Achievement: ವೇಗದ ಡ್ರೋನ್‌ ತಯಾರಿಸಿ ವಿಶ್ವ ದಾಖಲೆ ಬರೆದ ಕುಡ್ಲದ ಬಾಲಕ! ಆರನೇ ತರಗತಿ ಹುಡುಗನ ಅಪ್ರತಿಮ ಸಾಧನೆ | Mangaluru Eshan Palthadi unveils 150 kmph drone record | ದಕ್ಷಿಣ ಕನ್ನಡ

ಮಂಗಳೂರಿನ‌ ಎಂಆರ್‌ಪಿಎಲ್‌ನ ಉದ್ಯೋಗಿಯಾಗಿರುವ ವಿಕ್ರಮ ಆಚಾರ್ಯ ಪಾಲ್ತಾಡಿ ಹಾಗೂ ಸುಷ್ಪಾ ದಂಪತಿಗಳ ಪುತ್ರ ಈಶಾನ್, ಬಾಲ್ಯದಿಂದಲೇ ಅವಿಷ್ಕರಣೆ ಮಾಡೋ ಉತ್ಸಾಹ ಹೊಂದಿದ್ದ. ಮನೆಯಲ್ಲಿದ್ದ ಆಟಿಕೆ ವಸ್ತುಗಳನ್ನು ಬಿಚ್ಚಿ ಜೋಡಿಸೋದು, ಮೊಬೈಲ್, ರಿಮೋಟ್‌ಗಳನ್ನು ಜೋಡಿಸೋ ಕಾರ್ಯ ಮಾಡುತ್ತಿದ್ದ. ಡ್ರೋನ್ ಬಗ್ಗೆ ಅತೀವ ಆಸಕ್ತಿ ಹೊಂದಿದ್ದ. ಇದೀಗ ಗೂಗಲ್‌ ಸಹಾಯದಿಂದ ತನ್ನದೇ ವಿಶೇಷ ಪರಿಕಲ್ಪನೆಯಡಿಯಲ್ಲಿ  ಈಶಾನ್ ಡ್ರೋನ್ ತಯಾರು ಮಾಡಿದ್ದಾನೆ.

ಈ ಡ್ರೋನ್‌ಗಾಗಿ ವಿದೇಶದಿಂದಲೂ ಬಿಡಿಭಾಗಗಳನ್ನು ತರಿಸಲಾಗಿದೆ. ಕಂಪ್ಯೂಟರ್ ಸಹಾಯದಿಂದ  FPV ಡ್ರೋನ್ ಸಿದ್ಧಪಡಿಸಿದ್ದಾನೆ ಈಶಾನ್ ಪಾಲ್ತಾಡಿ. ಈಶಾನ್ ತಯಾರಿಸಿದ ಡ್ರೋನ್ ಗಂಟೆಗೆ 150 ಕಿ.ಮೀ. ವೇಗದಲ್ಲಿ ಹಾರಬಲ್ಲದು. ಬೈಕ್ ರೇಸ್, ಡ್ರೋನ್ ರೇಸ್‌ಗೂ ಈ ಡ್ರೋನ್ ಅನ್ನು‌ ಬಳಸಬಹುದು. ಈ ಡ್ರೋನ್‌ನ ವೇಗವನ್ನು ಗಮನಿಸಲು ಮೂರು ಕಿ.ಮೀ. ದೂರದವರೆಗೂ ಡ್ರೋನ್ ಚಲನೆ ಗಮನಿಸುವ ಗಾಗಲ್ ಅನ್ನು ಈಶಾನ್ ತಯಾರಿಸಿರೋದು ವಿಶೇಷ.

ಈಶಾನ್ ಈ ಸಾಧನೆ ಸೆಪ್ಟೆಂಬರ್ 8, 2025ರಂದು ಇಶಾನ್ ಸಾಧನೆ ಇಂಟರ್ ನ್ಯಾಷನಲ್ ಬುಕ್ ಆಫ್ ರೆಕಾರ್ಡ್‌ಗೆ ಅಧಿಕೃತವಾಗಿ ದಾಖಲಾಗಿದೆ. ಸೆಪ್ಟೆಂಬರ್ 19ರಂದು International Book Of Record ಮೂಲಕ “ಸೂಪರ್ ಟ್ಯಾಲೆಂಟೆಡ್ ಕಿಡ್” ಮತ್ತು “ವನ್ ಇನ್ ಮಿಲಿಯನ್” ಎಂಬ ಗೌರವವನ್ನು ಈಶಾನ್  ಪಡೆದಿದ್ದಾರೆ. ತನ್ನೂರಿನ ಸರ್ಕಾರಿ ಶಾಲಾ ವಿದ್ಯಾರ್ಥಿಗಳಿಗೂ ಕಲಿಸಿಕೊಡಬೇಕು, ಮುಂದಿನ ದಿನಗಳಲ್ಲಿ ದೇಶದ ಸೈನ್ಯಕ್ಕೆ ಸಹಾಯವಾಗುವಂಥ ಡ್ರೋನ್ ನಿರ್ಮಿಸಬೇಕು ಎಂಬ ಹಂಬಲವನ್ನು ಈಶಾನ್ ಹೊಂದಿದ್ದಾನೆ.