India vs England: ಮೊದಲ ಪಂದ್ಯ ಸೋತ ಬೆನ್ನಲ್ಲೆ ಸ್ಟಾರ್ ಬೌಲರ್‌ಗೆ ಟೀಂ ಇಂಡಿಯಾದಿಂದ ಗೇಟ್ ಪಾಸ್! ಆತ ಮಾಡಿದ ತಪ್ಪಾದ್ರು ಏನು? | Why Was Harshit Rana Dropped from Team India after defeat the match against England

ಟೀಂ ಇಂಡಿಯಾ ಇಂಗ್ಲೆಂಡ್ ಹೋದಮೇಲೆ ಕರಸಿಕೊಂಡು ಹಾಗೇ ವಾಪಾಸ್ 

ಹೌದು, ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧದ 5 ಪಂದ್ಯಗಳ ಟೆಸ್ಟ್ ಸರಣಿಗೆ ಆರಂಭದಲ್ಲಿ 18 ಜನ ಆಟಗಾರರ ತಂಡವನ್ನು ಆಯ್ಕೆ ಮಾಡಿ ಇಂಗ್ಲೆಂಡ್‌ಗೆ ಕಳಿಸಲಾಗಿತ್ತು. ಇದಾದ ಬಳಿಕ ಇನ್ನೇನು ಮೊದಲ ಪಂದ್ಯ ಆರಂಭವಾಗಬೇಕು ಎನ್ನುವಷ್ಟರಲ್ಲಿ, ಐಪಿಎಲ್‌ನಲ್ಲಿ ಕೊಲ್ಕತಾ ನೈಟ್ ರೈಡರ್ಸ್ ತಂಡದ ಪರ ಆಡಿದ್ದ ಹರ್ಷಿತ್ ರಾಣಾ ಅವರನ್ನು ತಂಡಕ್ಕೆ ಆಯ್ಕೆ ಮಾಡಲಾಯಿತು. ಆದ್ರೆ, ಈಗ ಅವರನ್ನು ಯಾವುದೇ ಪಂದ್ಯ ಆಡಿಸದೆ ತಂಡದಿಂದ ಹೊರಹಾಕಲಾಗಿದೆ.

ಹೌದು, ಮೊದಲ ಟೆಸ್ಟ್ ಪಂದ್ಯದ ಸೋಲಿನಲ್ಲಿ ಅವರ ಪಾತ್ರ ಏನು ಇಲ್ಲ. ಹಾಗಿದ್ರೂ ಕೂಡ ಅವರನ್ನು ತಂಡದಿಂದ ಕೈಬಿಡಲು ಅಸಲಿ ಕಾರಣ ಏನು ಎಂಬುದನ್ನು ಟೀಂ ಇಂಡಿಯಾ ಮ್ಯಾನೇಜ್‌ಮೆಂಟ್ ಆಗಲಿ, ಆಯ್ಕೆ ಸಮಿತಿ ಆಗಲಿ ಯಾವುದೇ ಮಾಹಿತಿ ನೀಡಿಲ್ಲ. ಆದ್ರೆ, ಕ್ರಿಕೆಟ್ ಅಭಿಮಾನಿಗಳು ಮಾತ್ರ ಇದು ಸ್ಟಾರ್ ಬೌಲರ್‌ಗೆ ಮಾಡಿದ ಅಪಮಾನ ಎಂದು ತಂಡದ ಮ್ಯಾನೆಜ್‌ಮೆಂಟ್ ವಿರುದ್ಧ ಕಿಡಿಕಾರುತ್ತಿದ್ದಾರೆ.

ಅಭಿಮಾನಿಗಳ ಆಕ್ರೋಶ

ಅವರನ್ನು ಹೀಗೆ ವಿನಾಕಾರಣ ತಂಡಕ್ಕೆ ಸೇರಿಸಿಕೊಂಡು ಕೈಬಿಡುವುದಾದ್ರೆ ಅವರನ್ನು ಯಾವ ಕಾರಣಕ್ಕೆ ಆಯ್ಕೆ ಮಾಡಬೇಕಿತ್ತು ಎಂದು ಪ್ರಶ್ನಿಸುತ್ತಿದ್ದಾರೆ. ಹೆಡಿಂಗ್ಲಿಯಲ್ಲಿಯ ಲೀಡ್ಸ್‌ ಸೋಲಿನ ಬಳಿಕ ಟೀಂ ಇಂಡಿಯಾಗೆ ಬುಮ್ರಾ ಅವರಿಗೆ ಸಾಥ್ ನೀಡಬಲ್ಲ ಅನುಭವಿ ವೇಗಿಯನ್ನು ಕರೆತರುವ ನಿರ್ಧಾರ ಏನಾದ್ರು ಟೀಂ ಮ್ಯಾನೆಜ್‌ಮೆಂಟ್ ಕಡೆಯಿಂದ ನಡೆಯುತ್ತಿದೆಯಾ ಎಂಬ ಪ್ರಶ್ನೆಗಳು ಉಂಟಾಗಿದೆ.

ಮೊಹಮ್ಮದ್ ಶಮಿ ಫಿಟ್ ಆದ್ರಾ?

ಸದ್ಯ, ಗಾಯಗೊಂಡಿದ್ದ ಹಿರಿಯ ಅನುಭವಿ ವೇಗಿ ಮೊಹಮ್ಮದ್ ಶಮಿ ಬಹುತೇಕ ಚೇತರಿಸಿಕೊಂಡಿದ್ದಾರೆ. ಅವರು ಫಿಟ್ ಆಗಿದ್ದು, ಅವರನ್ನೇ ತಂಡಕ್ಕೆ ಸೇರ್ಪಡೆ ಮಾಡಿಕೊಳ್ಳುವ ಸಾಧ್ಯತೆಗಳು ಇದೆಯಾ? ಎಂಬುದನ್ನು ಕಾದುನೋಡಬೇಕಿದೆ. ಒಂದುವೇಳೆ ಅವರು ಸಂಪೂರ್ಣ ಫಿಟ್ ಆಗಿದ್ದು, ಅವರನ್ನೇ ರಾಣಾ ಬದಲು ಆಯ್ಕೆ ಮಾಡಿದ್ರೆ, ಮುಂದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಪರ ಆಡುವುದು ನಿಶ್ಚಿತ.