IPL 2025: ವೈಭವ್, ಪ್ರಿಯಾಂಶ್ ಜೊತೆ ಕಿರಿಕ್ ಬಾಯ್ ದಿಗ್ವೇಶ್‌ಗೂ ಸ್ಥಾನ! ಐಪಿಎಲ್‌ ಅನ್‌ಕ್ಯಾಪ್ಡ್-11ನಲ್ಲಿ ಯಾರೆಲ್ಲಾ ಇದ್ದಾರೆ ನೋಡಿ | IPL 2025 RCB Victory Young Players Outstanding Performance and here is the best uncapped players

ಪ್ರಿಯಾಂಶ್ ಆರ್ಯ (ಪಂಜಾಬ್ ಕಿಂಗ್ಸ್)

ಕಳೆದ ವರ್ಷದ ಮೆಗಾ ಹರಾಜಿನಲ್ಲಿ ಪ್ರಿಯಾಂಶ್ ಆರ್ಯ ಅವರನ್ನು ಪಿಬಿಕೆಎಸ್ ಫ್ರಾಂಚೈಸಿ 3.80 ಕೋಟಿ ರೂಪಾಯಿಗೆ ಖರೀದಿಸಿತ್ತು. ಮತ್ತು ತನ್ನ ಮೊದಲ ಐಪಿಎಲ್ ಋತುವಿನಲ್ಲಿ, ದೆಹಲಿಯ ಎಡಗೈ ಬ್ಯಾಟ್ಸ್‌ಮನ್ 17 ಪಂದ್ಯಗಳಲ್ಲಿ 475 ರನ್‌ಗಳನ್ನು ಗಳಿಸಿದರು. ಇದು ಐಪಿಎಲ್‌ನ ಚೊಚ್ಚಲ ಋತುವಿನಲ್ಲಿ ರಾಷ್ಟ್ರೀಯ ತಂಡಕ್ಕೆ ಆಡದ ಭಾರತೀಯ ಬ್ಯಾಟ್ಸ್‌ಮನ್‌ನಿಂದ ಗಳಿಸಿದ ಅತಿ ಹೆಚ್ಚು ರನ್‌ಗಳಾಗಿದೆ.

ವೈಭವ್ ಸೂರ್ಯವಂಶಿ (ರಾಜಸ್ಥಾನ್ ರಾಯಲ್ಸ್)

14 ವರ್ಷದ ವೈಭವ್ ಸೂರ್ಯವಂಶಿ ಏಪ್ರಿಲ್ 19 ರಂದು ಜೈಪುರದಲ್ಲಿ LSG ವಿರುದ್ಧ RR ಪರ ಐಪಿಎಲ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ಶಾರ್ದೂಲ್ ಠಾಕೂರ್ ಅವರ ಬೌಲಿಂಗ್‌ನಲ್ಲಿ ಮೊದಲ ಎಸೆತದಲ್ಲಿ ಸಿಕ್ಸರ್ ಬಾರಿಸುವ ಮೂಲಕ ತಮ್ಮ ಖಾತೆಯನ್ನು ತೆರೆದರು. ಬಿಹಾರದ ಎಡಗೈ ಬ್ಯಾಟ್ಸ್‌ಮನ್ 2025 ರ ಐಪಿಎಲ್‌ನಲ್ಲಿ 7 ಪಂದ್ಯಗಳಲ್ಲಿ ಒಂದು ಶತಕ ಮತ್ತು ಒಂದು ಅರ್ಧಶತಕ ಸಹಿತ 252 ರನ್ ಗಳಿಸಿದ್ದಾರೆ. ಏಪ್ರಿಲ್ 28 ರಂದು ಜಿಟಿ ವಿರುದ್ಧ ಜೈಪುರದಲ್ಲಿ 35 ಎಸೆತಗಳಲ್ಲಿ ಶತಕ ಗಳಿಸಿದರು. ಇದು T20 ಪಂದ್ಯದಲ್ಲಿ ಶತಕ ಗಳಿಸಿದ ಅತ್ಯಂತ ಕಿರಿಯ ಬ್ಯಾಟ್ಸ್‌ಮನ್ ಮತ್ತು ಐಪಿಎಲ್‌ನಲ್ಲಿ ಶತಕ ಗಳಿಸಿದ ಅತಿ ವೇಗದ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಪ್ರಭ್‌ಸಿಮ್ರಾನ್ ಸಿಂಗ್ (ಪಂಜಾಬ್ ಕಿಂಗ್ಸ್)

ಐಪಿಎಲ್ 2025ರಲ್ಲಿ ಪಿಬಿಕೆಎಸ್ ಪರ 17 ಪಂದ್ಯಗಳನ್ನು ಆಡಿರುವ ಅವರು, 4 ಅರ್ಧಶತಕದ ನೆರವಿನಿಂದ 549 ರನ್ ಗಳಿಸಿದರು. ಆ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಅನ್‌ಕ್ಯಾಪ್ಡ್ ಆಟಗಾರನೊಬ್ಬ ಅತೀ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ಅವರು ಹೊಂದಿದ್ದಾರೆ.

ನೆಹಾಲ್ ವಧೇರಾ (ಪಂಜಾಬ್ ಕಿಂಗ್ಸ್)

ಎಡಗೈ ಬ್ಯಾಟ್ಸ್‌ಮನ್ ನೆಹಾಲ್ ಐಪಿಎಲ್ 2025 ರಲ್ಲಿ ಪಿಬಿಕೆಎಸ್ ತಂಡದ ರನ್ನರ್ ಅಪ್ ಸ್ಥಾನ ಪಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಶ್ರೇಯಸ್ ಅಯ್ಯರ್ ನೇತೃತ್ವದ ತಂಡದ ಪರ 16 ಪಂದ್ಯಗಳಲ್ಲಿ ಎರಡು ಅರ್ಧಶತಕಗಳ ಸಹಿತ ಒಟ್ಟು 369 ರನ್ ಗಳಿಸಿದರು.

ನಮನ್ ಧೀರ್ (ಮುಂಬೈ ಇಂಡಿಯನ್ಸ್)

ಕಳೆದ ವರ್ಷದ ಮೆಗಾ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್ ನಮಧೀರ್ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿದೆ. ಹಾಗೂ ಮೆಗಾ ಹರಾಜಿನಲ್ಲಿ ಆರ್‌ಟಿಎಂ (ರೈಟ್ ಟು ಮ್ಯಾಚ್) ಕಾರ್ಡ್ ಬಳಸಿ ತಮ್ಮ ತಂಡದಲ್ಲಿ ಉಳಿಸಿಕೊಂಡಿದೆ. ಪಂಜಾಬ್ ಮೂಲದ ಅವರು, 16 ಪಂದ್ಯಗಳ 12 ಇನ್ನಿಂಗ್ಸ್‌ಗಳಲ್ಲಿ 182.60 ಸ್ಟ್ರೈಕ್ ರೇಟ್‌ನೊಂದಿಗೆ 252 ರನ್ ಗಳಿಸಿದ್ದಾರೆ.

ಶಶಾಂಕ್ ಸಿಂಗ್ (ಪಂಜಾಬ್ ಕಿಂಗ್ಸ್)

ಮೆಗಾ ಹರಾಜಿಗೂ ಮುನ್ನ ಪಿಬಿಕೆಎಸ್ ಉಳಿಸಿಕೊಂಡ ಇಬ್ಬರು ಆಟಗಾರರಲ್ಲಿ ಶಶಾಂಕ್ ಕೂಡ ಒಬ್ಬರು, ಮತ್ತು ಬಲಗೈ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ 17 ಪಂದ್ಯಗಳಲ್ಲಿ 350 ರನ್ ಗಳಿಸುವ ಮೂಲಕ ತಮ್ಮ ಮೇಲಿನ ನಂಬಿಕೆಯನ್ನು ಉಳಿಸಿಕೊಂಡಿದ್ದಾರೆ. ಐಪಿಎಲ್ 2025 ರ ಫೈನಲ್‌ನಲ್ಲಿ ಆರ್‌ಸಿಬಿ ವಿರುದ್ಧ ಅವರು 61 ರನ್‌ಗಳೊಂದಿಗೆ ಅಜೇಯರಾಗಿ ಉಳಿದರು. ಆದ್ರೆ, ಪಂದ್ಯ ಗೆಲ್ಲಿಸಲು ಸಾಧ್ಯವಾಗಲಿಲ್ಲ.

ವಿಪ್ರಜ್ ನಿಗಮ್ (ದೆಹಲಿ ಕ್ಯಾಪಿಟಲ್ಸ್)

ಡೆಲ್ಲಿ ಕ್ಯಾಪಿಟಲ್ಸ್ ಪರ ತಮ್ಮ ಮೊದಲ ಐಪಿಎಲ್ ಋತುವಿನಲ್ಲಿ 20 ವರ್ಷದ ವಿಪ್ರಜ್ ನಿಗಮ್ 142 ರನ್ ಗಳಿಸಿದರು ಮತ್ತು 11 ವಿಕೆಟ್‌ಗಳನ್ನು ಕಬಳಿಸಿದರು. ಇದರಲ್ಲಿ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾರಂತಹ ದಿಗ್ಗಜರ ವಿಕೆಟ್‌ಗಳು ಕೂಡ ಸೇರಿವೆ. ಉತ್ತರ ಪ್ರದೇಶದ ಕ್ರಿಕೆಟಿಗ ಈ ಋತುವನ್ನು 9.12 ರ ಬೌಲಿಂಗ್ ಎಕಾನಮಿ ಮತ್ತು 179.74 ರ ಬ್ಯಾಟಿಂಗ್ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ.

ದಿಗ್ವೇಶ್ ರಥಿ (ಲಖನೌ ಸೂಪರ್ ಜೈಂಟ್ಸ್)

ದಿಗ್ವೇಶ್ ರಥಿ 2025 ರ ಐಪಿಎಲ್‌ನಲ್ಲಿ ರಿಷಭ್ ಪಂತ್ ನೇತೃತ್ವದ ಲಕ್ನೋ ಸೂಪರ್ ಜೈಂಟ್ಸ್ ಪರ 13 ಪಂದ್ಯಗಳನ್ನು ಆಡಿದರು ಮತ್ತು 14 ವಿಕೆಟ್‌ಗಳನ್ನು ಪಡೆದರು. ಅವರು ಋತುವಿನಲ್ಲಿ ಎಲ್‌ಎಸ್‌ಜಿ ಪರ ಅತ್ಯಂತ ಸ್ಥಿರ ಬೌಲರ್ ಆಗಿದ್ದರು ಮತ್ತು ವಿಕೆಟ್ ಪಡೆದ ನಂತರ ತಮ್ಮ ವಿಭಿನ್ನ ಸಂಭ್ರಮಾಚರಣೆಯ ಮೂಲಕ ಸುದ್ದಿಯಾದರು.

ಸುಯಾಶ್ ಶರ್ಮಾ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು)

ಐಪಿಎಲ್ 2025 ರಲ್ಲಿ ಸುಯಾಶ್ ಶರ್ಮಾ ಆರ್‌ಸಿಬಿ ತಂಡದ ಸ್ಪೆಷಲಿಸ್ಟ್ ಸ್ಪಿನ್ನರ್ ಆಗಿದ್ದರು ಮತ್ತು ಕ್ವಾಲಿಫೈಯರ್ 1 ಆರ್‌ಸಿಬಿ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಸುಯಾಶ್ 14 ಪಂದ್ಯಗಳಲ್ಲಿ 8 ವಿಕೆಟ್‌ಗಳೊಂದಿಗೆ ಋತುವನ್ನು ಮುಗಿಸಿದರು ಆದರೆ ಪಿಬಿಕೆಎಸ್ ವಿರುದ್ಧ ನಡೆದ ಎರಡು ಪಂದ್ಯಗಳಲ್ಲಿ ಬಹಳ ಪ್ರಭಾವಶಾಲಿಯಾಗಿದ್ದರು.

ಅಶ್ವನಿ ಕುಮಾರ್ (ಮುಂಬೈ ಇಂಡಿಯನ್ಸ್)

ಮಾರ್ಚ್ 31 ರಂದು ಕೋಲ್ಕತ್ತಾದಲ್ಲಿ ಕೆಕೆಆರ್ ವಿರುದ್ಧ ಎಂಐ ಪರ ಅಶ್ವನಿ ಕುಮಾರ್ ಐಪಿಎಲ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ಮೂರು ಓವರ್‌ಗಳಲ್ಲಿ 24 ರನ್‌ಗಳಿಗೆ 4 ವಿಕೆಟ್‌ಗಳನ್ನು ಪಡೆದರು. ಐಪಿಎಲ್ ಚೊಚ್ಚಲ ಪಂದ್ಯದಲ್ಲಿ ಅವರು 4/24 ರನ್ ಗಳಿಸಿದ 4 ಭಾರತೀಯ ಬೌಲರ್‌ಗೆ ಅತ್ಯುತ್ತಮ ಪ್ರದರ್ಶನ ನೀಡಿದರು. ಮಾತ್ರವಲ್ಲ, ಅಂತಿಮವಾಗಿ, ಹಾರ್ದಿಕ್ ಪಾಂಡ್ಯ ನಾಯಕತ್ವದ ಮುಂಬೈ ಪರ 7 ಪಂದ್ಯಗಳಲ್ಲಿ 11 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ವೈಭವ್ ಅರೋರಾ (ಕೋಲ್ಕತ್ತಾ ನೈಟ್ ರೈಡರ್ಸ್)

ವೈಭವ್ ಐಪಿಎಲ್ 2025 ರಲ್ಲಿ ಕೆಕೆಆರ್ ಪರ 12 ಪಂದ್ಯಗಳನ್ನು ಆಡಿದ್ದು 17 ವಿಕೆಟ್ ಪಡೆದಿದ್ದಾರೆ. ಅವರು 2024 ರಲ್ಲಿ ಚಾಂಪಿಯನ್ ಆಗಿದ್ದ ಕೆಕೆಆರ್ ಪರ ಯಶಸ್ವಿ ಬೌಲರ್ ಆಗಿದ್ದರು. ಮತ್ತು ರಾಷ್ಟ್ರೀಯ ತಂಡದಲ್ಲಿ ಆಡದ ಆಟಗಾರರಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದವರಾಗಿದ್ದರು.

ಇವರ ಜೊತೆಗೆ 17 ವರ್ಷದ ಆಯುಷ್ ಮ್ಹಾತ್ರೆ, ದೆಹಲಿಯ ರಣಜಿ ಟ್ರೋಫಿ ನಾಯಕ ಆಯುಷ್ ಬದೋನಿ, ಮಧ್ಯಮ ವೇಗಿ ಯಶ್ ದಯಾಳ್, ಸ್ಪಿನ್-ಬೌಲಿಂಗ್ ಆಲ್‌ರೌಂಡರ್ ಹರ್‌ಪ್ರೀತ್ ಬ್ರಾರ್, ಅನಿಕೇತ್ ವರ್ಮಾ, ವಿಘ್ನೇಶ್ ಪುತೂರ್, ಅಭಿಷೇಕ್ ಪೊರೆಲ್ ಮತ್ತು ಜೀಶನ್ ಅನ್ಸಾರಿ ಐಪಿಎಲ್ 2025 ರಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ.