Dharmasthala: ಕತ್ತಲು ಕಳೆದ ಮೇಲೆ ಮೂಡಿದ ಬೆಳಕು, ಮಂಜುನಾಥನ ಸನ್ನಿಧಿಯಲ್ಲಿ ದಿವ್ಯತೆಯ ದರ್ಶನ ನೀಡಿದ ದೀಪಗಳು! | Lakshadeepotsava grandeur at Dharmasthala electric lights shine | ದಕ್ಷಿಣ ಕನ್ನಡ

ಪ್ರತಿ ವರ್ಷದಂತೆಯೇ ಈ ಬಾರಿಯೂ ವಿನೂತನವಾಗಿ ವಿದ್ಯುತ್ ದೀಪಾಲಂಕಾರ ಮಾಡಲಾಗಿದೆ. ಧರ್ಮಸ್ಥಳದ ಪ್ರಮುಖ ದ್ವಾರವನ್ನು ಸಂಪರ್ಕಿಸುವ ರಾಜ್ಯ ಹೆದ್ದಾರಿಯಲ್ಲಿ ದೀಪದ ಮಾದರಿಯ ದೀಪಾಲಂಕಾರ ಮಾಡಲಾಗಿದೆ. ದೇವಸ್ಥಾನಗಳಲ್ಲಿ ಕಂಡುಬರುವಂತೆ ಬೃಹತ್ ದೀಪಗಳನ್ನು ಡಿವೈಡರ್ಗಳ ನಡುವಿನಲ್ಲಿ ಹಾಕಲಾಗಿದೆ. ದೂರದಿಂದ ನೋಡುವಾಗ ದೀಪಗಳನ್ನು ಉರಿಸಿದಂತೆ ಭಾಸವಾಗುತ್ತದೆ. ಕಂಚಿನ ದೀಪಸ್ತಂಭಗಳನ್ನು ಹೋಲುವಂತೆ ಬೃಹತ್ ದೀಪಗಳನ್ನು ಹಾಕಲಾಗಿದೆ. ಕೆಲವು ಕಡೆಗಳಲ್ಲಿ ಗೂಡುದೀಪದಂತೆ ಅಳವಡಿಸಲಾಗಿದೆ.

ಧರ್ಮಸ್ಥಳದ ಶಾಂತಿವನದಿಂದ ದ್ವಾರದಿಂದ ಪಾಂಗಾಳ ಕ್ರಾಸ್ ವರೆಗೆ ಕೊಡೆಯನ್ನು ಅಲಂಕಾರದಲ್ಲಿ ಬಳಸಲಾಗಿದೆ. ಪಾಂಗಾಳ ಕ್ರಾಸ್‌ನಿಂದ ಮುಖ್ಯ ದ್ವಾರದವರೆಗೆ ಬಟ್ಟೆಯಲ್ಲಿ ಡೋಲು, ತಬಲದ ಅಲಂಕಾರ ಮಾಡಿ ಅದೊರಳಗೆ ವಿದ್ಯುತ್ ದೀಪಗಳನ್ನು ಹಾಕಲಾಗಿದೆ.

ಲಕ್ಷದೀಪೋತ್ಸವ ಪ್ರಯುಕ್ತ ಇಡೀ ಧರ್ಮಸ್ಥಳ ದೀಪಗಳಿಂದ ಹೊಳೆಯುತ್ತಿದೆ. ಕ್ಷೇತ್ರದ ವಸತಿಗೃಹಗಳು, ಮಾಹಿತಿ ಕೇಂದ್ರ, ಅಂಗಡಿಮುಂಗಟ್ಟುಗಳು, ಕಛೇರಿ, ಬೀಡು, ರಥಬೀದಿ  ಸಹಿತ ಧರ್ಮಸ್ಥಳ ದೇವಸ್ಥಾನವನ್ನು ಅಲಂಕಾರ ಮಾಡಲಾಗಿದೆ. ದೇಗುಲದ ಸನ್ನಿಧಾನವನ್ನು ವಿಶೇಷವಾಗಿ ಅಲಂಕಾರ ಮಾಡಲಾಗಿದೆ. ನವೆಂಬರ್ 20 ರ ಬೆಳಗ್ಗಿನ ಜಾವ ಲಕ್ಷದೀಪೋತ್ಸವ ಸಂಪನ್ನಗೊಳ್ಳುತ್ತದೆ. ರಾಜ್ಯದ ನಾನಾ ಭಾಗಗಳಿಂದ ಚೆಂಡೆ,  ಕೊಂಬು, ಕಹಳೆ, ವಾಲಗ, ನಾಗಸ್ವರ, ಮೊದಲ ಕಲಾವಿದರು ರಾತ್ರಿ ಇಡೀ ಕಲಾಸೇವೆ ನೀಡಲಿದ್ದಾರೆ.