟಿದ ಹರಿಣ ಪಡೆ ಕೇವಲ 6 ರನ್ಗಳಿಗೆ ಮೊದಲ ವಿಕೆಟ್ 18 ರನ್ಗಳಾಗುಷ್ಟರಲ್ಲಿ 2ನೇ ವಿಕೆಟ್ ಕಳೆದುಕೊಂಡಿತು. ಕಳೆದ ಪಂದ್ಯದಲ್ಲಿ ಕಿವೀಸ್ ವಿರುದ್ಧ ಶತಕ ಸಿಡಿಸಿದ್ದ ತಾಜ್ಮಿನ್ ಬ್ರಿಟ್ಸ್ ಇಂದು ಖಾತೆ ತೆರೆಯದೇ ಔಟ್ ಆದರು. ಕಳೆದ ಪಂದ್ಯದಲ್ಲಿ 83 ರನ್ಗಹಳಿಸಿ ಸುನೆ ಲೂಸ್ ಇಂದು 5 ರನ್ಗಳಿಗೆ ವಿಕೆಟ್ ಒಪ್ಪಿಸಿದರು. ಆದರೆ 3ನೇ ವಿಕೆಟ್ಗೆ ಒಂದಾದ ನಾಯಕಿ ವೋಲ್ವಾರ್ಟ್ ಹಾಗೂ ಅನುಭವಿ ಮರಿಜಾನ್ ಕಾಪ್ 39 ರನ್ ಸೇರಿಸಿದರು. ಈ ಹಂತದಲ್ಲಿ ಕಣಕ್ಕಿಳಿದ ಸ್ನೇಹ್ ರಾಣಾ 20 ರನ್ಗಳಿಸಿದ್ದ ಕಾಪ್ರನ್ನ ಬೌಲ್ಡ್ ಮಾಡಿ ಪೆವಲಿಯನ್ಗಟ್ಟಿದರು. ನಂತರ ಕೇವಲ 1 ರನ್ ಅಂತರದಲ್ಲಿ ಅನ್ನೇಕ್ ಬಾಷ್ (1)ರನ್ನ ದೀಪ್ತಿ ಶರ್ಮಾ ಔಟ್ ಮಾಡಿದರು.
ವಿಕೆಟ್ ಕೀಪರ್ ಸಿನಾಲೊ ಜಫ್ಟಾ ಕೇವಲ 14 ರನ್ಗಳಿಸಿ ಚರಣಿ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯೂ ಬಲೆಗೆ ಬಿದ್ದರು. ತಂಡದ ಮೊತ್ತ 81ಕ್ಕೆ 5 ವಿಕೆಟ್ ಕಳೆದುಕೊಂಡು ಸೋಲಿನ ಸುಳಿಯಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡಕ್ಕೆ ನಾಯಕಿ ವೋಲ್ವಾರ್ಡ್ಟ್ ಹಾಗೂ ಟ್ರಯಾನ್ 61 ರನ್ಗಳ ಜೊತೆಯಾಟ ನೀಡಿ ಚೇತರಿಕೆ ನೀಡಿ ಮತ್ತೆ ಪಂದ್ಯದಲ್ಲಿ ಕಮ್ಬ್ಯಾಕ್ ಮಾಡುವಂತೆ ಮಾಡಿದರು. ಈ ಅಪಾಯಕಾರಿ ಜೋಡಿಯನ್ನ ಕ್ರಾಂತಿ ಗೌಡ್ ಬೇರ್ಪಡಿಸಿದರು. 111 ಎಸೆತಗಳಲ್ಲಿ 8 ಬೌಂಡರಿಗಳ ನೆರವಿನಿಂದ 70 ರನ್ಗಳಿಸಿದ್ದ ಲೌರಾ ವೋಲ್ವಾರ್ಟ್ರನ್ನ ಗೌಡ್ ಬೌಲ್ಡ್ ಮಾಡಿದರು.
ಈ ವಿಕೆಟ್ ಬೀಳುತ್ತಿದ್ದಂತೆ ಭಾರತ ಗೆಲುವು ಸುಲಭವಾಗಬಹುದು ಎನ್ನಲಾಗಿತ್ತು. ಆದರೆ ಟ್ರಯಾನ್ ಜೊತೆ ಸೇರಿದ ನಡೀನ್ ಡಿಕ್ಲೆರ್ಕ್ ಪಂದ್ಯದ ಗತಿಯನ್ನೇ ಬದಲಿಸಿದರು. ಈ ಜೋಡಿ 7ನೇ ವಿಕೆಟ್ಗೆ ಕೇವಲ 60 ಎಸೆತಗಳಲ್ಲಿ 69 ರನ್ ಸೇರಿಸಿದರು. ಟ್ರಯಾನ್ 49 ರನ್ಗಳಿಸಿ ಸ್ನೇಹ್ ರಾಣಾ ಬೌಲಿಂಗ್ನಲ್ಲಿ ಎಲ್ಬಿ ಬಲೆಗೆ ಬಿದ್ದರು.
ಟ್ರಯಾನ್ ವಿಕೆಟ್ ಬಿದ್ದಾಗ ದಕ್ಷಿಣ ಆಫ್ರಿಕಾ ತಂಡಕ್ಕೆ ಕೊನೆಯ 24 ಎಸೆತಗಳಲ್ಲಿ ಗೆಲ್ಲಲು 41 ರನ್ಗಳ ಅಗತ್ಯವಿತ್ತು. ನಡೀನ್ ಡಿಕ್ಲೆರ್ಕ್ ಏಕಾಂಗಿಯಾಗಿ 40 ರನ್ಗಳಿಸಿ ಇನ್ನು7 ಎಸೆತಗಳಿರುವಂತೆ ತಂಡವನ್ನ ಗೆಲುವಿನ ಗಡಿ ದಾಟಿಸಿದರು. 8ನೇ ವಿಕೆಟ್ ಜೊತೆಯಾಟದಲ್ಲಿ ಅಯಬೊಂಗಾ ಖಾಕಾ ಜೊತೆಗೆ ಕೇವಲ 18 ಎಸೆತಗಳಲ್ಲಿ 41 ರನ್ ಸೇರಿಸಿ ಪಂದ್ಯವನ್ನ ಭಾರತದ ಕೈಯಿಂದ ಕಸಿದುಕೊಂಡರು.
October 09, 2025 11:37 PM IST