Good News: ಮಂಗಳೂರಲ್ಲಿ ಆಗಲಿದೆ ಹೊಸ ಐಟಿ ಪಾರ್ಕ್!‌ ಎಲ್ಲಿಯವರೆಗೆ ಬಂತು ನಿರ್ಮಾಣ ಕಾರ್ಯ?! | Mangaluru IT Park development Kionics tender process open | ದಕ್ಷಿಣ ಕನ್ನಡ

ದೇಶದಲ್ಲಿ ಬೆಂಗಳೂರು, ಪುಣೆ ಬಿಟ್ಟರೆ ಮಂಗಳೂರು ಐಟಿ ಕಂಪೆನಿಗಳ ಮೆಚ್ಚಿನ ತಾಣವಾಗಿ ಪರಿಗಣಿಸಲ್ಪಟ್ಟಿತ್ತು. ಸರಕಾರ 2ನೇ ಹಂತದ ನಗರಗಳಲ್ಲಿ ಐಟಿ ಅಭಿವೃದ್ಧಿಗೆ ಮಂಗಳೂರನ್ನು ಮೊದಲ ಆದ್ಯತೆಯಾಗಿ ಗುರುತಿಸಿದೆ. ಕೆಲವು ಕಂಪೆನಿಗಳು ಮಂಗಳೂರಿನಲ್ಲಿ ಕಾರ್ಯಕ್ಷೇತ್ರ ಹೊಂದಿದ್ದರೂ ಸರಕಾರದ ನಿರ್ಲಕ್ಷ್ಯದಿಂದಾಗಿ ಐಟಿ ಹಬ್ ಸ್ವರೂಪ ಪಡೆಯಲು ಮಂಗಳೂರಿಗೆ ಇನ್ನೂ ಸಾಧ್ಯವಾಗಿಲ್ಲ.

ಮಂಗಳೂರಿನ ದೇರೆಬೈಲ್‌ನ ಬ್ಲೂಬೆರಿ ಹಿಲ್ಸ್ ರಸ್ತೆಯಲ್ಲಿರುವ 3.285 ಎಕರೆ ಭೂಮಿಯನ್ನು ವಾಣಿಜ್ಯ ಕಚೇರಿ ಟೆಕ್ ಪಾರ್ಕ್ ಉದ್ದೇಶಕ್ಕೆ ಪಿಪಿಪಿ ಮಾದರಿಯಲ್ಲಿ ಅಭಿವೃದ್ಧಿಪಡಿಸಲು ರಾಜ್ಯ ಸಚಿವ ಸಂಪುಟ ಸಭೆಯಲ್ಲಿ ನಿರ್ಧರಿಸಲಾಗಿದೆ. ಬ್ಲೂಬೆರಿ ರಸ್ತೆಯ ಸರ್ವೇ ನಂ. 129 ಮತ್ತು 113ರಲ್ಲಿನ ಭೂಮಿ ಕಿಯೋನಿಕ್ಸ್ ಹೆಸರಿನಲ್ಲಿದೆ.

ಖಾಸಗಿಯವರು ಹೂಡಿಕೆ ಮಾಡಿ 30+30 ವರ್ಷಗಳ ಲೀಸ್ ಆಧಾರದಲ್ಲಿ ಸಾರ್ವಜನಿಕ ಖಾಸಗಿ ಸಹಭಾಗಿತ್ವ (ಪಿಪಿಪಿ) ಮಾದರಿಯಲ್ಲಿ ವಿನ್ಯಾಸ, ನಿರ್ಮಾಣ, ಹಣಕಾಸು ಕಾರ್ಯಾಚರಣೆ ಮತ್ತು ವರ್ಗಾವಣೆ (ಡಿಬಿಎ-ಒಟಿ) ಆಧಾರದ ಮೇಲೆ ಅಭಿವೃದ್ಧಿಗೆ ಪ್ರಕ್ರಿಯೆಗಳು ನಡೆಯಬೇಕಿದೆ. ಪ್ರಥಮ ಹಂತವಾಗಿ ಕಿಯೋನಿಕ್ಸ್‌ನಿಂದ ಟೆಂಡರ್ ಆಹ್ವಾನ ಶೀಘ್ರ ನಡೆಯಲಿದೆ. ಇವೆಲ್ಲಾ ಕಾರ್ಯಗಳೂ ಸಾಂಗವಾಗಿ ನಡೆದರೆ ಕಡಲತಡಿಯ ಬಂದರು ನಗರಿ ಮಾಹಿತಿ ತಂತ್ರಜ್ಞಾನದ ಕಣಜವೂ ಆಗಬಹುದು.