Asia Cup: ರಣರೋಚಕ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಬಾಂಗ್ಲಾದೇಶ! ಇಂದೇ ಸೂಪರ್ 4 ಭವಿಷ್ಯ ನಿರ್ಧಾರ | Asia Cup 2025: Bangladesh Elect to Bat First Against Afghanistan in Must-Win Encounter | ಕ್ರೀಡೆ

ಮಂಗಳವಾರ ಏಷ್ಯಾಕಪ್ 2025ರ (Asia Cup) 9ನೇ ಪಂದ್ಯ ಅಫ್ಘಾನಿಸ್ತಾನ ಮತ್ತು ಬಾಂಗ್ಲಾದೇಶ (Afghanistan-vs-Bangladesh) ನಡುವೆ ನಡೆಯುತ್ತಿದ್ದು ಎರಡೂ ತಂಡಗಳು ಅಬುಧಾಬಿಯ ಶೇಖ್ ಜಾಯೆದ್ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗಿವೆ. ಈ ನಿರ್ಣಾಯಕ ಪಂದ್ಯದಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ತಂಡ ಬ್ಯಾಟಿಂಗ್ ಮಾಡಲು ನಿರ್ಧರಿಸಿದೆ. ಗ್ರೂಪ್ ಬಿ ಭಾಗವಾಗಿರುವ ರಶೀದ್ ಖಾನ್ (Rashid Khan) ನೇತೃತ್ವದ ಅಫ್ಘಾನಿಸ್ತಾನ ತಂಡವು ಪಂದ್ಯಾವಳಿಯಲ್ಲಿ ಎರಡನೇ ಬಾರಿಗೆ ಆಡಲಿದ್ದು, ಸೂಪರ್ -4 ಗೆ ಟಿಕೆಟ್ ಪಡೆಯುವ ಗುರಿ ಹೊಂದಿದೆ. ಅಫ್ಘಾನ್ ಮೊದಲ ಪಂದ್ಯದಲ್ಲಿ ಹಾಂಗ್ ಕಾಂಗ್ ಅನ್ನು 94 ರನ್‌ಗಳಿಂದ ಸೋಲಿಸಿತ್ತು. ಅತ್ತ ಲಿಟನ್ ದಾಸ್ ನಾಯಕತ್ವದ ಬಾಂಗ್ಲಾದೇಶ ತಂಡವು ಗುಂಪು ಹಂತದ ತನ್ನ ಮೂರನೇ ಮತ್ತು ಕೊನೆಯ ಪಂದ್ಯವನ್ನು ಆಡಲಿದೆ. ಇಂದು ಬಾಂಗ್ಲಾದೇಶ ಸೋತರೆ, ಅದು ಟೂರ್ನಿಯಿಂದ ಹೊರಗುಳಿಯುತ್ತದೆ. ಎರಡು ಪಂದ್ಯಗಳಲ್ಲಿ ಕೇವಲ ಎರಡು ಅಂಕಗಳನ್ನು ಹೊಂದಿದೆ. ಬಾಂಗ್ಲಾದೇಶ ತನ್ನ ಕೊನೆಯ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ 6 ವಿಕೆಟ್‌ಗಳಿಂದ ಸೋಲು ಕಂಡಿದೆ.