Dakshina Kannada: ಅಗ್ನಿಕೇಳಿಯೊಂದಿಗೆ ತೆರೆ ಕಂಡ ಕಟೀಲು ಶ್ರೀ ದುರ್ಗಾಪರಮೇಶ್ವರಿಯ ಜಾತ್ರೋತ್ಸವ! | Dakshina Kannada Kateel Sri Durgaparameshwari festival end

ಇದನ್ನೂ ಓದಿ: Dakshina Kannada: ಹೂವಿನ ರಂಗೋಲಿ ಬಿಡಿಸಿ ದಾಖಲೆ ಬರೆದ ಡಿಗ್ರಿ ವಿದ್ಯಾರ್ಥಿನಿ ಶ್ರದ್ಧಾ ಶೆಟ್ಟಿ!

ದುರ್ಗಾಪರಮೇಶ್ವರಿ ನಂದಿನಿ ನದಿಯಲ್ಲಿ ಅವಭೃತ ಸ್ನಾನ ಮಾಡಿದ ಬಳಿಕ ನದಿದಡದಲ್ಲೇ ಮೊದಲ ಅಗ್ನಿಕೇಳಿಯನ್ನು ಮಾಡಲಾಗುತ್ತದೆ. ದೇವರ ಉತ್ಸವ ಮೂರ್ತಿಯನ್ನು ಹೊತ್ತ ಪಲ್ಲಕ್ಕಿ ದೇವಳದ ಮುಂಭಾಗದ ರಥಬೀದಿಗೆ ಬರುತ್ತಿದ್ದಂತೆಯೇ ಎರಡೂ ಗ್ರಾಮಸ್ಥರು ಎದುರುಬದಿರಾಗಿ ನಿಂತು ಬೆಂಕಿಯ ದೀವಿಟಿಗೆಯನ್ನು ಪರಸ್ಪರೆ ಎಸೆಯುತ್ತಾರೆ. ಇದೊಂದು ಸಾಂಕೇತಿಕ ಹೋರಾಟವಾಗಿದ್ದರೂ ಈ ಸಂದರ್ಭದಲ್ಲಿ ಮಾತ್ರ ಆವೇಶದಿಂದ ನೈಜ ವೈರಿಗಳ ಥರಾ ಹೋರಾಟ ನಡೆಸುತ್ತಾರೆ. ಕೆಲವೊಮ್ಮೆ ಇದು ಅತಿರೇಕಕ್ಕೆ ಹೋಗುವುದೂ ಇದೆ .ಇವರನ್ನು ನಿಯಂತ್ರಿಸಲೆಂದೇ ಗ್ರಾಮದ ಹಿರಿಯರೂ ಇರುತ್ತಾರೆ. ಮೂರು ಬಾರಿ ಈ ರೀತಿ ಬೆಂಕಿ ಎಸೆಯುವಾಗ ಯಾರು ಹಿಂದಕ್ಕೆ ಸರಿಯುತ್ತಾರೋ ಅವರು ಸೋಲುತ್ತಾರೆ. ಹಾಗಾಗಿ ಗೆಲ್ಲುವ ಛಲದಿಂದಲೇ ಹೋರಾಟ ನಡೆಸುತ್ತಾರೆ.

ಬೆಂಕಿಯನ್ನು ಎಸೆಯುವಾಗ ಇವರಲ್ಲಿರುವ ಕೋಪಾವೇಶ ಈ ಆಟ ಮುಗಿದ ಬಳಿಕ ಇರುವುದಿಲ್ಲ. ಎಲ್ಲರೂ ಒಂದಾಗಿ ದೇವರ ದರ್ಶನ ಮಾಡಿ ಜೊತೆಯಾಗಿ ತಮ್ಮ ಗ್ರಾಮಗಳಿಗೆ ತೆರಳುತ್ತಾರೆ. ಈ ಅಗ್ನಿಕೇಳಿಯಲ್ಲಿ ಭಾಗವಹಿಸುವವರು ಎಂಟು ದಿನಗಳ ಶಾಖಾಹಾರಿಯಾಗಿರಬೇಕು. ಒಪ್ಪೊತ್ತಿನ ಊಟ ಮಾಡಿ ವ್ರತಾಚರಣೆಯನ್ನು ಮಾಡಬೇಕು. ದೀವಿಟಿಗೆಯನ್ನು ತಾವೇ ಮನೆಯಿಂದ ತರಬೇಕು ಎಂಬ ನಿಯಮಗಳೂ ಇವೆ. ಈ ಬೆಂಕಿ ಎಸೆಯುವ ಸಂಪ್ರದಾಯ ಅನಾದಿ ಕಾಲದಿಂದಲೂ ನಡೆಯುತ್ತಾ ಬಂದಿದೆ. ಆದರೆ, ಇದುವರೆಗೆ ಯಾರಿಗೂ ಏನೂ ಆಗದಿರುವುದಕ್ಕೆ ಇಲ್ಲಿನ ದೇವಿಯ ಮಹಿಮೆಯೇ ಕಾರಣ ಎಂಬುದು ಎಲ್ಲರ ನಂಬಿಕೆ. ಈ ಆಟದಲ್ಲಿ ಭಾಗವಹಿಸಲೆಂದೇ ದೂರದ ಊರಿನಲ್ಲಿರುವ ಗ್ರಾಮದ ಜನರು ಬಂದು ಸೇರುವುದು ಇಲ್ಲಿನ ಇನ್ನೊಂದು ವಿಶೇಷ.

ಒಟ್ಟಿನಲ್ಲಿ ಕೋಟ್ಯಾಂತರ ಭಕ್ತರ ಹೃದಯ ಮಂದಿರದಲ್ಲಿ ನೆಲೆಯೂರಿರುವ ಕಟೀಲು ದುರ್ಗಾಪರಮೇಶ್ವರಿಯ ಜಾತ್ರಾ ಸಂಭ್ರಮ ಅತೀ ವಿಶೇಷತೆಗಳೊಂದಿಗೆ ತೆರೆ ಕಂಡಿದೆ. ಎರಡು ವರ್ಷ ಕೊರೊನಾ ಕಾರಣದಿಂದ ಜಾತ್ರಾ ಸಂಭ್ರಮವಿಲ್ಲದೇ ನಿರಾಸೆಗೊಂಡಿದ್ದ ಭಕ್ತ ಜನರು ಈ ಬಾರಿ ಭ್ರಮರಾಂಭಿಕೆ ಜಾತ್ರಾ ಸಂಭ್ರಮವನ್ನು ಕಣ್ತುಂಬಿಕೊಂಡಿದ್ದಾರೆ.