ಮಳೆಗೆ ಆಹುತಿಯಾದ ಕೆಕೆಆರ್-ಪಂಜಾಬ್ ಪಂದ್ಯ! ಎರಡೂ ತಂಡಗಳಿಗೂ ಒಂದೊಂದು ಅಂಕ ಹಂಚಿಕೆ

ಈ ಪಂದ್ಯ ಕೋಲ್ಕತ್ತಾ ನೈಟ್​ ರೈಡರ್ಸ್ ತಂಡಕ್ಕೆ ಪ್ಲೇ ಆಫ್​ ದೃಷ್ಟಿಯಿಂದ ಪ್ರಮುಖ ಪಂದ್ಯವಾಗಿತ್ತು. ರದ್ದಾಗಿರುವುದರಿಂದ ಮುಂದಿನ 5 ಪಂದ್ಯಗನ್ನ ಗೆಲ್ಲಲೇಬೇಕಿದೆ. ಈಗಾಗಲೇ 9 ಪಂದ್ಯಗಳಲ್ಲಿ 3 ಗೆಲುವು 5 ಸೋಲಿನೊಂದಿಗೆ 7 ಅಂಕಗಳೊಂದಿಗೆ 7ನೇ ಸ್ಥಾನದಲ್ಲಿದೆ. ಮುಂದಿನ 5 ಪಂದ್ಯಗಳನ್ನ ಗೆದ್ದರೆ 17 ಅಂಕವಾಗಲಿದೆ. ಪ್ಲೇ ಆಫ್ ಪ್ರವೇಶಿಸಲು ಕಡಿಮೆ ಅಂದರೂ 16 ಅಂಕಗಳ ಅವಶ್ಯಕತೆ ಇದೆ. ಹಾಗಾಗಿ ಕೆಕೆಆರ್ ಎಲ್ಲಾ ಪಂದ್ಯಗಳನ್ನು ಗೆಲ್ಲಲೇಬೇಕಾದ ಒತ್ತಡದಲ್ಲಿದೆ.

ಇತ್ತ ಪಂಜಾಬ್ ಕಿಂಗ್ಸ್ 9 ಪಂದ್ಯಗಳಲ್ಲಿ 5 ಗೆಲುವು, 3 ಸೋಲುಗಳೊಂದಿಗೆ 11 ಅಂಕ ಹೊಂದಿದ್ದು, ಮುಂಬೈ ಹಿಂದಿಕ್ಕಿ 4ನೇ ಸ್ಥಾನಕ್ಕೆ ಲಗ್ಗೆಯಿಟ್ಟಿದೆ.

ಇದನ್ನೂ ಓದಿ: ಭಾರತ ಮನಸ್ಸು ಮಾಡಿದ್ರೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯನ್ನ ಸರ್ವನಾಶ ಮಾಡುತ್ತೆ! ಪಾಕ್ ಮಾಜಿ ನಾಯಕನ ವಿಡಿಯೋ

ಈ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು  ಬ್ಯಾಟಿಂಗ್ ಮಾಡಿದ ಪಿಬಿಕೆಎಸ್ ತಂಡಕ್ಕೆ ಆರಂಭಿಕರು ಮೊದಲ ವಿಕೆಟ್​ಗೆ 120 ರನ್​ಗಳ ಜೊತೆಯಾಟ ನೀಡಿ ಅದ್ಭುತ ಆರಂಭ ನೀಡಿದರು. ಕಳೆದ ಮೂರು ಪಂದ್ಯಗಳಲ್ಲಿ 30ರ ಗಡಿ ದಾಟಲು ವಿಫಲರಾಗಿದ್ದ ಪ್ರಿಯಾಂಶ್ ಆರ್ಯ ಇಂದು ಅಬ್ಬರಿಸಿದರು. ಆರ್ಯ 35 ಎಸೆತಗಳಲ್ಲಿ 8 ಬೌಂಡರಿ, 4 ಸಿಕ್ಸರ್​ಗಳ ಸಹಿತ 69 ರನ್​ಗಳಿಸಿದರು. ಆರ್ಯ ವಿಕೆಟ್ ಕಳೆದುಕೊಂಡರೂ ತನ್ನ ಅಬ್ಬರ ಮುಂದುವರಿಸಿದ ಪ್ರಭಸಿಮ್ರನ್ ಸಿಂಗ್  49 ಎಸೆತಗಳಲ್ಲಿ 6 ಬೌಂಡರಿ, 6 ಸಿಕ್ಸರ್​ಗಳ ಸಹಿತ 83 ರನ್​ಗಳಿಸಿದರು.  ಸಿಂಗ್ ವೈಭವ್ ಅರೋರ ಬೌಲಿಂಗ್​​ನಲ್ಲಿ ಔಟ್ ಆಗುವ ಮುನ್ನ ನಾಯಕ ಶ್ರೇಯಸ್ ಅಯ್ಯರ್ ಜೊತೆಗೆ 2ನೇ ವಿಕೆಟ್​ಗೆ 16 ಎಸೆತಗಳಲ್ಲಿ 40 ರನ್​ಗಳ ಜೊತೆಯಾಟ ನೀಡಿದ್ದರು.

ಆದರೆ ಆರಂಭಿರ ವಿಕೆಟ್ ನಂತರ ಪಂಜಾಬ್​ ರನ್​ಗಳಿಸಲು ಪರದಾಡಿತು.  ಕೊನೆಯ 33 ಎಸೆತಗಳಲ್ಲಿ ಕೇವಲ 41 ರನ್​ಗಳಿಸಷ್ಟೇ ಶಕ್ತವಾಯಿತು.  ಅಯ್ಯರ್ 16 ಎಸೆತಗಳಲ್ಲಿ ತಲಾ 1 ಬೌಂಡರಿ, ಸಿಕ್ಸರ್ ಸಹಿತ ಅಜೇಯ 25 ರನ್​ಗಳಿಸಿದರು. ಮ್ಯಾಕ್ಸ್​ವೆಲ್  8 ಎಸೆತಗಳಲ್ಲಿ 7 ರನ್​ಗಳಿಸಿ ಮತ್ತೊಂದು ವೈಫಲ್ಯ ಅನುಭವಿಸಿದರು. ಮಾರ್ಕೊ ಜಾನ್ಸನ್ 7 ಎಸೆತಗಳಲ್ಲಿ 3,  ಜೋಶ್ ಇಂಗ್ಲಿಸ್ ಎಸೆತಗಳಲ್ಲಿ ಅಜೇಯ 11 ರನ್​ಗಳಿಸಿದರು.

ಕೆಕೆಆರ್ ಪರ ವೈಭವ್ ಅರೋರಾ 34ಕ್ಕೆ2, ವರುಣ್ ಚಕ್ರವರ್ತಿ 39ಕ್ಕೆ1,  ಆ್ಯಂಡ್ರೆ ರಸೆಲ್ 27ಕ್ಕೆ1 ವಿಕೆಟ್ ಪಡೆದು ಮಿಂಚಿದರು.

ಕೆಕೆಆರ್ vs ಪಂಜಾಬ್ ಹೆಡ್​ ಟು ಹೆಡ್ ರೆಕಾರ್ಡ್

ಕೋಲ್ಕತ್ತಾ ಮತ್ತು ಪಂಜಾಬ್ ತಂಡಗಳು ಪರಸ್ಪರ 34 ಪಂದ್ಯಗಳನ್ನು ಆಡಿವೆ. ಈ ಅವಧಿಯಲ್ಲಿ ಕೆಕೆಆರ್ ಮೇಲುಗೈ ಸಾಧಿಸಿದೆ. ಕೆಕೆಆರ್ 21 ಪಂದ್ಯಗಳನ್ನು ಗೆದ್ದರೆ, ಪಿಬಿಕೆಎಸ್ ಕೇವಲ 13 ಪಂದ್ಯಗಳನ್ನು ಗೆದ್ದಿದೆ. ಇನ್ನೂ ಈಡನ್​ ಗಾರ್ಡನ್ಸ್​ ನಲ್ಲಿ  PBKS ವಿರುದ್ಧ KKR 13 IPL ಪಂದ್ಯಗಳಲ್ಲಿ 9 ಪಂದ್ಯಗಳನ್ನು ಗೆದ್ದಿದೆ. ಇದು ಒಂದೇ ಕ್ರೀಡಾಂಗಣದಲ್ಲಿ ಎದುರಾಳಿ ತಂಡದ ವಿರುದ್ಧ ಗೆದ್ದ ಎರಡನೇ ಅತಿ ಹೆಚ್ಚು ಪಂದ್ಯಗಳ ದಾಖಲೆಯಾಗಿದೆ.

ಇದನ್ನೂ ಓದಿ: ಆತನ ಆಟ ನೋಡ್ತಿದ್ರೆ ಕ್ರಿಸ್ ಗೇಲ್ ನೆನಪಾದ್ರು! 22 ವರ್ಷದ ಆಟಗಾರ ಸೂಪರ್ ಸ್ಟಾರ್ ಆಗ್ತಾರೆ ಎಂದ ಕುಂಬ್ಳೆ

KKR ಮತ್ತು ಪಂಜಾಬ್ XI

ಕೋಲ್ಕತ್ತಾ ನೈಟ್ ರೈಡರ್ಸ್ ಪ್ಲೇಯಿಂಗ್ XI: ರಹಮಾನುಲ್ಲಾ ಗುರ್ಬಾಜ್ (wk), ಸುನಿಲ್ ನರೈನ್, ಅಜಿಂಕ್ಯ ರಹಾನೆ (c), ವೆಂಕಟೇಶ್ ಅಯ್ಯರ್, ರಿಂಕು ಸಿಂಗ್, ಆಂಡ್ರೆ ರಸೆಲ್, ರೊವ್ಮನ್ ಪೊವೆಲ್, ವೈಭವ್ ಅರೋರಾ, ಚೇತನ್ ಸಕರಿಯಾ, ವರ್ಷಿತ್ ರಣವರ್ತಿ.

ಪಂಜಾಬ್ ಕಿಂಗ್ಸ್ ಪ್ಲೇಯಿಂಗ್ XI: ಪ್ರಿಯಾಂಶ್ ಆರ್ಯ, ಪ್ರಭ್‌ಸಿಮ್ರಾನ್ ಸಿಂಗ್, ಶ್ರೇಯಸ್ ಅಯ್ಯರ್ (ಸಿ), ಜೋಶ್ ಇಂಗ್ಲಿಸ್ (ವಿಕೆ), ನೆಹಾಲ್ ವಧೇರಾ, ಶಶಾಂಕ್ ಸಿಂಗ್, ಗ್ಲೆನ್ ಮ್ಯಾಕ್ಸ್‌ವೆಲ್, ಅಜ್ಮತುಲ್ಲಾ ಉಮರ್ಜಾಯ್, ಮಾರ್ಕೊ ಜಾನ್ಸನ್, ಅರ್ಶ್‌ದೀಪ್ ಸಿಂಗ್, ಯುಜ್ವೇಂದ್ರ ಚಾಹಲ್.