Dakshina Kannada: ಪ್ರಕೃತಿ ಪ್ರಿಯರ ಫೇವರಿಟ್ ಸ್ಪಾಟ್ ಈ ಕೊಡಂಗಾಯಿ‌ ಸೇತುವೆ! | Dakshina Kannada: Kodangai Bridge is a favorite spot for nature lovers!

ಇದು ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ವಿಟ್ಲ ಸಮೀಪವಿರುವ ಕೊಡಂಗಾಯಿ ಎನ್ನುವ ಸ್ಥಳ. ಕಣ್ಣು ಹಾಯಿಸಿದ ಉದ್ದಕ್ಕೂ ಹಸಿರು. ಹಸಿರಿನ ಕೊನೆಯಲ್ಲಿ ದಟ್ಟ ಕಾಡುಗಳಿರುವ ಗುಡ್ಡಗಳ ಸಾಲು, ಈ ಹಸಿರಿನ ಮಧ್ಯೆ ಹರಿಯುವ ಹಸಿರಾದ ನೀರು. ಇದು ಕೊಡಂಗಾಯಿ ಎನ್ನುವ ಸ್ಥಳದ ಟ್ರೇಡ್ ಮಾರ್ಕ್.

ಇದನ್ನೂ ಓದಿ: Belagavi: ರಾಣಿ ಚನ್ನಮ್ಮ ಕಿರು ಮೃಗಾಲಯದಲ್ಲಿ ಸಿಂಹಿಣಿಯ ಸೇರ್ಪಡೆ

ವಿಟ್ಲ- ಸಾಲೆತ್ತೂರು ಸಂಪರ್ಕಿಸುವ ರಸ್ತೆಯ ಮಧ್ಯೆ ಬರುವಂತಹ ಕಿರು ಸೇತುವೆಯ ಇಕ್ಕೆಲಗಳ ಸೊಬಗಿರುವ ಊರಿದು. ಒಂದು ಕಡೆಯಲ್ಲಿ ದಟ್ಟ ಕಾಡುಗಳು ತುಂಬಿದ ಗಿರಿ-ಶಿಖರಗಳ ಮಧ್ಯೆಯಿಂದ ಹರಿದು ಬರುವ ಈ ಹೊಳೆ ಕೃಷಿತೋಟಗಳ ನಡುವೆ ಹರಿದು ತನ್ನ ಇಕ್ಕೆಲಗಳನ್ನೂ ಹರಿರಿನಿಂದ ಕಂಗೊಳಿಸುವಂತೆ ನೀರುಣಿಸಿದೆ. ಈ ಹಸಿರು ರಾಶಿಗಳ ಇನ್ನೊಂದು ಭಾಗದಲ್ಲಿ ಒಣಗಿದ ಭತ್ತದ ಗದ್ದೆ, ಗದ್ದೆಯ ಮಧ್ಯೆಯೊಂದು ದೈವಗಳ ಸ್ಥಾನ.

ಇಲ್ಲಿನ ಪ್ರಕೃತಿಯ ಸೊಬಗಿಗೆ ಮನಸೋಲದೆ ಇರುವವರು ವಿರಳವೇ. ಇದೇ ಕಾರಣಕ್ಕೆ ಈ ರಸ್ತೆಯಲ್ಲಿ ಸಂಚರಿಸುವ ಪ್ರಯಾಣಿಕರು ಒಂದು ಘಳಿಗೆ ಈ ಕಿರು ಸೇತುವೆಯ ಮೇಲೆ ನಿಂತು ಎರಡೂ ಭಾಗದ ಪ್ರಕೃತಿಯ ಸೌಂದರ್ಯವನ್ನು ಸವಿದು ಹೋಗುತ್ತಾರೆ. ಹಲವು ಚಿತ್ರತಂಡಗಳೂ ಈ ಸ್ಥಳದಲ್ಲಿ ಚಿತ್ರಕ್ಕೆ ಬೇಕಾದ ಹಾಡುಗಳ ಚಿತ್ರೀಕರಣ ಹಾಗೂ‌ ಇತರ ಸೀನ್‌ಗಳನ್ನ ಇದೇ ಜಾಗದಲ್ಲಿ ಚಿತ್ರೀಕರಿಸಿವೆ. ಪ್ರಕೃತಿಯಲ್ಲಿ ಯಾವುದೇ ವ್ಯತ್ಯಾಸಗಳನ್ನು ಮಾಡದೇ, ನೈಜವಾಗಿ ಈ ಪ್ರಕೃತಿಯ ದೃಶ್ಯ‌ ವೈಭವವನ್ನು‌ ಇಂದಿಗೂ‌ ಕಾಯ್ದುಕೊಂಡು ಬರಲಾಗಿದೆ.