Asia Cup 2025: ಏಷ್ಯಾಕಪ್​​ ಇತಿಹಾಸದಲ್ಲಿ ಈ ಸಾಧನೆ ಮಾಡಿದ ಏಕೈಕ ನಾಯಕ ಧೋನಿ! ಬೇರೆ ದೇಶ ಬಿಡಿ, ಭಾರತದ ಬೇರೆ ನಾಯಕರಿಂದಲೂ ಸಾಧ್ಯವಾಗಿಲ್ಲ! | MS Dhoni s Unmatched Asia Cup Record A Feat No Other Captain Can Match | ಕ್ರೀಡೆ

ಭಾರತವು ಏಷ್ಯಾ ಕಪ್‌ನಲ್ಲಿ 1984ರಿಂದ 2023ರವರೆಗೆ ಒಟ್ಟು 8 ಬಾರಿ ಟೈಟಲ್ ಗೆದ್ದಿದೆ, ಇದು ಟೂರ್ನಮೆಂಟ್‌ನ ಇತಿಹಾಸದಲ್ಲಿ ದಾಖಲೆಯಾಗಿದೆ. ಶ್ರೀಲಂಕಾ 6 ಬಾರಿ ಮತ್ತು ಪಾಕಿಸ್ತಾನ 2 ಬಾರಿ ಗೆದ್ದಿವೆ.

1. 1984 – ಏಕದಿನ ಮಾದರಿಯಲ್ಲಿ ಯುಎಇಯಲ್ಲಿ ನಡೆದ ಉದ್ಘಾಟನಾ ಆವೃತ್ತಿಯಲ್ಲಿ ಸುನಿಲ್ ಗವಾಸ್ಕರ್ ನೇತೃತ್ವದಲ್ಲಿ ಭಾರತ ತಂಡ ಶ್ರೀಲಂಕಾವನ್ನು ಸೋಲಿಸಿ ಚಾಂಪಿಯನ್ ಆಗಿತ್ತು.
2. 1988- ಬಾಂಗ್ಲಾದೇಶದಲ್ಲಿ ನಡೆದ ಪಂದ್ಯದಲ್ಲಿ ದಿಲೀಪ್ ವೆಂಗ್‌ಸರ್ಕಾರ್ ನಾಯಕತ್ವದಲ್ಲಿ ನಡೆದಿದ್ದ ಭಾರತ ಶ್ರೀಲಂಕಾವನ್ನು 6 ವಿಕೆಟ್‌ಗಳಿಂದ ಸೋಲಿಸಿತು.
3. 1990-91- ಭಾರತದಲ್ಲಿ ನಡೆದ ಈ ಆವೃತ್ತಿಯಲ್ಲಿ ಮೊಹಮ್ಮದ್ ಅಜರುದ್ದೀನ್ ನೇತೃತ್ವದಲ್ಲಿ ಭಾರತ ತಂಡ ಶ್ರೀಲಂಕಾವನ್ನು 7 ವಿಕೆಟ್‌ಗಳಿಂದ ಸೋಲಿಸಿತ್ತು.
4. 1995-ಯುಎಇಯಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಮೊಹಮ್ಮದ್ ಅಜರುದ್ದೀನ್ ನೇತೃತ್ವದ ಭಾರತ ತಂಡ ಶ್ರೀಲಂಕಾವನ್ನು 8 ವಿಕೆಟ್‌ಗಳಿಂದ ಸೋಲಿಸಿ ಭಾರತ ಟೈಟಲ್ ಉಳಿಸಿಕೊಂಡಿತು.
5. 2010- ಶ್ರೀಲಂಕಾದಲ್ಲಿ ನಡೆದ ಫೈನಲ್‌ನಲ್ಲಿ ಭಾರತ ಶ್ರೀಲಂಕಾವನ್ನು 81 ರನ್‌ಗಳಿಂದ ಸೋಲಿಸಿತು. ಎಂಎಸ್ ಧೋನಿ ಭಾರತ ತಂಡವನ್ನು ಮುನ್ನಡೆಸಿದ್ದರು.
6. 2016 ಬಾಂಗ್ಲಾದೇಶದಲ್ಲಿ ನಡೆದ T20 ಆವೃತ್ತಿಯಲ್ಲಿ ಧೋನಿ ನೇತೃತ್ವದಲ್ಲಿ ಭಾರತ ಬಾಂಗ್ಲಾದೇಶವನ್ನು 8 ವಿಕೆಟ್‌ಗಳಿಂದ ಸೋಲಿಸಿತ್ತು.
7. 2018- ಯುಎಇಯಲ್ಲಿ ನಡೆದ ಟೂರ್ನಿಯಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ಫೈನಲ್​​ನಲ್ಲಿ ಬಾಂಗ್ಲಾದೇಶವನ್ನು 3 ವಿಕೆಟ್‌ಗಳಿಂದ ಸೋಲಿಸಿತ್ತು.
8. 2023- ಶ್ರೀಲಂಕಾ ಮತ್ತು ಪಾಕಿಸ್ತಾನದಲ್ಲಿ ನಡೆದ ಈ ಆವೃತ್ತಿಯಲ್ಲಿ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ಶ್ರೀಲಂಕಾವನ್ನು 10 ವಿಕೆಟ್‌ಗಳಿಂದ ಸೋಲಿಸಿತು.

ಮಹೇಂದ್ರ ಸಿಂಗ್ ಧೋನಿ ಏಷ್ಯಾ ಕಪ್‌ನ ಏಕದಿನ (2010) ಮತ್ತು T20I (2016) ಎರಡೂ ಸ್ವರೂಪಗಳಲ್ಲಿ ಟೈಟಲ್ ಗೆದ್ದ ಏಕೈಕ ನಾಯಕರಾಗಿದ್ದಾರೆ. ಅವರ ಕೂಲ್​ ಕ್ಯಾಪ್ಟೆನ್ಸಿ ಮತ್ತು ತಂತ್ರಗಾರಿಕೆ ಭಾರತವನ್ನು ಈ ಎರಡು ಆವೃತ್ತಿಗಳಲ್ಲಿ ಯಶಸ್ವಿಯಾಗಿಸಿತು. ಅಜರುದ್ದೀನ್ ಮತ್ತು ರೋಹಿತ್ ಶರ್ಮಾ ಕೂಡ ತಲಾ ಎರಡು ಏಕದಿನ ಟೈಟಲ್‌ಗಳನ್ನು ಗೆದ್ದರೂ, ಧೋನಿಯ ಎರಡು ಸ್ವರೂಪಗಳ ಯಶಸ್ಸು ವಿಶೇಷವಾಗಿದೆ.