Heathy Recipe: ಬಲೆ ಆಟಿ ಗಂಜಿ ನಪ್ಪುಗ! ಆಷಾಢ ಮಾಸಕ್ಕೆಂದೇ ಇದೆ ಈ ಖಾದ್ಯ ತಿಂದರೆ ಬೊಜ್ಜು ಮಾಯ | Tulu Nadu Nutritious Fenugreek Coconut Porridge Healthy and Tasty

ನಮ್ಮ ಪೂರ್ವಜರು ಋತುಮಾನ ಮತ್ತು ಒಂದಕ್ಕೊಂದು ಪೂರಕವಾಗಿ ರೂಪಿಸಿದ ಎಲ್ಲ ಆಹಾರ ಪದ್ಧತಿಗಳು ವೈಜ್ಞಾನಿಕವಾಗಿಯೇ ಇದ್ದವು ಎನ್ನುವುದಕ್ಕೆ ಮೆಂತೆ ಗಂಜಿಯೂ ಒಂದು ಉದಾಹರಣೆ. ತುಳುನಾಡಿನಲ್ಲಿ ಆಷಾಢವನ್ನು ಆಟಿ ಎಂದು ಕರೆಯುತ್ತಾರೆ. ಆಟಿಯಲ್ಲಿ ತಯಾರಿಸುವ ಈ ಮೆಂತೆ ಗಂಜಿ ಆಟಿ ಗಂಜಿ ಎಂದೂ ಜನಪ್ರಿಯವಾಗಿದೆ.  ಮೆಂತೆ ಗಂಜಿಯು ಪೌಷ್ಟಿಕಾಂಶಭರಿತ ಆಹಾರವಾಗಿದ್ದು, ದೇಹವನ್ನು ತಂಪುಗೊಳಿಸಲು ಉಪಯೋಗಿಸಲಾಗುತ್ತದೆ.

ಪಾಲೆದ ಕೆತ್ತೆಯ ಕಷಾಯ ಕಹಿ ಮತ್ತು ಉಷ್ಣ ಅದರ ಜತೆಗೆ ಆಟಿಯಲ್ಲಿ ಆಗಾಗ ತಯಾರಿಸಲಾಗುವ ಕೆಸುವಿನ ಪತ್ತೊಡೆ ಕೂಡಾ ಉಷ್ಣಕರ. ಹೀಗಾಗಿ ಇದೆಲ್ಲದರ ಪರಿಣಾಮವನ್ನು ಸ್ವಲ್ಪ ನಿಯಂತ್ರಣದಲ್ಲಿಡಲು ಆಟಿ ಗಂಜಿಯನ್ನು ಕುಡಿದು ದೇಹ ತಂಪುಗೊಳಿಸಲಾಗುತ್ತಿತ್ತು. ಈಗಲೂ ಆಟಿ ಅಮಾವಾಸ್ಯೆ ದಿನ ಮೆಂತೆ ಗಂಜಿ ಸೇವಿಸುತ್ತಾರೆ. ಇದರ ಮಹತ್ವ ತಿಳಿದು ಬೇರೆ ಕಾಲದಲ್ಲೂ ಬಳಸುತ್ತಿದ್ದಾರೆ.

ಈ ಮೆಂತೆ ಗಂಜಿ ಸೇವಿಸುವುದರಿಂದ ಆಟಿ ಕಷಾಯದ ಉಷ್ಣವನ್ನು ಕಡಿತ ಮೆಂತೆ-ತೆಂಗಿನಕಾಯಿ ಗಂಜಿ ತುಂಬಾ ಒಳ್ಳೆಯದು. ಮೆಂತೆ ಬೀಜಗಳು ವಿಟಮಿನ್ ಬಿ ಯನ್ನು ಯಥೇಚ್ಚವಾಗಿ ಹೊಂದಿವೆ. ರಕ್ತ ಶುದ್ದೀಕರಣಕ್ಕೆ ಉತ್ತಮ.ಮೊಡವೆಗಳು ಮತ್ತು ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ. ಗಂಜಿ ಸೇವನೆಯಿಂದ ಮಧುಮೇಹ ಮತ್ತು ಕೊಲೆಸ್ಟರಾಲ್ ಸಮಸ್ಯೆಯೂ ನಿವಾರಣೆ ಆಗುತ್ತದೆ. ಬಾಣಂತಿ ಮಹಿಳೆಯರಲ್ಲಿ ಎದೆಹಾಲು ಕಡಿಮೆ ಇದ್ದಾಗ ಮೆಂತೆ ಗಂಜಿ ಕೊಡಲಾಗುತ್ತದೆ.ಗಂಜಿಗೆ ತೆಂಗಿನ ಹಾಲು ಸೇರಿವುದರಿಂದ ಹೆಚ್ಚುವರಿ ಪರಿಮಳ ಮತ್ತು ಕೂದಲಿನ ಬೆಳವಣಿಗೆಗೂ ಪೂರಕ.ಮೆಂತೆ ಗಂಜಿ, ಕಷಾಯ ಸೇವನೆಯಿಂದ ಹೊಟ್ಟೆ ನೋವು ಕೂಡಾ ನಿವಾರಣೆಯಾಗುತ್ತದೆ.