Achievement: ತಮಿಳುನಾಡಲ್ಲಿ ತುಳುನಾಡ ʼಪೊಣ್ʼ ಗಳ ಜಯಭೇರಿ, ಪಡುಮಲೆಯಲ್ಲಿ ಹಬ್ಬದ ವಾತಾವರಣ! | ದಕ್ಷಿಣ ಕನ್ನಡ

ಈಶ ಗ್ರಾಮ ಉತ್ಸವದ ಅಂಗವಾಗಿ ತಮಿಳುನಾಡಿನ ಕೊಯಮುತ್ತೂರಿನಲ್ಲಿ ನಡೆದ ರಾಷ್ಟ್ರ ಮಟ್ಟದ ತ್ರೋಬಾಲ್  ಪಂದ್ಯಾಟದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ತಾಲೂಕಿನ ಬಡಗನ್ನೂರು ಗ್ರಾಮವನ್ನು ಪ್ರತಿನಿಧಿಸಿ ಪ್ರಥಮ ಸ್ಥಾನ ಪಡೆದ ತಂಡಕ್ಕೆ ಸಾರ್ವಜನಿಕ ಗೌರವ ಸಲ್ಲಿಸಲಾಗಿತ್ತು. ಗೆದ್ದ ತಂಡಕ್ಕೆ ಈಶ ಫೌಂಡೇಶನ್ ವತಿಯಿಂದ 5 ಲಕ್ಷ ರೂಪಾಯಿಗಳ ಬಹುಮಾನ ಗೆದ್ದ  ಶಾಸ್ತಾರ ಪಡುಮಲೆ ಮಹಿಳಾ ತಂಡವನ್ನು  ಊರಿನ ಜನ ಅದ್ದೂರಿ ಮೆರವಣಿಗೆಯೊಂದಿಗೆ ಗೌರವ ಸಮರ್ಪಿಸಿದರು.

ಮಾಣಿ ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಕೌಡಿಚಾರ್ ಜಂಕ್ಷನ್‌ನಿಂದ ಎರಡು ತೆರೆದ ಜೀಪುಗಳಲ್ಲಿ ಕ್ರೀಡಾಳುಗಳನ್ನು ವಾಹನಗಳ ಮೆರವಣಿಗೆಯ ಮೂಲಕ ಸುಮಾರು  5 ಕಿಲೋಮೀಟರ್ ದೂರದ ಪಟ್ಟೆ ವಿದ್ಯಾಸಂಸ್ಥೆ ತನಕ ಕರೆತರಲಾಯಿತು. ಸಂಸ್ಥೆಯ ಆವರಣದಲ್ಲಿ ನಡೆದ ಸಮಾರಂಭದಲ್ಲಿ ಬಹುಮಾನ ಗೆದ್ದ ತಂಡದ ಎಲ್ಲಾ ಸದಸ್ಯರನ್ನು ಸನ್ಮಾನಿಸಿ ಗೌರವಿಸಲಾಯಿತು.