Last Updated:
ಏಷ್ಯಾಕಪ್ 2025ರ 2ನೇ ಪಂದ್ಯದಲ್ಲಿ ಟೀಮ್ ಇಂಡಿಯಾ ಅತಿಥೇಯ ಯುಎಇ ತಂಡದ ವಿರುದ್ಧ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದೆ. ದುಬೈ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಯುಎಇ ತಂಡ ಭಾರತೀಯ ಬೌಲಿಂಗ್ ದಾಳಿಗೆ ಉತ್ತರಿಸಲಾಗದೆ ಕೇವಲ 57 ರನ್ಗಳಿಗೆ ಆಲೌಟ್ ಆಯಿತು.
ಏಷ್ಯಾಕಪ್ 2025ರ 2ನೇ ಪಂದ್ಯದಲ್ಲಿ ಟೀಮ್ ಇಂಡಿಯಾ ಅತಿಥೇಯ ಯುಎಇ ತಂಡದ ವಿರುದ್ಧ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದೆ. ದುಬೈ ಅಂತಾರಾಷ್ಟ್ರೀಯ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಯುಎಇ ತಂಡ ಭಾರತೀಯ ಬೌಲಿಂಗ್ ದಾಳಿಗೆ ಉತ್ತರಿಸಲಾಗದೆ ಕೇವಲ 57 ರನ್ಗಳಿಗೆ ಆಲೌಟ್ ಆಯಿತು.
ಟಾಸ್ ಗೆದ್ದ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ ಮೊದಲ ಎರಡು ಓವರ್ ಉತ್ತಮವಾಗಿ ಆಡಿದ ಅತಿಥೇಯ ತಂಡ 4ನೇ ಓವರ್ ಮೊದಲ ವಿಕೆಟ್ ಕಳೆದುಕೊಂಡಿತು. 17 ಎಸೆತಗಳಲ್ಲಿ 3 ಬೌಂಡರಿ, 1 ಸಿಕ್ಸರ್ ಸಹಿತ 22 ರನ್ಗಳಿಸಿದ್ದ ಅಲಿಶಾನ್ ಶರಫು ಕ್ಲೀನ್ ಬೌಲ್ಡ್ ಆದರು, ಆ ನಂತರ ಯುಎಇ ಎಲ್ಲೂ ಚೇತರಿಸಿಕೊಳ್ಳಲು ಟೀಮ್ ಇಂಡಿಯಾ ಅವಕಾಶ ಕೊಡಲಿಲ್ಲ. ವರುಣ್ ಚಕ್ರವರ್ತಿ ತಮ್ಮ ಮೊದಲ ಓವರ್ನಲ್ಲೇ 2 ರನ್ಗಳಿಸಿದ್ದ ಮೊಹಮ್ಮದ್ ಜೊಹೈಬ್ ವಿಕೆಟ್ ಪಡೆದರು. ಆ ನಂತರ ಒಂದೇ ಓವರ್ನಲ್ಲಿ 3 ವಿಕೆಟ್ ಪಡೆದರು. ರಾಹುಲ್ ಚೊಪ್ರಾ (3) ಶುಭ್ಮನ್ ಗಿಲ್ಗೆ ಕ್ಯಾಚ್ ನೀಡಿದರೆ, 3ನೇ ಯುಎಇ ಕ್ಯಾಪ್ಟನ್ ಮೊಹಮ್ಮದ್ ವಸೀಮ್ (19) 4ನೇ ಎಸೆತದಲ್ಲಿ ಎಲ್ಬಿಡಬ್ಲ್ಯೂ ಆದರು ಹಾಗೂ ಕೊನೆಯ ಎಸೆತದಲ್ಲಿ ಹರ್ಷಿತ್ ಕೌಶಿಕ್ ಕ್ಲೀನ್ ಬೌಲ್ಡ್ ಆದರು.
47ಕ್ಕೆ 2 ವಿಕೆಟ್ ಇದ್ದ ಯುಎಇ 50ಕ್ಕೆ 5 ವಿಕೆಟ್ ಕಳೆದುಕೊಂಡಿತು. ನಂತರ ಬೌಲಿಂಗ್ಗಿಳಿದ ಶಿವಂ ದುಬೆ ತಮ್ಮ ಮೊದಲ ಓವರ್ನಲ್ಲೇ ಆಸಿಫ್ ಖಾನ್(2) ವಿಕೆಟ್ ಪಡೆದರು. ನಂತರ ಬಂದ ಸಿಮ್ರನ್ಜಿತ್ ಸಿಂಗ್ ಅಕ್ಷರ್ ಪಟೇಲ್ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯೂ ಬಲೆಗೆ ಬಿದ್ದರು. 13ನೇ ಓವರ್ನಲ್ಲಿ ದುಬೆ 1 ರನ್ಗಳಿಸಿದ್ದ ಧ್ರುವ್ ಪರಾಶರ್ ಹಾಗೂ ಖಾತೆ ತೆರೆಯದ ಜುನೈದ್ ಸಿದ್ದಿಕ್ ವಿಕೆಟ್ ಪಡೆದರು. 14ನೇ ಓವರ್ನ ಮೊದಲ ಎಸೆತದಲ್ಲೇ ಕುಲದೀಪ್ ಹೈದರ್ ಅಲಿ ವಿಕೆಟ್ ಪಡೆಯುವ ಮೂಲಕ ಯುಎಇ ತಂಡದ ಇನ್ನಿಂಗ್ಸ್ಗೆ ಅಂತ್ಯವಾಡಿದರು. 13.1 ಓವರ್ಗಳಲ್ಲಿ ಯುಎಇ ಕೇವಲ 57 ರನ್ಗಳಿಸಿತು.
ಭಾರತದ ಪರ ಕುಲದೀಪ್ ಯಾದವ್ 7ರನ್ಗಳಿಗೆ 4 ವಿಕೆಟ್ ಪಡೆದರೆ, ಶಿವಂ ದುಬೆ 4ಕ್ಕೆ3, ಅಕ್ಷರ್ ಪಟೇಲ್ 13ಕ್ಕೆ1, ಬುಮ್ರಾ 19ಕ್ಕೆ1, ವರುಣ್ ಚಕ್ರವರ್ತಿ 4ಕ್ಕೆ 1 ವಿಕೆಟ್ ಪಡೆದರು.
September 10, 2025 9:21 PM IST