Kukke Subramanya: ಬೆಳ್ಳಿ ಗೆಜ್ಜೆಯಲ್ಲಿ ಮಿಂಚಿದ ಕುಕ್ಕೆಯ ಯಶಸ್ವಿ! | Kukke Subramanya Elephant wears Silver Ankle Chain gifted from devotees

ಇಷ್ಟೊಂದು ಪ್ರಮುಖವಾಗಿರುವ ಆನೆಗೆ ಹಲವು ಭಕ್ತರು ಒಂದಲ್ಲ ಒಂದು ಉಡುಗೊರೆಯನ್ನು ಕೊಟ್ಟು ಹೋಗುತ್ತಾರೆ. ಜಾತ್ರೋತ್ಸವದ ಸಂದರ್ಭದಲ್ಲಿ ಯಶಸ್ವಿ ತನ್ನ ಹಣೆ ಮೇಲೆ ಹಾಕುವ ಹಣೆಪಟ್ಟಿ ಸೇರಿದಂತೆ ಹಲವು ಉಡುಗೊರೆಗಳು ಈ ಆನೆ ಬಳಿ ಇವೆ. ಈ ನಡುವೆ ಭಕ್ತರೊಬ್ಬರು ಯಶಸ್ವಿಗೆ ಬೆಳ್ಳಿಯ ಗೆಜ್ಜೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಇದನ್ನೂ ಓದಿ: Mysuru: ಮೈಸೂರು- ಬೆಂಗಳೂರು ನಡುವಿನ ಎಕ್ಸ್‌ಪ್ರೆಸ್‌ ಬಸ್‌ಗಳಿಗೂ ಡಿಜಿಟಲ್‌ ಸೇವೆ ವಿಸ್ತರಣೆ

ಬೆಳಗಾವಿ ಮೂಲದ ಅಂಬರೀಶ್ ಮತ್ತು ಸ್ನೇಹಿತರು ಈ ಗೆಜ್ಜೆಯನ್ನು ಯಶಸ್ವಿಗೆ ಕೊಡುಗೆಯಾಗಿ ಕೊಟ್ಟಿದ್ದಾರೆ. ಸುಮಾರು ಒಂದು ಕೆಜಿಗೂ ಹೆಚ್ಚಿನ ಬೆಳ್ಳಿಯನ್ನು ಬಳಸಿ ಈ ಗೆಜ್ಜೆ ತಯಾರಿಸಲಾಗಿದೆ. ಗೆಜ್ಜೆಯಲ್ಲಿ ಕುಸುರಿ ಕೆಲಸವನ್ನೂ ಮಾಡಲಾಗಿದ್ದು, ಒಂದೊಂದು ಕಾಲಿಗೂ ತಲಾ ಅರ್ಧ ಕೆಜಿ ಬೆಳ್ಳಿಯನ್ನು ಬಳಸಲಾಗಿದೆ.

ಎರಡೂ ಕಾಲಿಗೆ ಈ ಗೆಜ್ಜೆಯನ್ನು ಹಾಕಲಾಗಿದೆ. ಕಾಲನ್ನು ಯಶಸ್ವಿ ಭಕ್ತರ ಮುಂದೆ ಎತ್ತಿ ತೋರಿಸೋದು ಇದೀಗ ಸಾಮಾನ್ಯವಾಗಿದೆ. ಕಾಲನ್ನು ಅಲುಗಾಡಿಸುತ್ತಾ, ಎತ್ತಿ ತೋರಿಸುವ ಯಶಸ್ವಿಯ ಗೆಜ್ಜೆ ನೋಡಿ ಭಕ್ತರೂ ಫುಲ್ ಖುಷಿ ಪಡುತ್ತಿದ್ದಾರೆ.