ಈ ಪಂದ್ಯದಲ್ಲಿ ಕೇಸಿ ಕಾರ್ಟಿ ಜೊತೆಗೆ, ಆರಂಭಿಕ ಆಟಗಾರ ಬ್ರೆಂಡನ್ ಕಿಂಗ್ (67 ಎಸೆತಗಳಲ್ಲಿ 59; 10 ಬೌಂಡರಿಗಳು) ಮತ್ತು ನಾಲ್ಕನೇ ಕ್ರಮಾಂಕದ ಶಾಯ್ ಹೋಪ್ (66 ಎಸೆತಗಳಲ್ಲಿ 78; 4 ಬೌಂಡರಿಗಳು, 4 ಸಿಕ್ಸರ್‌ಗಳು) ಕೂಡ ಅರ್ಧಶತಕಗಳನ್ನು ಗಳಿಸಿದರು. ವೆಸ್ಟ್ ಇಂಡೀಸ್ ಇನ್ನಿಂಗ್ಸ್‌ನಲ್ಲಿ ಜ್ಯುವೆಲ್ ಆಂಡ್ರ್ಯೂ 0, ಶಿಮ್ರಾನ್ ಹೆಟ್ಮೆಯರ್ 4, ಜಸ್ಟಿನ್ ಗ್ರೀವ್ಸ್ 22, ಮ್ಯಾಥ್ಯೂ ಫೋರ್ಡ್ 1, ರೋಸ್ಟನ್ ಚೇಸ್ 0, ಗುಡಕೇಶ್ ಮೋಟಿ 18, ಅಲ್ಜಾರಿ ಜೋಸೆಫ್ 10 ರನ್ ಗಳಿಸಿ ಔಟಾದರು. ಕಾರ್ಟಿ ಮತ್ತು ಹೋಪ್ ಕ್ರೀಸ್‌ನಲ್ಲಿದ್ದಾಗ, ವೆಸ್ಟ್ ಇಂಡೀಸ್ ಇನ್ನೂ ಹೆಚ್ಚಿನ ರನ್ ಗಳಿಸುವ ನಿರೀಕ್ಷೆಯಿತ್ತು. ಆದರೆ ಅವರ ವಿಕೆಟ್ ನಂತರ ಇಂಗ್ಲೆಂಡ್ ಬೌಲರ್ಗಳು ಅವಕಾಶ ನೀಡಲಿಲ್ಲ.
ಇಂಗ್ಲೆಂಡ್ ಬೌಲರ್‌ಗಳಾದ ಆದಿಲ್ ರಶೀದ್ (10-0-63-4) ಮತ್ತು ಶಕೀಬ್ ಮಹಮೂದ್ (9.4-0-37-3) ಔಟಾದರು, ವೆಸ್ಟ್ ಇಂಡೀಸ್ ತಂಡವನ್ನು 308 ರನ್‌ಗಳಿಗೆ ನಿರ್ಬಂಧಿಸಿದರು. ಇಂಗ್ಲೆಂಡ್ ಬೌಲರ್‌ಗಳಲ್ಲಿ ಬ್ರೈಡನ್ ಕಾರ್ಸೆ, ಜಾಕೋಬ್ ಬೆಥೆಲ್ ಮತ್ತು ವಿಲ್ ಜಾಕ್ಸ್ ಕೂಡ ತಲಾ ಒಂದು ವಿಕೆಟ್ ಪಡೆದರು.
ಕಳೆದ 4 ಇನ್ನಿಂಗ್ಸ್ಗಳಲ್ಲಿ 3ನೇಶತಕ
ಈ ಸರಣಿಯ 2ನೇ ಪಂದ್ಯದಲ್ಲಿ ಶತಕ ಸಿಡಿಸಿರುವ ಕಾರ್ಟಿ ಕಳೆದ 4 ಇನ್ನಿಂಗ್ಸ್ಗಳಲ್ಲಿ 3ನೇ ಶತಕ ಸಿಡಿಸಿದ್ದಾರೆ. ಕಳೆದ ಐರ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಮೊದಲ ಪಂದ್ಯದಲ್ಲಿ 6 ರನ್ಗಳಿಸಿದ್ದ ಕಾರ್ಟಿ, ನಂತರದ 2 ಪಂದ್ಯಗಳಲ್ಲಿ ಕ್ರಮವಾಗಿ 102 ಹಾಗೂ 170 ರನ್ಗಳಿಸಿದ್ದರು. ಇದೀಗ ಇಂಗ್ಲೆಂಡ್ ವಿರುದ್ಧ ಮೊದಲ ಪಂದ್ಯದಲ್ಲಿ 22ರನ್ಗಳಿಸಿದ್ದ ಯುವ ಆಟಗಾರ ಇಂದು 103 ರನ್ಗಳಿಸಿದ್ದಾರೆ.
ಇಂಗ್ಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಶತಕದೊಂದಿಗೆ ಮಿಂಚಿದ್ದ ಕೆಸ್ಸಿ ಕಾರ್ಟಿಗೆ ಕಳೆದ ಒಂಬತ್ತು ಏಕದಿನ ಇನ್ನಿಂಗ್ಸ್ಗಳಲ್ಲಿ ಇದು ನಾಲ್ಕನೇ ಶತಕವಾಗಿದೆ. 28 ವರ್ಷದ ಕಾರ್ಟಿ ತಮ್ಮ ಕಳೆದ 10 ಇನ್ನಿಂಗ್ಸ್ಗಳಲ್ಲಿ 95 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 864 ರನ್ ಗಳಿಸಿದ್ದಾರೆ, ಇದರಲ್ಲಿ 4 ಶತಕಗಳು ಮತ್ತು 2 ಅರ್ಧಶತಕಗಳಿವೆ. ಒಟ್ಟಾರೆಯಾಗಿ, ಕಾರ್ಟಿ ತಮ್ಮ ವೃತ್ತಿಜೀವನದಲ್ಲಿ 36 ODI ಪಂದ್ಯಗಳನ್ನು ಆಡಿದ್ದಾರೆ ಮತ್ತು 50 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 1403 ರನ್ ಗಳಿಸಿದ್ದಾರೆ, 5 ಅರ್ಧಶತಕಗಳು ಮತ್ತು 4 ಶತಕಗಳ ಸೇರಿವೆ.
10 ದಿನಗಳಲ್ಲಿ 3ನೇ ಶತಕ
ಕಾರ್ಟಿ ಕಳೆದ 10 ದಿನಗಳಲ್ಲಿ ಸಿಡಿಸಿದ 4ನೇ ಶತಕವಾಗಿದೆ. ಮೇ 23 ರಂದು ಐರ್ಲೆಂಡ್ ವಿರುದ್ದ ಮೊದಲ ಶತಕ ಸಿಡಿಸಿದ ಕಾರ್ಟಿ ನಂತರ ಮೇ 25 ಅದೇ ಸರಣಿಯಲ್ಲಿ 2ನೇ ಶತಕ ಹಾಗೂ ಜೂನ್ 1 ರಂದು ಇಂಗ್ಲೆಂಡ್ ವಿರುದ್ಧ ಶತಕ ಸಿಡಿಸಿದ್ದಾರೆ. ಕಳೆದ ವರ್ಷ ಇಂಗ್ಲೆಂಡ್ ವಿರುದ್ಧವೇ ತಮ್ಮ ಚೊಚ್ಚಲ ಶತಕವಾಗಿದೆ.
ವಿವಿಯನ್ ರಿಚರ್ಡ್ಸ್ ದಾಖಲೆ ಬ್ರೇಕ್
33 ಇನ್ನಿಂಗ್ಸ್ಗಳಲ್ಲಿ ಕಾರ್ಟಿ 1403 ರನ್ಗಳಿಸಿದ್ದಾರೆ. ಈ ಮೂಲಕ ವೆಸ್ಟ್ ಇಂಡೀಸ್ ಪರ 33 ಪಂದ್ಯಗಳಲ್ಲಿ ಹೆಚ್ಚು ರನ್ಗಳಿಸಿದ ಬ್ಯಾಟ್ಸ್ಮನ್ ಆಗಿದ್ದಾರೆ. ಇದಕ್ಕೂ ಮುನ್ನ ವಿವಿಯನ್ ರಿಚರ್ಡ್ಸ್ ಇಷ್ಟೇ ಇನ್ನಿಂಗ್ಸ್ಗಳಲ್ಲಿ 1399 ರನ್ಗಳಿಸಿದ್ದರು. ಗಾರ್ಡನ್ ಗ್ರೀನಿಡ್ಜ್ 1397 ರನ್ಗಳಿಸಿ 3ನೇ ಸ್ಥಾನದಲ್ಲಿದ್ದಾರೆ.
ಸರಣಿಯಲ್ಲಿ ವಿಂಡೀಸ್ಗೆ ಹಿನ್ನಡೆ
ವೆಸ್ಟ್ ಇಂಡೀಸ್ ತಂಡವು ಮೂರು ಏಕದಿನ ಮತ್ತು ಮೂರು ಟಿ20 ಪಂದ್ಯಗಳ ಸರಣಿಗಾಗಿ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದೆ. ಮೊದಲ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್ 238 ರನ್‌ಗಳ ಭರ್ಜರಿ ಜಯ ಸಾಧಿಸಿತ್ತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ನಿಗದಿತ 50 ಓವರ್‌ಗಳಲ್ಲಿ 8 ವಿಕೆಟ್‌ಗಳ ನಷ್ಟಕ್ಕೆ 400 ರನ್ ಗಳಿಸಿತು. ಇಂಗ್ಲೆಂಡ್ ಇನ್ನಿಂಗ್ಸ್‌ನಲ್ಲಿ ಬೆನ್ ಡಕೆಟ್ (60), ಜೋ ರೂಟ್ (57), ಹ್ಯಾರಿ ಬ್ರೂಕ್ (58), ಮತ್ತು ಜಾಕೋಬ್ ಬೆಥೆಲ್ (82) ಅರ್ಧಶತಕಗಳನ್ನು ಗಳಿಸಿದರೆ, ಜೇಮೀ ಸ್ಮಿತ್ (37), ಜೋಸ್ ಬಟ್ಲರ್ (37), ಮತ್ತು ವಿಲ್ ಜಾಕ್ಸ್ (39) ಸಾಧಾರಣ ರನ್ ಗಳಿಸಿದರು. ವೆಸ್ಟ್ ಇಂಡೀಸ್ ಬೌಲರ್‌ಗಳಲ್ಲಿ ಜೇಡನ್ ಸೀಲ್ಸ್ 4 ವಿಕೆಟ್ ಪಡೆದರೆ, ಅಲ್ಜಾರಿ ಜೋಸೆಫ್ ಮತ್ತು ಜಸ್ಟಿನ್ ಗ್ರೀವ್ಸ್ ತಲಾ 2 ವಿಕೆಟ್ ಪಡೆದರು.
ಬೃಹತ್ ಗುರಿಯನ್ನು ಬೆನ್ನಟ್ಟಿದ ವೆಸ್ಟ್ ಇಂಡೀಸ್ ತಂಡವು ಇಂಗ್ಲೆಂಡ್ ಬೌಲರ್‌ಗಳ ದಾಳಿಗೆ 26.2 ಓವರ್‌ಗಳಲ್ಲಿ 162 ರನ್‌ಗಳಿಗೆ ಆಲೌಟ್ ಆಯಿತು. ಸಾಕಿಬ್ ಮಹಮೂದ್ ಮತ್ತು ಜೇಮಿ ಓವರ್ಟನ್ ತಲಾ 3 ವಿಕೆಟ್ ಪಡೆದರೆ, ಆದಿಲ್ ರಶೀದ್ 2, ಮತ್ತು ಬ್ರೈಡನ್ ಕಾರ್ಸೆ ಮತ್ತು ಜಾಕೋಬ್ ಬೆಥೆಲ್ ತಲಾ ಒಂದು ವಿಕೆಟ್ ಪಡೆದರು. ವೆಸ್ಟ್ ಇಂಡೀಸ್ ಇನ್ನಿಂಗ್ಸ್‌ನಲ್ಲಿ 11ನೇ ಕ್ರಮಾಂಕದ ಜೇಡೆನ್ ಸೀಲ್ಸ್ (ಅಜೇಯ 29) ಗರಿಷ್ಠ ಸ್ಕೋರರ್ ಆಗಿದ್ದರೆ, ಶೈ ಹೋಪ್ (25) ಮತ್ತು ಕೆಸ್ಸಿ ಕಾರ್ಟಿ (22) 20 ಕ್ಕೂ ಹೆಚ್ಚು ರನ್ ಗಳಿಸಿದರು.
June 01, 2025 11:10 PM IST
