ಏಷ್ಯಾ ಕಪ್ 1983ರಲ್ಲಿ ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ACC) ಸ್ಥಾಪನೆಯಾದಾಗ ನಂತರ ಈ ಪಂದ್ಯಾವಳಿ ಆರಂಭವಾಯಿತು. 1984ರಲ್ಲಿ ಯುಎಇನ ಶಾರ್ಜಾದಲ್ಲಿ ನಡೆದ ಮೊದಲ ಆವೃತ್ತಿಯಿಂದ ಈ ಟೂರ್ನಮೆಂಟ್ ಏಷ್ಯಾದ ಕ್ರಿಕೆಟ್ ರಾಷ್ಟ್ರಗಳ ನಡುವಿನ ಸೌಹಾರ್ದತೆಯನ್ನು ಬೆಳೆಸುವ ಗುರಿಯನ್ನು ಹೊಂದಿದೆ. ಇದು ODI ಫಾರ್ಮ್ಯಾಟ್‌ನಲ್ಲಿ 2016ರವರೆಗೆ ನಡೆದಿತು, ಆ ನಂತರ ಇದು ODI ಮತ್ತು T20I ಫಾರ್ಮ್ಯಾಟ್‌ಗಳಲ್ಲಿ ಪರ್ಯಾಯವಾಗಿ ನಡೆಯುತ್ತಿದೆ. 2016 ಮತ್ತು 2022ರಲ್ಲಿ T20I ಫಾರ್ಮ್ಯಾಟ್‌ನಲ್ಲಿ ನಡೆದಿದ್ದು, 2025ರ ಆವೃತ್ತಿಯೂ T20I ಫಾರ್ಮ್ಯಾಟ್‌ನಲ್ಲೇ ಇರಲಿದೆ.
ಏಷ್ಯಾ ಕಪ್‌ನ ಇತಿಹಾಸದಲ್ಲಿ ಕೇವಲ ಮೂರು ತಂಡಗಳು ಮಾತ್ರ ಇಲ್ಲಿಯವೆಗೆ ಚಾಂಪಿಯನ್ ಆಗಿವೆ. ಭಾರತ ತಂಡ 8 ಬಾರಿ ಪ್ರಶಸ್ತಿ ಗೆದ್ದು ಅತ್ಯಂತ ಯಶಸ್ವಿ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಹಿಸಿದೆ.
ಭಾರತ : 8 ಬಾರಿ (1984, 1988, 1990-91, 1995, 2010, 2016, 2018, 2023)
ಶ್ರೀಲಂಕಾ : 6 ಬಾರಿ (1986, 1997, 2004, 2008, 2014, 2022)
ಪಾಕಿಸ್ತಾನ : 2 ಬಾರಿ (2000, 2012)
ಭಾರತವು ಒಟ್ಟು 8 ಪ್ರಶಸ್ತಿಗಳನ್ನ ಗೆದ್ದಿದ್ದು, 7 ODI ಮತ್ತು 1 T20I (2016) ಫಾರ್ಮ್ಯಾಟ್‌ನಲ್ಲಿ ಚಾಂಪಿಯ್ ಆಗಿದೆ. 2023ರ ಆವೃತ್ತಿಯಲ್ಲಿ ಭಾರತವು ಶ್ರೀಲಂಕಾವನ್ನು 10 ವಿಕೆಟ್‌ಗಳಿಂದ ಸೋಲಿಸಿ ಚಾಂಪಿಯನ್ ಆಗಿತ್ತು. ಟಿಮ್ ಇಂಡಿಯಾ ಶ್ರೀಲಂಕಾವನ್ನು ಕೇವಲ 50 ರನ್‌ಗಳಿಗೆ ಆಲೌಟ್ ಮಾಡಿತು.
ಏಷ್ಯಾ ಕಪ್‌ನ ODI ಫಾರ್ಮ್ಯಾಟ್‌ನಲ್ಲಿ ಶ್ರೀಲಂಕಾದ ಸನತ್ ಜಯಸೂರ್ಯ ಅತ್ಯಂತ ಗರಿಷ್ಠ ರನ್‌ಗ ಳಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಅವರು 25 ಪಂದ್ಯಗಳಲ್ಲಿ 1220 ರನ್‌ಗಳನ್ನು ಗಳಿಸಿದ್ದಾರೆ, ಇದರಲ್ಲಿ 6 ಶತಕಗಳು ಮತ್ತು 3 ಅರ್ಧಶತಕಗಳಿವೆ, ಸರಾಸರಿ 53.04. T20I ಫಾರ್ಮ್ಯಾಟ್‌ನಲ್ಲಿ ಭಾರತದ ವಿರಾಟ್ ಕೊಹ್ಲಿ 429 ರನ್‌ಗಳೊಂದಿಗೆ (10 ಪಂದ್ಯಗಳು, 9 ಇನ್ನಿಂಗ್ಸ್) ಮೊದಲ ಸ್ಥಾನದಲ್ಲಿದ್ದಾರೆ. 2022ರ ಆವೃತ್ತಿಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಅವರ ಅಜೇಯ 122 ರನ್‌ಗಳು T20I ಫಾರ್ಮ್ಯಾಟ್‌ನ ಗರಿಷ್ಠ ವೈಯಕ್ತಿಕ ಸ್ಕೋರ್ ಆಗಿದೆ.
ODI ಫಾರ್ಮ್ಯಾಟ್ : ಶ್ರೀಲಂಕಾದ ದಿಗ್ಗಜ ಸ್ಪಿನ್ನರ್ ಮುತ್ತಯ್ಯ ಮುರಳೀಧರನ್ 24 ಪಂದ್ಯಗಳಲ್ಲಿ 30 ವಿಕೆಟ್‌ಗಳೊಂದಿಗೆ ಏಷ್ಯಾ ಕಪ್‌ನ ಇತಿಹಾಸದಲ್ಲಿ ಗರಿಷ್ಠ ವಿಕೆಟ್‌ಗ ಳಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಅವರ ಎಕಾನಮಿ 3.75 ಮತ್ತು ಸರಾಸರಿ 28.83 ಆಗಿದೆ, ಒಂದು 5-ವಿಕೆಟ್ ಗೊಂಚಲು ಪಡೆದಿದ್ದಾರೆ. ಶ್ರೀಲಂಕಾದ ಲಸಿತ್ ಮಾಲಿಂಗ 14 ಪಂದ್ಯಗಳಲ್ಲಿ 29 ವಿಕೆಟ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ, ಇದಲರಲ್ಲಿ 3 ಐದು-ವಿಕೆಟ್ ಗೊಂಚಲಿದೆ. ಶ್ರೀಲಂಕಾದ ಅಜಂತ ಮೆಂಡಿಸ್ 8 ಪಂದ್ಯಗಳಲ್ಲಿ 26 ವಿಕೆಟ್‌ಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ, 2008ರ ಫೈನಲ್‌ನಲ್ಲಿ ಭಾರತ ವಿರುದ್ಧ 6/13 ರನ್ಗಳ ದಾಖಲೆಯೊಂದಿಗೆ.
T20I ಫಾರ್ಮ್ಯಾಟ್ : ಭಾರತದ ಭುವನೇಶ್ವರ್ ಕುಮಾರ್ 6 ಪಂದ್ಯಗಳಲ್ಲಿ 13 ವಿಕೆಟ್‌ಗಳೊಂದಿಗೆ T20I ಫಾರ್ಮ್ಯಾಟ್‌ನಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ, 2022ರಲ್ಲಿ ಅಫ್ಘಾನಿಸ್ತಾನ ವಿರುದ್ಧ 5ರನ್ಗೆ 4 ವಿಕೆಟ್ ಪಡೆದಿರುವುದು ಅತ್ಯುತ್ತಮ ಪ್ರದರ್ಶನವಾಗಿದೆ. ಯುಎಇನ ಅಮ್ಜದ್ ಜಾವೇದ್ 2016ರ ಆವೃತ್ತಿಯಲ್ಲಿ 7 ಪಂದ್ಯಗಳಲ್ಲಿ 12 ವಿಕೆಟ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಯುಎಇನ ಮೊಹಮ್ಮದ್ ನವೀದ್, ಅಫ್ಘಾನಿಸ್ತಾನದ ರಶೀದ್ ಖಾನ್ ಮತ್ತು ಭಾರತದ ಹಾರ್ದಿಕ್ ಪಾಂಡ್ಯ ತಲಾ 11 ವಿಕೆಟ್‌ಗಳೊಂದಿಗೆ ಮೂರನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ.
ಗರಿಷ್ಠ ವೈಯಕ್ತಿಕ ಸ್ಕೋರ್ (ODI): ಭಾರತದ ವಿರಾಟ್ ಕೊಹ್ಲಿ 2010ರಲ್ಲಿ ಬಾಂಗ್ಲಾದೇಶ ವಿರುದ್ಧ 183 ರನ್‌ಗಳನ್ನು ಗಳಿಸಿದ್ದಾರೆ, ಇದು ಏಷ್ಯಾ ಕಪ್ ODI ಫಾರ್ಮ್ಯಾಟ್‌ನ ಗರಿಷ್ಠ ವೈಯಕ್ತಿಕ ಸ್ಕೋರ್.
ಗರಿಷ್ಠ ವೈಯಕ್ತಿಕ ಸ್ಕೋರ್ (T20I): ಟಿ20 ವಿಭಾಗದಲ್ಲೂ ವಿರಾಟ್ ಕೊಹ್ಲಿಯ ( 122) T20I ಫಾರ್ಮ್ಯಾಟ್‌ನ ಗರಿಷ್ಠ ಸ್ಕೋರರ್ ಆಗಿದ್ದಾರೆ. 2022ರಲ್ಲಿ, ಅಫ್ಘಾನಿಸ್ತಾನ ವಿರುದ್ಧ 122ರನ್ಗಳಿಸಿದ್ದರು. ಇದು ಅವರ ಅಂತಾರಾಷ್ಟ್ರೀಯ ಟಿ20 ಮಾದರಿಯಲ್ಲಿ ಏಕೈಕ ಶತಕವಾಗಿದೆ.
ಅತ್ಯುತ್ತಮ ಬೌಲಿಂಗ್ (ODI): ಶ್ರೀಲಂಕಾದ ಅಜಂತ ಮೆಂಡಿಸ್ 2008ರ ಫೈನಲ್‌ನಲ್ಲಿ ಭಾರತ ವಿರುದ್ಧ 6/13 ರನ್ಗಳ ದಾಖಲೆಯೊಂದಿಗೆ ಏಷ್ಯಾ ಕಪ್‌ನ ಇತಿಹಾಸದ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನವನ್ನು ನೀಡಿದ್ದಾರೆ.
ಅತ್ಯುತ್ತಮ ಬೌಲಿಂಗ್ (T20I) : ಭಾರತದ ಭುವನೇಶ್ವರ್ ಕುಮಾರ್ 2022ರಲ್ಲಿ ಅಫ್ಘಾನಿಸ್ತಾನ ವಿರುದ್ಧ 5/4 ರನ್ಗಳ ದಾಖಲೆಯೊಂದಿಗೆ T20I ಫಾರ್ಮ್ಯಾಟ್‌ನ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನವನ್ನು ನೀಡಿದ್ದಾರೆ.
ತಂಡದ ದಾಖಲೆಗಳು
ಗರಿಷ್ಠ ತಂಡದ ಸ್ಕೋರ್ (ODI) : ಪಾಕಿಸ್ತಾನ 2010ರಲ್ಲಿ ಬಾಂಗ್ಲಾದೇಶ ವಿರುದ್ಧ 385/7 ರನ್‌ಗಳನ್ನು ಗಳಿಸಿ ಗರಿಷ್ಠ ರನ್ ದಾಖಲೆ ಹೊಂದಿದೆ.
ಗರಿಷ್ಠ ತಂಡದ ಸ್ಕೋರ್ (T20I) : ಭಾರತ 2022ರಲ್ಲಿ ಅಫ್ಘಾನಿಸ್ತಾನ ವಿರುದ್ಧ 212/2 ರನ್‌ಗಳನ್ನು ಗಳಿಸಿರುವುದು T20I ಫಾರ್ಮ್ಯಾಟ್‌ನ ಏಕೈಕ 200+ ಸ್ಕೋರ್.
ಕಡಿಮೆ ತಂಡದ ಸ್ಕೋರ್ (ODI): ಶ್ರೀಲಂಕಾ 2023ರ ಫೈನಲ್‌ನಲ್ಲಿ ಭಾರತ ವಿರುದ್ಧ ಕೇವಲ 50 ರನ್‌ಗಳಿಗೆ ಆಲೌಟ್ ಆಗಿರುವುದು ಏಕದಿನ ಸ್ವರೂಪದಲ್ಲಿ ಕಡಿಮೆ ಸ್ಕೋರ್ ಆಗಿದೆ.
ಕಡಿಮೆ ತಂಡದ ಸ್ಕೋರ್ (T20I) : ಯುಎಇ 2016ರಲ್ಲಿ ಭಾರತ ವಿರುದ್ಧ 81/9 ರನ್‌ಗಳಿಗೆ ಆಲೌಟ್ ಆಗಿದ್ದು ಅತ್ಯಂತ ಕಳಪೆ ದಾಖಲೆಯಾಗಿದೆ.
ಅತಿ ದೊಡ್ಡ ಗೆಲುವು (ODI): ಭಾರತ (1984, ಶ್ರೀಲಂಕಾ ವಿರುದ್ಧ), ಶ್ರೀಲಂಕಾ (2004, ಬಾಂಗ್ಲಾದೇಶ ವಿರುದ್ಧ), ಮತ್ತು ಪಾಕಿಸ್ತಾನ (2008, ಬಾಂಗ್ಲಾದೇಶ ವಿರುದ್ಧ) ತಲಾ 10 ವಿಕೆಟ್‌ಗಳಿಂದ ಗೆದ್ದಿವೆ.
ದೊಡ್ಡ ಗೆಲುವು (T20I): ಪಾಕಿಸ್ತಾನ 2022ರಲ್ಲಿ ಹಾಂಗ್‌ಕಾಂಗ್ ವಿರುದ್ಧ 155 ರನ್‌ಗಳಿಂದ ಗೆದ್ದಿರುವುದು ಅತಿದೊಡ್ಡ ರನ್ಗಳ ಅಂತರದ ಗೆಲುವಾಗಿದೆ.
ಶ್ರೀಲಂಕಾ: ಶ್ರೀಲಂಕಾ ತಂಡವು ಏಷ್ಯಾ ಕಪ್‌ನ ಇತಿಹಾಸದಲ್ಲಿ ಅತಿ ಹೆಚ್ಚು ಗೆಲುವುಗಳ ದಾಖಲೆಯನ್ನು ಹೊಂದಿದೆ. ಒಟ್ಟು 66 ಪಂದ್ಯಗಳನ್ನು (ODI ಮತ್ತು T20I ಒಟ್ಟಿಗೆ) ಆಡಿರುವ ಶ್ರೀಲಂಕಾ, 44 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದೆ. ಇದು ಯಾವುದೇ ತಂಡದ ಅತ್ಯಂತ ಯಶಸ್ವಿ ಪ್ರದರ್ಶನವಾಗಿದೆ
ಶ್ರೀಲಂಕಾ 16 ಆವೃತ್ತಿಗಳಲ್ಲಿ ಭಾಗವಹಿಸಿದ್ದು, 6 ಬಾರಿ (1986, 1997, 2004, 2008, 2014, 2022) ಪ್ರಶಸ್ತಿಯನ್ನು ಗೆದ್ದಿದೆ.
ಭಾರತ: ಭಾರತವು ಎರಡನೇ ಸ್ಥಾನದಲ್ಲಿದ್ದು, 65 ಪಂದ್ಯಗಳಲ್ಲಿ 43 ಗೆಲುವುಗಳನ್ನು ದಾಖಲಿಸಿದೆ. ಭಾರತವು 15 ಆವೃತ್ತಿಗಳಲ್ಲಿ ಆಡಿದ್ದು, 8 ಬಾರಿ (1984, 1988, 1990-91, 1995, 2010, 2016, 2018, 2023) ಚಾಂಪಿಯನ್ ಆಗಿದೆ, ಇದರಲ್ಲಿ 7 ODI ಮತ್ತು 1 T20I ಪ್ರಶಸ್ತಿಗಳಿವೆ.
ಪಾಕಿಸ್ತಾನ: ಪಾಕಿಸ್ತಾನವು 60 ಪಂದ್ಯಗಳಲ್ಲಿ 33 ಗೆಲುವುಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. 15 ಆವೃತ್ತಿಗಳಲ್ಲಿ ಆಡಿರುವ ಪಾಕಿಸ್ತಾನವು 2 ಬಾರಿ (2000, 2012) ಪ್ರಶಸ್ತಿಯನ್ನು ಗೆದ್ದಿದೆ.
ಬಾಂಗ್ಲಾದೇಶ: 55 ಪಂದ್ಯಗಳಲ್ಲಿ 43 ಸೋಲುಗಳನ್ನ ಕಂಡಿದೆ. (ಅತಿ ಹೆಚ್ಚು ಸೋಲುಗಳ ದಾಖಲೆ)
September 09, 2025 3:51 PM IST
Asia Cup: ಏಷ್ಯಾಕಪ್ನಲ್ಲಿ ಹೆಚ್ಚು ಪಂದ್ಯ ಗೆದ್ದ ತಂಡ ಯಾವುದು? ಹೆಚ್ಚು ರನ್ಸ್, ವಿಕೆಟ್ ಸೇರಿ ಆಟಗಾರರ ವೈಯಕ್ತಿಕ ದಾಖಲೆಗಳ ವಿವರ ಇಲ್ಲಿದೆ