Dakshina Kannada: ತುಳುನಾಡಿನ ಸಾಂಪ್ರದಾಯಿಕ ಆಕರ್ಷಣೆ ಕೋಳಿ ಅಂಕ; 1968ರ ಆಮಂತ್ರಣ ಪತ್ರಿಕೆ ವೈರಲ್! | coastal karnataka tulu traditional 1968 Invitation Card Goes Viral on Social Media

ಅಂಕದಲ್ಲಿ ಕಾದಾಡುವ ಕೋಳಿಗಳು ತನ್ನ ಕಾಲಿಗೆ ಕಟ್ಟಿದ ಕತ್ತಿಯ ಮೂಲಕ ಎದುರಾಳಿ ಕೋಳಿಗೆ ಮಟ್ಟಿ ಗಾಯಗೊಳಿಸುತ್ತದೆ. ಅಲ್ಲದೆ ಯಾವ ಕೋಳಿ ಗೆಲ್ಲುತ್ತೆ ಎನ್ನುವ ಲೆಕ್ಕಾಚಾರದಲ್ಲಿ ಜೂಜು ಕೂಡಾ ನಡೆಯುತ್ತೆ. ಆದರೆ ಈ ಕೋಳಿ ಅಂಕಕ್ಕೆ ಇದೀಗ ನಿರ್ಬಂಧವಿದ್ದು, ಕತ್ತಿ ಕಟ್ದದೆ, ಜೂಜು ಮಾಡದೆ ನಡೆಸುವ ಕೋಳಿ ಅಂಕಗಳಿಗೆ ಸಾಂಪ್ರದಾಯಿಕ ನೆಲೆಯಲ್ಲಿ ಇಂದು ಅವಕಾಶಗಳನ್ನು ನೀಡಲಾಗುತ್ತಿದೆ.

ಹಾಗಾದರೆ ನಿರ್ಬಂಧಗಳು ಇಲ್ಲದ ಸಮಯದಲ್ಲಿ ತುಳುನಾಡಿನಲ್ಲಿ ಯಾವ ರೀತಿ ಕೋಳಿ ಅಂಕ ನಡೆಯುತ್ತಿತ್ತು ಎನ್ನುವುದನ್ನು ತಿಳಿಸುವ ಕೋಳಿ ಅಂಕದ ಆಮಂತ್ರಣ ಪತ್ರಿಕೆಯೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಯಾವ ರೀತಿ ಸಭೆ-ಸಮಾರಂಭಗಳಿಗೆ ಆಮಂತ್ರಣ ಪತ್ರಿಕೆಯನ್ನು ಮಾಡಲಾಗುತ್ತದೋ, ಅದೇ ರೀತಿ ಕೋಳಿ ಅಂಕಕ್ಕೂ ಆಮಂತ್ರಣ ಪತ್ರಿಕೆ ಸಿದ್ಧಪಡಿಸಲಾಗುತ್ತಿತ್ತು. ಆಮಂತ್ರಣ ಪತ್ರಿಕೆಯಲ್ಲಿ ಅಂಕ ನಡೆಯುವ ಸ್ಥಳ, ಸಮಯ, ಬಹುಮಾನ ಎಲ್ಲವನ್ನೂ ನಮೂದಿಸಲಾಗುತ್ತಿತ್ತು. ‍1968 ರಲ್ಲಿ ತಯಾರಿಸಲಾದ ಈ ಆಮಂತ್ರಣ ಪತ್ರಿಕೆಯಲ್ಲಿ ಅಂಕದಲ್ಲಿ ಕಾದಾಡುವ ಕೋಳಿಗಳ ವರ್ಣನೆಯ ಜೊತೆಗೆ, ಅಂಕಕ್ಕೆ ಬರುವ, ಅಂಕದಲ್ಲಿ ಕಾರ್ಯ ನಿರ್ವಹಿಸುವ ಎಲ್ಲರನ್ನೂ ಮೆಚ್ಚಿಸುವ ವರ್ಣನೆಯೂ ಅಡಕವಾಗಿದೆ.

ಹಾಗೆಂದು ಇಂದು ನಡೆಯುವ ಕೋಳಿ ಅಂಕಕ್ಕೆ ಆಮಂತ್ರಣವು ರಹಸ್ಯವಾಗಿಯೇ ಮೊಬೈಲ್ ಮತ್ತು ಸಂಪರ್ಕದ ಮೂಲಕವಾಗುತ್ತಿದೆ. ಆದರೆ ಹಿಂದಿನಂತೆ ತಾವೂ ಆಮಂತ್ರಣ ಪತ್ರಿಕೆ ಹಂಚಿ ಕೋಳಿ ಅಂಕ ಆಯೋಜಿಸುತ್ತೇವೆ ಎಂದು ಮುಂದಾದಲ್ಲಿ, ಹಂಚಿದವರು, ಆಯೋಜಿಸಿದವರು, ಕಾದಾಡುವ ಕೋಳಿಗಳೆಲ್ಲಾ ಪೊಲೀಸ್ ಠಾಣೆಯಲ್ಲಿರಬಹುದು ಜೋಕೆ.