Asia Cup: ಏಷ್ಯಾಕಪ್‌ಗೆ 17 ಸದಸ್ಯರನ್ನೊಳಗೊಂಡ ತಂಡ ಪ್ರಕಟಿಸಿದ ಪಾಕಿಸ್ತಾನ; ಬಾಬರ್, ರಿಜ್ವಾನ್‌ಗೆ ಟೀಮ್‌ನಿಂದ ಗೇಟ್‌ಪಾಸ್ | babar azam and mohammad rizwan out of pakista asia cup squad here is the 17 members team list | ಕ್ರೀಡೆ

ಪಾಕಿಸ್ತಾನ ತಂಡದಲ್ಲಿ ಕಾಣಿಸಿಕೊಂಡ ಇತರ ಪ್ರಮುಖ ಆಟಗಾರರೆಂದರೆ ಹ್ಯಾರಿಸ್ ರೌಫ್, ಹಸನ್ ಅಲಿ ಮತ್ತು ಫಹೀಮ್ ಅಶ್ರಫ್, ಸೈಮ್ ಅಯೂಬ್ ಮತ್ತು ಹಸನ್ ನವಾಜ್ ಅವರಂತಹ ಯುವ ತಾರೆಯರು ಕೂಡ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. 2025 ರ ಏಷ್ಯಾಕಪ್ ಸೆಪ್ಟೆಂಬರ್ 9 ರಿಂದ ಸೆಪ್ಟೆಂಬರ್ 28 ರವರೆಗೆ ಯುಎಇಯಲ್ಲಿ ನಡೆಯಲಿದೆ. ಭಾರತ, ಯುಎಇ ಮತ್ತು ಒಮಾನ್ ಜೊತೆಗೆ ಪಾಕಿಸ್ತಾನ ‘ಎ’ ಗುಂಪಿನಲ್ಲಿ ಸ್ಥಾನ ಪಡೆದಿದೆ. ಸೆಪ್ಟೆಂಬರ್ 12 ರಂದು ಓಮನ್ ವಿರುದ್ಧ ಮೊದಲ ಪಂದ್ಯವನ್ನು ಪಾಕಿಸ್ತಾನ ಆಡಲಿದೆ. ಸೆಪ್ಟೆಂಬರ್ 14 ರಂದು ಭಾರತ ಮತ್ತು ಸೆಪ್ಟೆಂಬರ್ 17 ರಂದು ಯುಎಇ ವಿರುದ್ಧ ಆಡಲಿದೆ.

2023 ರ ಏಷ್ಯಾ ಕಪ್ ನಲ್ಲಿ ಪಾಕಿಸ್ತಾನ ಉತ್ತಮ ಪ್ರದರ್ಶನ ನೀಡಲಿಲ್ಲ. ಏಕದಿನ ಮಾದರಿಯಲ್ಲಿ ನಡೆದ ಈ ಪಂದ್ಯಾವಳಿಯಲ್ಲಿ, ಪಾಕಿಸ್ತಾನ ತಂಡವು ಸೂಪರ್-4 ರ ಮೂರು ಪಂದ್ಯಗಳಲ್ಲಿ ಎರಡರಲ್ಲಿ ಸೋತಿದ್ದು, ಫೈನಲ್ ತಲುಪಲು ವಿಫಲವಾಯಿತು. 2022 ರಲ್ಲಿ, ಪಾಕಿಸ್ತಾನ ತಂಡವು ಫೈನಲ್‌ನಲ್ಲಿ ಶ್ರೀಲಂಕಾ ವಿರುದ್ಧ ಸೋತ ನಂತರ ರನ್ನರ್ ಅಪ್ ಸ್ಥಾನ ಪಡೆಯಿತು. ಪಾಕಿಸ್ತಾನ ತಂಡವು ಅಫ್ಘಾನಿಸ್ತಾನ ಮತ್ತು ಯುಎಇ ವಿರುದ್ಧ ಟಿ-20ಐ ತ್ರಿಕೋನ ಸರಣಿಯೊಂದಿಗೆ ಏಷ್ಯಾಕಪ್‌ಗೆ ಸಿದ್ಧವಾಗಲಿದೆ.