WTC Point Table: ವೆಸ್ಟ್ ಇಂಡೀಸ್ ವಿರುದ್ಧ ಟೆಸ್ಟ್ ಸರಣಿ ಕ್ಲೀನ್ ಸ್ವೀಪ್! ಈಗ ಹೇಗಿದೆ ನೋಡಿ WTC ಅಂಕಪಟ್ಟಿ​ | WTC Standings Update: India Remains Third After 2-0 Sweep Over West Indies | ಕ್ರೀಡೆ

WTC 2025-27 ಸೈಕಲ್ ಜೂನ್ 2025ರಲ್ಲಿ ಶ್ರೀಲಂಕಾ-ಬಾಂಗ್ಲಾದೇಶ ಸರಣಿಯೊಂದಿಗೆ ಆರಂಭವಾಗಿದ್ದು, 2027ರ ಜೂನ್‌ನಲ್ಲಿ ಲಾರ್ಡ್ಸ್‌ನಲ್ಲಿ ಫೈನಲ್ ನಡೆಯಲಿದೆ. 8 ತಂಡಗಳಲ್ಲಿ ಟಾಪ್-2 ತಂಡಗಳು ಫೈನಲ್‌ಗೆ ಅರ್ಹರಾಗುತ್ತವೆ. ಭಾರತ ತಂಡವು ಈಗಾಗಲೇ 7 ಪಂದ್ಯಗಳನ್ನು ಆಡಿದ್ದು, ನಾಲ್ಕು ಗೆಲುವುಗಳು, ಎರಡು ಸೋಲುಗಳು, ಮತ್ತು ಒಂದು ಡ್ರಾ ಸಾಧಿಸಿದ್ದು, ಒಟ್ಟು 52 ಪಾಯಿಂಟ್‌ಗಳನ್ನು ಪಡೆದಿದೆ. ವೆಸ್ಟ್ ಇಂಡೀಸ್ ಸರಣಿಯ ಗೆಲುವು ಭಾರತದ ಗೆಲುವಿನ ಶೇಕಡಾವಾರನ್ನು ಸುಧಾರಿಸಿದ್ದರೂ, ಇಂಗ್ಲೆಂಡ್ ವಿರುದ್ಧದ ಸೋಲುಗಳು (ಎರಡು) ಟಾಪ್-2 ಸ್ಥಾನಕ್ಕೆ ತಡೆಯಾಗಿವೆ.

ಎರಡನೇ ಸ್ಥಾನದಲ್ಲಿ ಶ್ರೀಲಂಕಾ ತಂಡವಿದ್ದು, ಆಡಿರುವ 2 ಪಂದ್ಯಗಳಲ್ಲಿ 1 ಗೆಲುವು ಮತ್ತು 1 ಡ್ರಾ ಸಾಧಿಸಿ 16 ಪಾಯಿಂಟ್‌ಗಳೊಂದಿಗೆ 66.67% ಗೆಲುವಿನ ಶೇಕಡಾವಾರು ಹೊಂದಿದೆ. ಸಿಂಹಳೀಯ ಪಡೆ ಬಾಂಗ್ಲಾದೇಶ ವಿರುದ್ಧದ ಮೊದಲ ಟೆಸ್ಟ್ ಡ್ರಾ ಮಾಡಿಕೊಂಡು, 2ನೇ ಟೆಸ್ಟ್ ಪಂದ್ಯದಲ್ಲಿ ಗೆಲುವು ಸಾಧಿಸಿತ್ತು.ಭಾರತ ತಂಡವು ಮೂರನೇ ಸ್ಥಾನದಲ್ಲಿದ್ದು, 7 ಪಂದ್ಯಗಳ ನಂತರ 52 ಪಾಯಿಂಟ್‌ಗಳೊಂದಿಗೆ 61.90% ಗೆಲುವಿನ ಶೇಕಡಾವಾರು ಅಂಕಗಳನ್ನ ಹೊಂದಿದೆ.

ಇಂಗ್ಲೆಂಡ್ ತಂಡವು ನಾಲ್ಕನೇ ಸ್ಥಾನದಲ್ಲಿದ್ದು, 5 ಪಂದ್ಯಗಳಲ್ಲಿ 2 ಗೆಲುವುಗಳು, 2 ಸೋಲುಗಳು, ಮತ್ತು 1 ಡ್ರಾ ಸಾಧಿಸಿ 26 ಪಾಯಿಂಟ್‌ಗಳೊಂದಿಗೆ 43.33% ಗೆಲುವಿನ ಶೇಕಡಾವಾರು ಹೊಂದಿದೆ. ಐದನೇ ಸ್ಥಾನದಲ್ಲಿ ಬಾಂಗ್ಲಾದೇಶ ತಂಡವಿದ್ದು, 2 ಪಂದ್ಯಗಳಲ್ಲಿ 1 ಸೋಲು ಮತ್ತು 1 ಡ್ರಾ ಸಾಧಿಸಿ 4 ಪಾಯಿಂಟ್‌ಗಳೊಂದಿಗೆ 16.67% ಗೆಲುವಿನ ಶೇಕಡಾವಾರು ಹೊಂದಿದ್ದು. ವೆಸ್ಟ್ ಇಂಡೀಸ್ ತಂಡವು ಆರನೇ ಸ್ಥಾನದಲ್ಲಿದ್ದು, 5 ಪಂದ್ಯಗಳಲ್ಲಿ ಒಂದು ಗೆಲುವುವಿಲ್ಲದೆ 0 ಪಾಯಿಂಟ್‌ಗಳೊಂದಿಗೆ 0% ಗೆಲುವಿನ ಶೇಕಡಾವಾರು ಹೊಂದಿದೆ.

ನ್ಯೂಜಿಲೆಂಡ್, ಪಾಕಿಸ್ತಾನ, ಮತ್ತು ದಕ್ಷಿಣ ಆಫ್ರಿಕಾ ತಂಡಗಳು ಇನ್ನೂ ಯಾವುದೇ ಪಂದ್ಯಗಳನ್ನು ಆಡಿಲ್ಲ, ಆದ್ದರಿಂದ ಅವುಗಳು 0 ಪಾಯಿಂಟ್‌ಗಳೊಂದಿಗೆ ಕೊನೆಯಲ್ಲಿವೆ. ಪ್ರಸ್ತುತ ಪಾಕಿಸ್ತಾನ-ದಕ್ಷಿಣ ಆಫ್ರಿಕಾ ನಡುವಿನ ಒಂದು ಪಂದ್ಯ ನಡೆಯುತ್ತಿದ್ದು, ಇದರ ಫಲಿತಾಂಶವು ಟೇಬಲ್ ಅನ್ನು ಬದಲಾಯಿಸಬಹುದು.

ಭಾರತ ತಂಡ ವಿಶ್ವಟೆಸ್ಟ್ ಚಾಂಪಿಯನ್​ಶಿಪ್​​ನ 6 ಸರಣಿಗಳಲ್ಲಿ ತಲಾ 1 ತವರು ಮತ್ತು ವಿದೇಸಿ ಸರಣಿಯನ್ನ ಪೂರ್ಣಗೊಳಿಸಿದೆ. ಮುಂದಿನ ತಿಂಗಳು ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲೇ ಟೆಸ್ಟ್ ಸರಣಿಯನ್ನಾಡಲಿದೆ. ಆ ನಂತರ ಶ್ರೀಲಂಕಾ ಹಾಗೂ ನ್ಯೂಜಿಲ್ಯಾಂಡ್ ವಿರುದ್ಧ ವಿದೇಶಿ ಸರಣಿ ಹಾಗೂ ತವರಿನಲ್ಲಿ ಆಸ್ಟ್ರೇಲಿಯಾ ವಿರುದ್ದ ತವರಿನಲ್ಲಿ ಆಡಲಿದೆ.