ಶುಭ್ಮನ್ ಗಿಲ್ ತಂಡಕ್ಕೆ ಆಯ್ಕೆಯಾದಾಗಿನಿಂದ ಆರಂಭಿಕರಾಗಿ ಯಾರು ಆಡಲಿದ್ದಾರೆ ಎಂಬುದು ಕುತೂಹಲ ಕೆರಳಿಸಿತ್ತು. ಆದರೆ ಈ ಪಂದ್ಯದ ಮೂಲಕ ಗಿಲ್ ಹಾಗೂ ಅಭಿಷೇಕ್ ಶರ್ಮಾ ಓಪನರ್ ಆಗುವುದು ಖಚಿತವಾಗಿದೆ. ಆದರೆ ಸಂಜು ಸ್ಯಾಮ್ಸನ್ಗೆ ಪ್ಲೇಯಿಂಗ್ ಇಲೆವೆನ್ನಲ್ಲಿ ಆಡುವ ಅವಕಾಶ ಸಿಕ್ಕಿರುವುದು ಸಮಾಧಾನಕರ ಸಂಗತಿಯಾಗಿದೆ. ಆದರೆ ಸಂಜು ಕಳೆದ 10 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 3 ಶತಕ ಸಿಡಿಸಿರುವುದರಿಂದ ಅವರಿಗೆ ಆರಂಭಿಕರಾಗಿ ಅವಕಾಶ ಸಿಗಬಹುದೆಂದು ಭಾವಿಸಲಾಗಿತ್ತು.
ಯುಎಇ ಸ್ಪಿನ್ಗೆ ನೆರವು ನೀಡುವುದರಿಂದ ಟೀಮ್ ಇಂಡಿಯಾ ಏಕೈಕ ಸ್ಪೆಷಲಿಸ್ಟ್ ವೇಗಿಯೊಂದಿಗೆ ಕಣಕ್ಕಿಳಿದಿದೆ. ಬುಮ್ರಾ ಜೊತೆಗೆ ಹಾರ್ದಿಕ್ ಪಾಂಡ್ಯ 2ನೇ ವೇಗಿಯಾಗಿ ಆಡಲಿದ್ದಾರೆ. ಯುಎಇ ವಿಕೆಟ್ಗಳು ಸ್ಪಿನ್ಗೆ ನೆರವಾಗುವುದರಿಂದ ಅಕ್ಷರ್ ಪಟೇಲ್, ವರುಣ್ ಚಕ್ರವರ್ತಿ ಹಾಗೂ ಕುಲ್ದೀಪ್ ಯಾದವ್ ಮೂವರು ಅವಕಾಶ ಪಡೆದಿದ್ದಾರೆ.
ಪ್ಲೇಯಿಂಗ್ ಇಲೆವೆನ್ ಗಮನಿಸುವುದಾದರೆ ಆರಂಭಿಕರಾಗಿ ಗಿಲ್, ಅಭಿಷೇಕ್, 3-4ರಲ್ಲಿ ತಿಲಕ್ ಹಾಗೂ ಸೂರ್ಯಕುಮಾರ್ ಆಡಲಿದ್ದಾರೆ. 5ರಲ್ಲಿ ಶಿವಂ ದುಬೆ, 6ರಲ್ಲಿ ಸಂಜು ಸ್ಯಾಮ್ಸನ್ , 7ರಲ್ಲಿ ಹಾರ್ದಿಕ್ ಪಾಂಡ್ಯ, 8ರಲ್ಲಿ ಅಕ್ಷರ್ ಪಟೇಲ್ ಆಡಲಿದ್ದಾರೆ. ಒಂದು ವೇಳೆ ಆರಂಭಿಕ ವಿಕೆಟ್ ಬೇಗ ಬಿದ್ದರೆ ಸಂಜು 3ರಲ್ಲಿ ಆಡಲಿದ್ದಾರೆ.
ಭಾರತ ಮತ್ತು ಯುನೈಟೆಡ್ ನಡುವೆ ಕೇವಲ ಒಂದೇ ಒಂದು ಟಿ20 ಪಂದ್ಯ ನಡೆದಿದೆ. 2016ರ ಏಷ್ಯಾಕಪ್ನಲ್ಲಿ ಎರಡು ತಂಡಗಳು ಮುಖಾಮುಕಿಯಾಗಿದ್ದು, ಯುಎಇ ಕೇವಲ 81 ರನ್ಗಳಿಸಿತ್ತು. ಈ ಗುರಿಯನ್ನ ಟೀಮ್ ಇಂಡಿಯಾ 10.1 ಓವರ್ಗಳಲ್ಲಿ ತಲುಪಿತ್ತು.
ಎರಡು ತಂಡಗಳ ಪ್ಲೇಯಿಂಗ್ ಇಲೆವೆನ್
ಯುನೈಟೆಡ್ ಅರಬ್ ಎಮಿರೇಟ್ಸ್ ಪ್ಲೇಯಿಂಗ್ XI: ಮುಹಮ್ಮದ್ ವಸೀಮ್ (ನಾಯಕ), ಮೊಹಮ್ಮದ್ ಜುಹೈಬ್ ಖಾನ್, ಆಸಿಫ್ ಖಾನ್, ಅಲಿಶನ್ ಶರಾಫು, ರಾಹುಲ್ ಚೋಪ್ರಾ (WK), ಧ್ರುವ ಪರಾಶರ್, ಹೈದರ್ ಅಲಿ, ಮುಹಮ್ಮದ್ ರೋಹಿದ್ ಖಾನ್, ಹರ್ಷಿತ್ ಕೌಶಿಕ್, ಜುನೈದ್ ಸಿದ್ದಿಕ್, ಸಿಮ್ರಂಜೀತ್ ಸಿಂಗ್ ಕಾಂಗ್
ಭಾರತ ಪ್ಲೇಯಿಂಗ್ XI: ಅಭಿಷೇಕ್ ಶರ್ಮಾ, ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್ (ನಾಯಕ), ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್ (ವಿಕೀ), ಶಿವಂ ದುಬೆ, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ವರುಣ್ ಚಕ್ರವರ್ತಿ, ಜಸ್ಪ್ರೀತ್ ಬುಮ್ರಾ
September 10, 2025 7:56 PM IST
Asia Cup: UAE ವಿರುದ್ಧ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಭಾರತ! ಸ್ಯಾಮ್ಸನ್ಗೆ ಹಿಂಬಡ್ತಿ, ಪ್ಲೇಯಿಂಗ್ ಇಲೆವೆನ್ ಹೀಗಿದೆ ನೋಡಿ