Last Updated:
ಭಾರತ-ಪಾಕಿಸ್ತಾನ ಪಂದ್ಯಗಳು ಕ್ರಿಕೆಟ್ ಜಗತ್ತಿನಲ್ಲಿ ಅತ್ಯಂತ ರೋಚಕ ಪಂದ್ಯಗಳಾಗಿವೆ. ಇದೇ ರೀತಿ, ಏಷ್ಯಾ ಕಪ್‌ನ ಈ ಪಂದ್ಯದ ಟಿಕೆಟ್‌ಗಳು ಸಾಮಾನ್ಯವಾಗಿ ಆನ್‌ಲೈನ್ ಮಾರಾಟ ಆರಂಭವಾಗುವ ನಿಮಿಷದಲ್ಲಿ ಮುಂಚಿತವಾಗಿ ಮಾರಾಟವಾಗುತ್ತವೆ. ಆದರೆ, 2025ರ ಏಷ್ಯಾ ಕಪ್‌ನಲ್ಲಿ ಈ ಪಂದ್ಯದ ಟಿಕೆಟ್‌ಗಳು ಇನ್ನೂ ಲಭ್ಯವೇ ಇರುವುದು ಅಭಿಮಾನಿಗಳಲ್ಲಿ ಗೊಂದಲಕ್ಕೆ ಕಾರಣವಾಗಿದೆ.
ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಉತ್ಸಾಹ ಸೃಷ್ಟಿಸುವ ಭಾರತ-ಪಾಕಿಸ್ತಾನ (India vs Pakistan) ಪಂದ್ಯದ ಟಿಕೆಟ್‌ಗಳು ಏಷ್ಯಾ ಕಪ್ 2025ರಲ್ಲಿ (Asia Cup) ಮಾರಾಟವಾಗದಿರುವುದು ಕ್ರಿಕೆಟ್ ಲೋಕದಲ್ಲಿ ಅಚ್ಚರಿಯನ್ನುಂಟು ಮಾಡಿದೆ. ಸೆಪ್ಟೆಂಬರ್ 14ರಂದು ದುಬೈನಲ್ಲಿ (Dubai) ನಡೆಯಲಿರುವ ಈ T20 ಪಂದ್ಯದ ಟಿಕೆಟ್‌ಗಳು ಇನ್ನೂ ಖರೀದಿಗೆ ಲಭ್ಯವಾಗಿವೆ. ಹಿಂದಿನ ಮುಖಾಮುಖಿಯ ವೇಳೆ ಸಾಮಾನ್ಯವಾಗಿ ಕೆಲವೇ ನಿಮಿಷಗಳಲ್ಲಿ ಮಾರಾಟವಾಗುತ್ತಿದ್ದವು. ಆದರೆ ಈ ಬಾರಿ ಇನ್ನು ಕೆಲವೇ ದಿನಗಳಿದ್ದರೂ ಟಿಕೆಟ್ ಸೋಲ್ಡ್ ಔಟ್ ಆಗಿಲ್ಲ. ಕ್ರಿಕೆಟ್ ವರದಿಗಾರರ ಪ್ರಕಾರ, ಈ ಸಮಸ್ಯೆಯ ಹಿಂದೆ ಹಲವು ಕಾರಣಗಳಿವೆ, ಆದರೆ ಮುಖ್ಯವಾಗಿ ದೊಡ್ಡ ಆಟಗಾರರ ಅನುಪಸ್ಥಿತಿ ಮತ್ತು ಇತರ ಅಂಶಗಳು ಕಾರಣವಾಗಿವೆ.
ಭಾರತ-ಪಾಕಿಸ್ತಾನ ಪಂದ್ಯಗಳು ಕ್ರಿಕೆಟ್ ಜಗತ್ತಿನಲ್ಲಿ ಅತ್ಯಂತ ರೋಚಕ ಪಂದ್ಯಗಳಾಗಿವೆ. ಇದೇ ರೀತಿ, ಏಷ್ಯಾ ಕಪ್‌ನ ಈ ಪಂದ್ಯದ ಟಿಕೆಟ್‌ಗಳು ಸಾಮಾನ್ಯವಾಗಿ ಆನ್‌ಲೈನ್ ಮಾರಾಟ ಆರಂಭವಾಗುವ ನಿಮಿಷದಲ್ಲಿ ಮುಂಚಿತವಾಗಿ ಮಾರಾಟವಾಗುತ್ತವೆ. ಆದರೆ, 2025ರ ಏಷ್ಯಾ ಕಪ್‌ನಲ್ಲಿ ಈ ಪಂದ್ಯದ ಟಿಕೆಟ್‌ಗಳು ಇನ್ನೂ ಲಭ್ಯವೇ ಇರುವುದು ಅಭಿಮಾನಿಗಳಲ್ಲಿ ಗೊಂದಲಕ್ಕೆ ಕಾರಣವಾಗಿದೆ. ದುಬೈನ ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿರುವ ಈ ಪಂದ್ಯಕ್ಕೆ ಟಿಕೆಟ್ ಬೆಲೆಗಳು ₹500ರಿಂದ ₹5,000ರವರೆಗೆ ಇವೆ, ಆದರೂ ಮಾರಾಟವು ಕಡಿಮೆಯಾಗಿದೆ.
ಈ ಪಂದ್ಯದಲ್ಲಿ ಭಾರತದ ದಿಗ್ಗಜ ಬ್ಯಾಟ್ಸ್‌ಮನ್‌ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಆಡುವುದಿಲ್ಲ ಎಂಬುದು ಮುಖ್ಯ ಕಾರಣವಾಗಿದೆ. ಇಬ್ಬರೂ ಆಟಗಾರರು T20 ಫಾರ್ಮ್ಯಾಟ್‌ನಿಂದ ನಿವೃತ್ತಿಯಾಗಿದ್ದಾರೆ, ಇದರಿಂದ ಭಾರತ ತಂಡದಲ್ಲಿ ಯುವ ಆಟಗಾರರೇ ಆಡಲಿದ್ದಾರೆ. ಅಭಿಮಾನಿಗಳು ಈ ದಿಗ್ಗಜರನ್ನು ನೋಡಲು ಬಯಸುತ್ತಾರೆ, ಆದರೆ ಅವರ ಅನುಪಸ್ಥಿತಿಯಿಂದ ಉತ್ಸಾಹ ಕಡಿಮೆಯಾಗಿದೆ. ಕೊಹ್ಲಿ ಮತ್ತು ರೋಹಿತ್‌ರಂತಹ ಆಟಗಾರರ ಪ್ರದರ್ಶನವೇ ಈ ಪಂದ್ಯಗಳನ್ನು ರೋಮಾಂಚಕಗೊಳಿಸುತ್ತದೆ, ಆದರೆ ಇದು ಇಲ್ಲದಿರುವುದು ಟಿಕೆಟ್ ಮಾರಾಟಕ್ಕೆ ತೊಡಕು ತಂದಿದೆ.
ಈ ಬಾರಿ ಭಾರತ-ಪಾಕ್ ನಡುವಿನ ಪಂದ್ಯದ ಟಿಕೆಟ್ಗಲು ಮಾರಾಟವಾಗದೇ ಉಳಿಯಲು ಪ್ರಮುಖ ಕಾರಣ ಪ್ಯಾಕೇಜ್ ವ್ಯವಸ್ಥೆ. ಹಿಂದೆ ಅಭಿಮಾನಿಗಳು ಕೇವಲ ಭಾರತ-ಪಾಕಿಸ್ತಾನ ಪಂದ್ಯದ ಟಿಕೆಟ್ ಮಾತ್ರ ಖರೀದಿಸುತ್ತಿದ್ದರು. ಆದರೆ ಈ ಬಾರಿ ಆಯೋಜಕರು 7 ಪಂದ್ಯಗಳ ಟಿಕೆಟ್ ಪ್ಯಾಕೇಜ್ ಘೋಷಿಸಿದ್ದಾರೆ. ಇದು 33,600 ರೂಪಾಯಿಯಿಂದ ಆರಂಭಿಕ ಬೆಲೆಯಿಂದ 3.12 ಲಕ್ಷದವರೆಗೆ ಫಿಕ್ಸ್ ಮಾಡಲಾಗಿದೆ. ಆದರೆ ಅಭಿಮಾನಿಗಳು ಕೇವಲ ಭಾರತ-ಪಾಕ್ ಪಂದ್ಯವನ್ನ ಮಾತ್ರ ನೋಡಲು ಆಸೆ ಪಡುತ್ತಾರೆ. ಹಾಗಾಗಿ ಉಳಿದ 6 ಪಂದ್ಯಗಳಿಗೆ ಹಣ ವಿನಿಯೋಗಿಸಲು ಬಯಸದೆ ಖರೀದಿಗೆ ಆಸಕ್ತಿ ತೋರಿಲ್ಲ.
ಅಲ್ಲದೆ ಭಾರತತೇತರ ಪಂದ್ಯಗಳಿಗೆ ಕೇವಲ 1200 ರೂಪಾಯಿ ಇದೆ. ಈ ಭಾರೀ ಅಂತರ ಅಭಿಮಾನಿಗಳಲ್ಲಿ ಅಸಮಾಧಾನವನ್ನುಂಟು ಮಾಡಿದೆ. ಹಾಗಾಗಿ ನಿಮಿಷದಲ್ಲಿ ಖರೀದಿಯಾಗಬೇಕಿದ್ದ ಟಿಕೆಟ್ ಇನ್ನೂ ಸೋಲ್ಡ್ ಔಟ್ ಆಗದೆ ಉಳಿದುಕೊಂಡಿದೆ.
September 10, 2025 3:38 PM IST
Asia Cup: ನಿಮಿಷದಲ್ಲಿ ಖಾಲಿಯಾಗಬೇಕಿದ್ದ ಭಾರತ-ಪಾಕ್ ಪಂದ್ಯದ ಟಿಕೆಟ್ಸ್ ಇನ್ನೂ ಮಾರಾಟವಾಗಿಲ್ಲವೇಕೆ? ಅತೀ ಬುದ್ದಿವಂತಿಕೆ ತೋರಲು ಹೋಗಿ ಎಸಿಸಿ ಎಡವಟ್ಟು!