Hair Fall Remedy: ಈ ಒಂದು ವಸ್ತು ನಿಮ್ಮ ಬಳಿ ಇದ್ದರೆ ಕೂದಲು ಉದುರೋಲ್ಲ, ಬಿಳಿಯಾಗೋಲ್ಲ! ಇದು ತುಳುನಾಡ ಜನರ ನೈಸರ್ಗಿಕ ಶ್ಯಾಂಪೂ !! | Bitter Ginger plant shampoo is a remedy for hair problems | ದಕ್ಷಿಣ ಕನ್ನಡ

ಕೂದಲ ಆರೈಕೆಗೆ ಇರುವ ಅತ್ಯುತ್ತಮ ಕೆಮಿಕಲ್ ರಹಿತವಾದ ಶ್ಯಾಂಪೂವನ್ನ ಈ ಬಿಟ್ಟರ್ ಜಿಂಜರ್  ಮೂಲಕ ಪಡೆಯಬಹುದಾಗಿದೆ.  ಇದು ಶುಂಠಿಯ ಒಂದು ಪ್ರಭೇದವಾಗಿದ್ದು ಶುಂಠಿಯಂತದ್ದೇ ವಾಸನೆಯೂ ಹೊಂದಿದೆ.  ಕೂದಲು ತುಂಬಾ ಉದುರುತ್ತಿದ್ದರೆ, ಬಹಳ ಎಳೆವೆಯಲ್ಲಿ ತಲೆಕೂದಲು ಬಿಳಿಯಾಗುವುದು (ಬಾಲನರೆ), ತಲೆಬಿಸಿ, ತಲೆನೋವು, ತಲೆಸುತ್ತು, ತಲೆಹೊಟ್ಟು ಹೀಗೆ ಎಲ್ಲಾ ಸಮಸ್ಯೆಗಳಿಗೂ ಈ ಜಿಂಜರ್ ರಾಮಬಾಣವಾಗಿದೆ.

ಚರ್ಮರೋಗಗಳ ನಿವಾರಣೆ ಸೇರಿದಂತೆ‌‌ ಹಲವು ಸಮಸ್ಯೆಗಳನ್ನು ನಿವಾರಿಸುವ ಆರ್ಗಾನಿಕ್ ಶಾಂಪೂ ಇದು. ಈ ಶ್ಯಾಂಪೂ ನೈಸರ್ಗಿಕವಾಗಿ ಸಿಗದ ಸಮಯದಲ್ಲಿ ಹಳ್ಳಿ ಜನ  ಎರಪ್ಪೆ ಮರದ ಗೊಂಪು,  ಬೆಳ್ಳಂಟೆ ಗೊಂಪು, ಸೀಗೆ, ಬಾಗೆ, ಕಡ್ಲೆ ಹುಡಿ ಮೊದಲಾದ ನೈಸರ್ಗಿಕವಾಗಿ ಸಿಗುವ ವಸ್ತುಗಳನ್ನೇ ಬಳಸುತ್ತಿದ್ದರು. ಹಳ್ಳಿ ಕಡೆ ಇಂತಹ ಹಲವು ರೀತಿಯ ನೊರೆ ಇರುವ ಸಸಿಗಳಿದ್ದು,  ಸಾಬೂನು, ಶ್ಯಾಂಪೂ ಇಲ್ಲದೆಯೇ, ಇವುಗಳನ್ನೇ ಸಂಗ್ರಹಿಸಿ ಉಪಯೋಗಿಸುವ ಜನ ಇಂದಿಗೂ ಇದ್ದಾರೆ.  ಸಾಮಾನ್ಯವಾಗಿ ತೋಟ ಮಧ್ಯೆ ಈ ಬಿಟ್ಟರ್ ಜಿಂಜರ್ ಬೆಳೆಯುತ್ತಿದ್ದು, ಇದಕ್ಕೆ ಯಾವುದೇ ರೀತಿಯ ನಿರ್ವಹಣೆಯ ಅಗತ್ಯವೂ ಇಲ್ಲ. ತನ್ನ ಸಮಯ ಬಂದಾಗ ಬೆಳೆದು ನಿಲ್ಲುತ್ತೆ, ಸಮಯ ಕಳೆದಾಗ ಬಾಡಿ ಹೋಗುತ್ತೆ.