Last Updated:
ಕಂಪನಿಯಲ್ಲಿ ಉಳಿಯಲು ಕೇವಲ ಕಠಿಣ ಪರಿಶ್ರಮ ಸಾಕಾಗುವುದಿಲ್ಲ; “AI-ಹೊಂದಾಣಿಕೆ”ಯೇ ಬದುಕುಳಿಯುವ ಮಂತ್ರ ಎಂದು ಗೂಗಲ್ನ (Google) ಮುಖ್ಯ ವ್ಯವಹಾರ ಅಧಿಕಾರಿ (CBO) ಫಿಲಿಪ್ ಷಿಂಡ್ಲರ್ ಇಮೇಲ್ ಮೂಲಕ ತಿಳಿಸಿದ್ದಾರೆ. ಈ ಕುರಿತು ಸಂಪೂರ್ಣ ವಿವರ ನೋಡೋಣ ಬನ್ನಿ.
ತಂತ್ರಜ್ಞಾನ (Technology) ಉದ್ಯಮದಲ್ಲಿದ್ದರೆ, ಜಾಗರೂಕರಾಗಿರಿ! 2026 ರಲ್ಲಿ ಗೂಗಲ್ನಲ್ಲಿ ಬಿಗ್ ಚೇಂಜ್ ಸಂಭವಿಸಲಿದೆ ಎಂಬ ಸೂಚನೆ ಸಿಕ್ಕಿದೆ. ವಿಶ್ವದ ಅತಿದೊಡ್ಡ ತಂತ್ರಜ್ಞಾನ ಕಂಪನಿಯಾದ ಗೂಗಲ್, ಭವಿಷ್ಯದಲ್ಲಿ ವೃತ್ತಿ ಮತ್ತು ಉದ್ಯೋಗಗಳ (Jobs) ವ್ಯಾಖ್ಯಾನವೇ ಬದಲಾಗಬಹುದು ಎಂದು ತನ್ನ ಉದ್ಯೋಗಿಗಳಿಗೆ ಸ್ಪಷ್ಟ ಸಂದೇಶ (Messege) ಕಳುಹಿಸಿದೆ. ಕಂಪನಿಯಲ್ಲಿ ಉಳಿಯಲು ಕೇವಲ ಕಠಿಣ ಪರಿಶ್ರಮ ಸಾಕಾಗುವುದಿಲ್ಲ; “AI-ಹೊಂದಾಣಿಕೆ”ಯೇ ಬದುಕುಳಿಯುವ ಮಂತ್ರ ಎಂದು ಗೂಗಲ್ನ (Google) ಮುಖ್ಯ ವ್ಯವಹಾರ ಅಧಿಕಾರಿ (CBO) ಫಿಲಿಪ್ ಷಿಂಡ್ಲರ್ ಇಮೇಲ್ ಮೂಲಕ ತಿಳಿಸಿದ್ದಾರೆ. ಈ ಕುರಿತು ಸಂಪೂರ್ಣ ವಿವರ ನೋಡೋಣ ಬನ್ನಿ.
ಗೂಗಲ್ ತನ್ನ ಉದ್ಯೋಗಿಗಳಿಗೆ ಎರಡು ಆಯ್ಕೆಗಳನ್ನು ಬಿಟ್ಟಿದೆ: AI ನ ತ್ವರಿತ ವೇಗಕ್ಕೆ ಹೊಂದಿಕೊಳ್ಳುವುದು ಅಥವಾ ಗೌರವಾನ್ವಿತ ನಿರ್ಗಮನವನ್ನು ಆರಿಸಿಕೊಳ್ಳುವುದು. ಇದು ಸಾಮಾನ್ಯ ಕಾರ್ಪೊರೇಟ್ ಇಮೇಲ್ ಅಲ್ಲ, ಇಡೀ ಜಾಗತಿಕ ಕಾರ್ಯಪಡೆಗೆ ಒಂದು ಎಚ್ಚರಿಕೆಯ ಗಂಟೆಯಾಗಿ ಪರಿಣಮಿಸಿದೆ.
ನಿಮ್ಮ ಕೆಲಸ ಸುರಕ್ಷಿತವೇ?
2026ರೊಳಗೆ AI ಅನ್ನು ಕೇವಲ ಸಾಧನವಾಗಿ ನೋಡುವವರಿಗಿಂತ, ಅದನ್ನು ತಮ್ಮ ಕೆಲಸದ ಅವಿಭಾಜ್ಯ ಅಂಗವನ್ನಾಗಿ ಸ್ವೀಕರಿಸುವ ಪ್ರತಿಭೆಗಳ ಮೇಲೆ ಮಾತ್ರ ಗೂಗಲ್ ಪಣತೊಡುವುದಾಗಿ ತಿಳಿಸಿದೆ. AI ಇನ್ನೂ ಸಮಯ ತೆಗೆದುಕೊಳ್ಳುತ್ತದೆ ಎಂದು ಭಾವಿಸಿದ್ದ ಲಕ್ಷಾಂತರ ವೃತ್ತಿಪರರಿಗೆ ಇದು ದೊಡ್ಡ ಶಾಕ್ ಆಗಿದೆ.
ಷಿಂಡ್ಲರ್ ಅವರ “ಆಲ್ ಇನ್ AI” ಸಂದೇಶದಲ್ಲಿ, ಕೌಶಲ್ಯ ಹೊಂದಿರುವುದೇ ಸಾಕಾಗುವುದಿಲ್ಲ; AI ಜೊತೆ ಸಹಯೋಗದಲ್ಲಿ ಫಲಿತಾಂಶ ನೀಡುವುದು ಮುಖ್ಯ ಎಂದು ಒತ್ತಿ ಹೇಳಲಾಗಿದೆ. ಹೊಸ ತಂತ್ರಜ್ಞಾನ ಅಲೆಗೆ ಸೇರದವರು ಕಂಪನಿಯ ಭವಿಷ್ಯದ ಗುರಿಗಳಿಗೆ ಅಡ್ಡಿಯಾಗಬಹುದು ಎಂಬ ಅಭಿಪ್ರಾಯ ಗೂಗಲ್ ನಾಯಕತ್ವದ್ದಾಗಿದೆ.
ಸ್ವಯಂಪ್ರೇರಿತ ನಿರ್ಗಮನ ಆಯ್ಕೆ!
AI ಪರಿವರ್ತನೆಗೆ ಸಿದ್ಧರಿಲ್ಲದ ಉದ್ಯೋಗಿಗಳಿಗಾಗಿ ಗೂಗಲ್ ತನ್ನ ಜಾಗತಿಕ ವ್ಯಾಪಾರ ಸಂಸ್ಥೆ (GBO) ಘಟಕದಲ್ಲಿ ಸ್ವಯಂಪ್ರೇರಿತ ನಿರ್ಗಮನ ಕಾರ್ಯಕ್ರಮವನ್ನು ಪರಿಚಯಿಸಿದೆ. ನಿವೃತ್ತಿ ಪ್ಯಾಕೇಜ್ನಲ್ಲಿ ಹಲವಾರು ತಿಂಗಳ ಸಂಬಳ ಮತ್ತು ಇತರೆ ಸೌಲಭ್ಯಗಳಿವೆ. ಇದು ಬಲವಂತದ ವಜಾಗೊಳಿಸುವ ಕ್ರಮಕ್ಕಿಂತ ಗುಣಮಟ್ಟದ ಧಾರಣೆಗೆ ಗೂಗಲ್ ಹೆಚ್ಚು ಮಹತ್ವ ನೀಡುತ್ತಿದೆ ಎಂಬುದನ್ನು ಸೂಚಿಸುತ್ತದೆ. ಭವಿಷ್ಯದ ತಂತ್ರಜ್ಞಾನಕ್ಕೆ ಸಿದ್ಧರಿರುವವರನ್ನು ಮಾತ್ರ ಉಳಿಸಿಕೊಳ್ಳುವ ತಂತ್ರ ಇದು.
ಇದು ಟೆಕ್ ಉದ್ಯಮಕ್ಕೆ ಸ್ಪಷ್ಟ ಸಂದೇಶ!
ಈ ಬೆಳವಣಿಗೆ ಕೇವಲ ಗೂಗಲ್ಗೆ ಸೀಮಿತವಲ್ಲ; ಇಡೀ ಟೆಕ್ ಉದ್ಯಮಕ್ಕೆ ಸಂದೇಶವಾಗಿದೆ. AI ಸಾಕ್ಷರತೆಯ ಕೊರತೆ 2026ರ ವೇಳೆಗೆ ಉದ್ಯೋಗಗಳಿಗೆ ದೊಡ್ಡ ಬೆದರಿಕೆ ಆಗಬಹುದು. AI ಉಪಕರಣಗಳನ್ನು ಬಳಸುವುದು ಮಾತ್ರವಲ್ಲ, ಅವುಗಳೊಂದಿಗೆ ಕಾರ್ಯತಂತ್ರ ರೂಪಿಸುವ ಸಾಮರ್ಥ್ಯ ಬೇಕಾಗುತ್ತದೆ. ಕಂಪನಿಗಳು ಈಗ ಹೊಸ ತಂತ್ರಜ್ಞಾನಗಳನ್ನು ತ್ವರಿತವಾಗಿ ಕಲಿಯುವ ಮತ್ತು ಪುನಃ ಕಲಿಯುವ ಸಾಮರ್ಥ್ಯ ಹೊಂದಿರುವ ಉದ್ಯೋಗಿಗಳನ್ನು ಹುಡುಕುತ್ತಿವೆ. ಸ್ಥಿರ ಕೌಶಲ್ಯಗಳ ಕಾಲ ಮುಗಿಯುತ್ತಿದೆ; ನಿರಂತರ ಕಲಿಕೆ ಮುಖ್ಯ.
ಗೂಗಲ್ ಸಂಸ್ಕೃತಿಯೊಂದಿಗೆ ತೃಪ್ತಿ ಹೊಂದಿಲ್ಲದವರಿಗೆ ಆರ್ಥಿಕ ಸಹಾಯದ ಮೂಲಕ ಹೊಸ ವೃತ್ತಿಜೀವನಕ್ಕೆ ಮಾರ್ಗ ಮಾಡಿಕೊಡುವುದಾಗಿ ಕಂಪನಿ ಸೂಚಿಸಿದೆ. ಇದು ಉದ್ಯೋಗಿಗಳಿಗೆ ಭದ್ರ ಪರಿವರ್ತನೆಯ ಅವಕಾಶ ನೀಡುತ್ತದೆ.
ಮುಂದೆ ಏನು?
AI ಕ್ರಾಂತಿ ಈಗಾಗಲೇ ಆರಂಭವಾಗಿದೆ. ಗೂಗಲ್ನ ಈ ಕ್ರಮವು ಭವಿಷ್ಯದ ಉದ್ಯೋಗ ಮಾರುಕಟ್ಟೆ ಹೇಗೆ ರೂಪುಗೊಳ್ಳಬಹುದು ಎಂಬುದಕ್ಕೆ ಮುನ್ನೋಟ. ತಂತ್ರಜ್ಞಾನ ಕ್ಷೇತ್ರದಲ್ಲಿರುವ ಪ್ರತಿಯೊಬ್ಬರೂ ಈಗ ತಮ್ಮ ಕೌಶಲ್ಯಗಳನ್ನು ಮೌಲ್ಯಮಾಪನ ಮಾಡಿ, AI ದಿಸೆಯಲ್ಲಿ ಅಪ್ಸ್ಕಿಲ್ ಆಗಬೇಕಾದ ಸಮಯ ಬಂದಿದೆ. ಕೇವಲ ಪರಿಶ್ರಮವಲ್ಲ, ಬುದ್ಧಿವಂತಿಕೆಯಿಂದ AI ಜೊತೆ ಹೆಜ್ಜೆ ಹಾಕುವವರೇ 2026ರ ಉದ್ಯೋಗ ಜಗತ್ತಿನಲ್ಲಿ ಮುನ್ನಡೆಯುವರು ಎನ್ನುವ ಸ್ಪಷ್ಟ ಸಂದೇಶವನ್ನು ಟೆಕ್ ಉದ್ಯಮದ ಮುಂದೇ ನಿಲ್ಲಿಸಿದೆ.
Click here to add News18 as your preferred news source on Google. ನ್ಯೂಸ್ 18 ಕನ್ನಡ ಟೆಕ್ನಾಲಜಿ ವಿಭಾಗದಲ್ಲಿ ಸ್ಮಾರ್ಟ್ಫೋನ್ ಬಿಡುಗಡೆ ಮಾಹಿತಿ, ಮೊಬೈಲ್ ವಿಮರ್ಶೆಗಳು, ಗ್ಯಾಜೆಟ್ಗಳು, ತಂತ್ರಜ್ಞಾನ ಸಲಹೆಗಳು, ಇ-ಕಾಮರ್ಸ್ ಮಾರಾಟ, ಆನ್ಲೈನ್ ಶಾಪಿಂಗ್, ಅಪ್ಲಿಕೇಶನ್ಗಳು, ವಾಟ್ಸಾಪ್ ಅಪ್ಡೇಟ್ಸ್, ಎಲೆಕ್ಟ್ರಿಕ್ ವಾಹನಗಳಿಗೆ ಸಂಬಂಧಿಸಿದ ಸುದ್ದಿಗಳನ್ನು ಪಡೆಯಬಹುದಾಗಿದೆ. ಹೆಚ್ಚಿನ ಸುದ್ದಿಗಳಿಗಾಗಿ ನ್ಯೂಸ್ 18 ಕನ್ನಡ ಫಾಲೋ ಮಾಡಿ