ತಂಡದ ಸಂಯೋಜನೆ ಹೇಗಿದೆ?
ಪ್ಯಾಟ್ ಕಮ್ಮಿನ್ಸ್ ನಾಯಕತ್ವದ ಈ ತಂಡವು ಅನುಭವಿ ಮತ್ತು ಯುವ ಆಟಗಾರರ ಸಮತೋಲನವನ್ನು ಹೊಂದಿದೆ. ತಂಡದಲ್ಲಿ ಸ್ಟೀವ್ ಸ್ಮಿತ್, ಮಾರ್ನಸ್ ಲ್ಯಾಬುಶೇನ್, ಉಸ್ಮಾನ್ ಖವಾಜಾ, ಮತ್ತು ಟ್ರಾವಿಸ್ ಹೆಡ್‌ನಂತಹ ದಿಗ್ಗಜ ಬ್ಯಾಟ್ಸ್‌ಮನ್‌ಗಳಿದ್ದಾರೆ, ಜೊತೆಗೆ ಜೋಶ್ ಹ್ಯಾಜಲ್ವುಡ್, ಮಿಚೆಲ್ ಸ್ಟಾರ್ಕ್, ಸ್ಕಾಟ್ ಬೋಲ್ಯಾಂಡ್, ಮತ್ತು ನೇಥನ್ ಲಿಯಾನ್‌ನಂತಹ ವಿಶ್ವದರ್ಜೆಯ ಬೌಲರ್‌ಗಳು ಸೇರಿದ್ದಾರೆ. ಇದೇ ತಂಡವು ಭಾರತದ ವಿರುದ್ಧ 2024-25 ರ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ 3-1 ರಿಂದ ಗೆದ್ದಿತ್ತು ಮತ್ತು ಶ್ರೀಲಂಕಾದಲ್ಲಿ 2-0 ರಿಂದ ಸರಣಿ ಗೆದ್ದಿತ್ತು.
ಯುವ ಆಟಗಾರರ ಕೊಡುಗೆ
ತಂಡದಲ್ಲಿ ಯುವ ಆಟಗಾರರಾದ ಸ್ಯಾಮ್ ಕಾನ್ಸ್ಟಾಸ್ ಮತ್ತು ಬ್ಯೂ ವೆಬ್‌ಸ್ಟರ್ ಗಮನಾರ್ಹರಾಗಿದ್ದಾರೆ. 19 ವರ್ಷದ ಕಾನ್ಸ್ಟಾಸ್ ಭಾರತದ ವಿರುದ್ಧ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ಪದಾರ್ಪಣೆಯಲ್ಲಿ ತಮ್ಮ ಆಕ್ರಮಣಕಾರಿ ಆರಂಭಿಕ ಬ್ಯಾಟಿಂಗ್‌ನಿಂದ ಚಾಪು ಮೂಡಿಸಿದರು. ಅವರು ಉಸ್ಮಾನ್ ಖವಾಜಾ ಜೊತೆ ಆರಂಭಿಕರಾಗಿ ಕಾಣಿಸಿಕೊಳ್ಳಲಿದ್ದಾರೆ, ಇದು ಟ್ರಾವಿಸ್ ಹೆಡ್‌ಗೆ 5ನೇ ಕ್ರಮಾಂಕಕ್ಕೆ ಮರಳಲು ಅವಕಾಶ ನೀಡುತ್ತದೆ. ವೆಬ್‌ಸ್ಟರ್ ಕೂಡ ಭಾರತದ ವಿರುದ್ಧ ತಮ್ಮ ಚೊಚ್ಚಿಲ ಪಂದ್ಯದಲ್ಲಿ 39* ರನ್‌ಗಳ ಸ್ಥಿರ ಇನ್ನಿಂಗ್ಸ್ ಆಡಿದ್ದರು. ಶೆಫೀಲ್ಡ್ ಶೀಲ್ಡ್ ಫೈನಲ್‌ನಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಿರುವ ಬ್ರೆಂಡನ್ ಡಗ್ಗೆಟ್ ಪ್ರಯಾಣ ಮೀಸಲು ಆಟಗಾರನಾಗಿ ತಂಡದಲ್ಲಿದ್ದಾರೆ.
ಬಲ ತಂಡದ ಕ್ಯಾಮರೂನ್ ಗ್ರೀನ್ ಕಮ್ಬ್ಯಾಕ್
ಆಸ್ಟ್ರೇಲಿಯಾಕ್ಕೆ ಸಿಹಿಸುದ್ದಿಯೆಂದರೆ ಆಲ್‌ರೌಂಡರ್ ಕ್ಯಾಮರೂನ್ ಗ್ರೀನ್ ಗಾಯದಿಂದ ಚೇತರಿಸಿಕೊಂಡು ತಂಡಕ್ಕೆ ಮರಳಿದ್ದಾರೆ. ಬೆನ್ನಿನ ಶಸ್ತ್ರಚಿಕಿತ್ಸೆಯ ನಂತರ ಸಂಪೂರ್ಣ ಫಿಟ್‌ನೆಸ್ ಪಡೆದಿರುವ ಗ್ರೀನ್, 6ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮತ್ತು ಮಧ್ಯಮ ವೇಗದ ಬೌಲಿಂಗ್‌ನೊಂದಿಗೆ ತಂಡಕ್ಕೆ ಸಮತೋಲನ ತರುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಜೋಶ್ ಇಂಗ್ಲಿಸ್ ಮತ್ತು ವೆಬ್‌ಸ್ಟರ್‌ನಂತಹ ಆಟಗಾರರು ಗ್ರೀನ್‌ಗೆ ಸ್ಪರ್ಧೆ ಒಡ್ಡಿದರೂ, ಗ್ರೀನ್‌ರ ಅನುಭವ ಮತ್ತು ಬಹುಮುಖತೆಯು ಅವರಿಗೆ ಆದ್ಯತೆ ನೀಡಿದೆ.
ತಂಡದ ಬೌಲಿಂಗ್ ಶಕ್ತಿ
ಪಾಟ್ ಕಮ್ಮಿನ್ಸ್, ಜೋಶ್ ಹ್ಯಾಜಲ್ವುಡ್ ಮತ್ತು ಮಿಚೆಲ್ ಸ್ಟಾರ್ಕ್‌ನಿಂದ ಕೂಡಿದ ವೇಗದ ಬೌಲಿಂಗ್ ಘಟಕವು ದಕ್ಷಿಣ ಆಫ್ರಿಕಾದ ಬ್ಯಾಟಿಂಗ್ ಕ್ರಮವನ್ನು ಕಾಡುವ ಸಾಮರ್ಥ್ಯವನ್ನು ಹೊಂದಿದೆ, ಆದರೆ ನೇಥನ್ ಲಿಯಾನ್‌ನ ಸ್ಪಿನ್ ಲಾರ್ಡ್ಸ್‌ನ ಪಿಚ್‌ನಲ್ಲಿ ನಿರ್ಣಾಯಕವಾಗಬಹುದು.
ಐಪಿಎಲ್ನಲ್ಲಿ ಆಡುವವರು ಎಷ್ಟಿದ್ದಾರೆ
ಐಪಿಎಲ್ ಪುನಾರಂಭಕ್ಕೆ ದಿನಾಂಕ ಫಿಕ್ಸ್ ಮಾಡಲಾಗಿದೆ. ಮೇ 17ರಿಂದ ಆರ್ಸಿಬಿ ಹಾಗೂ ಕೆಕೆಆರ್ ನಡುವಿನ ಪಂದ್ಯದ ಮೂಲಕ ಐಪಿಎಲ್ ಪುನಾರಂಭಕ್ಕೆ ಚಾಲನೆ ದೊರೆಯಲಿದೆ. ಈಗ ಘೋಷಿಸಿರುವ ತಂಡದಲ್ಲಿ ಐಪಿಎಲ್ನಲ್ಲಿ ಆಡಲಿರುವ 4 ಆಟಗಾರರಿಗೆ ಅವಕಾಶ ನೀಡಲಾಗಿದೆ. ಸನ್ರೈಸರ್ಸ್ ಹೈದರಾಬಾದ್ ತಂಡದ ಪ್ಯಾಟ್ ಕಮಿನ್ಸ್, ಟ್ರಾವಿಸ್ ಹೆಡ್,ಆರ್ಸಿಬಿ ತಂಡ ಜೋಶ್ ಹ್ಯಾಜಲ್ವುಡ್, ಪಂಜಾಬ್ ಕಿಂಗ್ಸ್ ತಂಡದ ಜೋಶ್ ಇಂಗ್ಲಿಸ್ ತಂಡದಲ್ಲಿ ಅವಕಾಶ ಪಡೆದಿದ್ದಾರೆ. ಬಹುಶಃ ಈ ಎಲ್ಲಾ ಆಟಗಾರರು ಐಪಿಎಲ್ ಪುನಾರಂಭಕ್ಕೆ ಬರುವುದಿಲ್ಲ ಎಂದು ತಿಳಿದುಬಂದಿದೆ. ಆಸ್ಟ್ರೇಲಿಯಾ ಕ್ರಿಕೆಟ್ ಸಂಸ್ಥೆ ಕೂಡ ಆಟಗಾರರು ಐಪಿಎಲ್ಗೆ ತೆರಳಬೇಕೆಂದು ನಾವು ಒತ್ತಾಯಿಸುವುದಿಲ್ಲ. ಅವರಿಗೆ ಇಷ್ಟ ಇದ್ದರೆ ಹೋಗಬಹುದು ಎಂದು ತಿಳಿಸಿದೆ.
ಪ್ಯಾಟ್ ಕಮ್ಮಿನ್ಸ್(ನಾಯಕ)
ಸ್ಕಾಟ್ ಬೋಲ್ಯಾಂಡ್, ಅಲೆಕ್ಸ್ ಕ್ಯಾರಿ, ಕ್ಯಾಮರಾನ್ ಗ್ರೀನ್, ಟ್ರಾವಿಸ್ ಹೆಡ್,ಜೋಶ್ ಇಂಗ್ಲಿಸ್, ಉಸ್ಮಾನ್ ಖವಾಜಾ, ಸ್ಯಾಮ್ ಕಾನ್ಸ್ಟಾಸ್, ಮ್ಯಾಟ್ ಹ್ನೆಮನ್, ಮಾರ್ನಸ್ ಲ್ಯಾಬುಸ್ಚೇಂಜ್, ನಾಥನ್ ಲಿಯಾನ್, ಸ್ಟೀವ್ ಸ್ಮಿತ್, ಮಿಚೆಲ್ ಸ್ಟಾರ್ಕ್, ಬಿ ವೆಬ್‌ಸ್ಟರ್
WTC Final: ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ಗೆ ಆಸೀಸ್ ತಂಡ ಪ್ರಕಟ! RCB ಪ್ಲೇಯರ್ ಸೇರಿ ಐಪಿಎಲ್ ಆಟಗಾರರು ಎಷ್ಟಿದ್ದಾರೆ ನೋಡಿ?
