Asia Cup: ಅಬ್ಬರಿಸಿ ಬೊಬ್ಬಿರಿದ ಪ್ರೆಸಿಡೆಂಟ್ ನಬಿ, ಒಂದೇ ಒವರ್​ನಲ್ಲಿ ಪಂದ್ಯದ ಗತಿಯೇ ಚೇಂಜ್: ಶ್ರೀಲಂಕಾಗೆ 170ರನ್​​ಗಳ ಕಠಿಣ ಗುರಿ | Mohammad Nabi’s Blistering 60 Powers Afghanistan to 170-Run Target Against Sri Lanka | ಕ್ರೀಡೆ

ಅಫ್ಘಾನ್ ತಂಡ 40 ರನ್​ಗಳಾಗುವಷ್ಟರಲ್ಲಿ ರಹ್ಮಾನುಲ್ಲಾ ಗುರ್ಬಜ್ (14) ಕರಿಮ್ ಜನತ್ (1), ಸೆದಿಕುಲ್ಲಾ ಅಟಲ್ (18) ವಿಕೆಟ್ ಕಳೆದುಕೊಂಡಿತು. ಆ ನಂತರ ಜೊತೆಯಾದ ಇಬ್ರಾಹಿಂ ಜದ್ರಾನ್ ಹಾಗೂ ದರ್ವೀಸ್ ರಸೂಲಿ ರನ್​ಗಳಿಸಲು ಎಣಗಾಡಿದರು. ಇವರಿಬ್ಬರು 34 ಎಸೆತಗಳಲ್ಲಿ ಕೇವಲ24 ರನ್​ಗಳಿಸಿದರು. ರಸೂಲಿ 16 ಎಸೆತಗಳಲ್ಲಿ 9 ರನ್​ಗಳಿಸಿ ಚಮೀರಾ ಬೌಲಿಂಗ್​​ನಲ್ಲಿ ಕುಸಾಲ್ ಪೆರೆರಾ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದರೆ, ಇಬ್ರಾಹಿಂ ಜದ್ರಾನ್ ವೆಲ್ಲಲಗೆ ಬೌಲಿಂಗ್​​ನಲ್ಲಿ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ಚಮೀರಾಗೆ ಕ್ಯಾಚ್ ನೀಡಿ ಔಟ್ ಆದರು. ಜದ್ರಾನ್ 27 ಎಸೆತಗಳನ್ನಾಡಿ ಕೇವಲ 1 ಸಿಕ್ಸರ್ ಸಹಿತ 24 ರನ್​ಗಳಿಸಿದರು. ಆ ನಂತರ 6ನೇ ಕ್ರಮಾಂಕದಲ್ಲಿ ಬಂದ ಒಮರ್ಝಾಯ್ 4 ಎಸೆತಗಳಲ್ಲಿ 6 ರನ್​ ಸಿಡಿಸಿ ಔಟ್ ಆದರು.

ಅಫ್ಘಾನ್ ಒಂದು ಹಂತದಲ್ಲಿ 79ಕ್ಕೆ 6 ವಿಕೆಟ್ ಕಳೆದುಕೊಂಡು ನಿರೀಕ್ಷೆಗೂ ಮೀರಿ ಅಲ್ಪಮೊತ್ತಕ್ಕೆ ಆಲೌಟ್ ಆಗಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಕ್ಯಾಪ್ಟನ್ ರಶೀದ್ ಖಾನ್ 23 ಎಸೆತಗಳಲ್ಲಿ 2 ಬೌಂಡರಿ, 1 ಸಿಕ್ಸರ್ ಸಹಿತ 24,  ಹಾಗೂ ಮೊಹಮ್ಮದ್ ನಬಿ 22 ಎಸೆತಗಳಲ್ಲಿ 6 ಸಿಕ್ಸರ್​ ಹಾಗೂ 3 ಬೌಂಡರಿಗಳ ನೆರವಿನಿಂದ ಅಜೇಯ 60 ರನ್​ಗಳಿಸಿ ತಂಡದ ಮೊತ್ತವನ್ನ 169ಕ್ಕೆ ಏರಿಸಿದರು. ಕೊನೆಯ ಓವರ್​ನಲ್ಲಿ ವೆಲ್ಲಲಗೆ ಬೌಲಿಂಗ್​​ನಲ್ಲಿ ನಬಿ 5 ಸಿಕ್ಸರ್​ಗಳ ಸಹಿತ 32 ರನ್​ ಸೂರೆಗೈದರು.

ಶ್ರೀಲಂಕಾ ಪರ ನುವಾನ್ ತುಷಾರ 18ಕ್ಕೆ 4, ದುಷ್ಮಂತ ಚಮೀರಾ 50ಕ್ಕೆ1, ವೆಲ್ಲಲಗೆ 49ಕ್ಕೆ1,  ದಾಸುನ್ ಶನಕ 29ಕ್ಕೆ1 ವಿಕೆಟ ಪಡೆದರು.

ಶ್ರೀಲಂಕಾ: ಪಾತುಮ್ ನಿಸ್ಸಾಂಕ, ಕುಸಲ್ ಮೆಂಡಿಸ್ (WK), ಕಮಿಲ್ ಮಿಶ್ರಾ, ಕುಸಲ್ ಪೆರೆರಾ, ಚರಿತ್ ಅಸಲಂಕಾ (c), ದಸುನ್ ಶನಕ, ಕಮಿಂದು ಮೆಂಡಿಸ್, ವನಿಂದು ಹಸರಂಗ, ದುನಿತ್ ವೆಲಲಾಗೆ, ದುಷ್ಮಂತ ಚಮೀರ ಮತ್ತು ನುವಾನ್ ತುಷಾರ