IND vs ENG: ರೋಚಕ ಘಟ್ಟದಲ್ಲಿ 5ನೇ ಟೆಸ್ಟ್! ಇಂಗ್ಲೆಂಡ್​ಗೆ ಬೇಕು 35 ರನ್, ಸರಣಿ ಸಮಬಲ ಸಾಧಿಸಲು ಭಾರತಕ್ಕೆ ಬೇಕು 3 ವಿಕೆಟ್ | Thrilling Finale: England 35 Runs Away from Victory, India 4 Wickets from Series Equalization | ಕ್ರೀಡೆ

374 ರನ್​ಗಳ ಗುರಿ ಬೆನ್ನಟ್ಟಿದ್ದ ಇಂಗ್ಲೆಂಡ್ ತಂಡ 3ನೇ ದಿನ 50ಕ್ಕೆ1 ವಿಕೆಟ್ ಕಳೆದುಕೊಂಡಿತ್ತು. 4ನೇ ದಿನ ಚೇಸಿಂಗ್ ಮುಂದುವರಿಸಿದ ಇಂಗ್ಲೆಂಡ್ ತಂಡ ಬಹುಬೇಗನೇ ಬೆನ್ ಡಕೆಟ್ ವಿಕೆಟ್ ಕಳೆದುಕೊಂಡಿತು. ಪ್ರಸಿಧ್ ಕೃಷ್ಣ ಬೌಲಿಂಗ್​​ನಲ್ಲಿ 83 ಎಸೆತಗಳಲ್ಲಿ 6 ಬೌಂಡರಿಗಳ ಸಹಿತ 54 ರನ್​ಗಳಿಸಿದ್ದ ಡಕೆಟ್ ಕೆಎಲ್ ರಾಹುಲ್​ಗೆ ಕ್ಯಾಚ್​ ನೀಡಿ ಔಟ್ ಆದರು. ನಂತರ ಬಂದ ನಾಯಕ ಒಲಿ ಪೋಪ್ 27 ರನ್​ಗಳಿಸಿ ವಿಕೆಟ್ ಒಪ್ಪಿಸಿದರು.

ಭಾರತ ಆರಂಭಿಕವಾಗಿ ವಿಕೆಟ್ ಪಡೆದು ಗೆಲುವು ಪಡೆಯಬಹುದು ಎಂದೇ ನಿರೀಕ್ಷಿಸಲಾಗಿತ್ತು. ಆದರೆ ಜೋ ರೂಟ್ ಹಾಗೂ ಹ್ಯಾರಿ ಬ್ರೂಕ್ ಇಬ್ಬರು 195 ರನ್​ಗಳ ಜೊತೆಯಾಟ ನೀಡಿ ಭಾರತದ ಗೆಲುವಿನ ಆಸೆಗೆ ತಡೆಯಾದರು. ಟಿ20 ಮಾದರಿಯಲ್ಲಿ ಬ್ಯಾಟ್ ಬೀಸಿದ ಬ್ರೂಕ್ 98 ಎಸೆತಗಳಲ್ಲಿ 14 ಬೌಂಡರಿ, 2 ಸಿಕ್ಸರ್​ಗಳ ಸಹಿತ 111 ರನ್​ಗಳಿಸಿ ಪಂದ್ಯದ ಗತಿಯನ್ನೇ ಬದಲಿಸಿದರು. 19 ರನ್​ ಆಗಿದ್ದ ವೇಳೆ ಸಿರಾಜ್ ಬ್ರೂಕ್ ನೀಡಿದ್ದ ಕ್ಯಾಚ್​ ಹಿಡಿದು ಬೌಂಡರಿ ಗೆರೆ ತುಳಿದರು. ಆ ಅವಕಾಶ ಪಡೆದ ಬ್ರೂಕ್ ಭಾರತೀಯ ಬೌಲರ್​ಗಳನ್ನ ಬೆಂಡೆತ್ತಿದ್ದರು.

ಬ್ರೂಕ್ ತಂಡದ ಮೊತ್ತ 301 ರನ್​ ಇದ್ದಾಗ ಆಕಾಶ್​ ದೀಪ್ ಬೌಲಿಂಗ್​​ನಲ್ಲಿ ಸಿರಾಜ್​ಗೆ ಕ್ಯಾಚ್ ನೀಡಿ ಔಟ್ ಆದರು. ಈ ವಿಕೆಟ್ ಕಳೆದುಕೊಂಡ ತಕ್ಷಣ ಇಂಗ್ಲೆಂಡ್ ತಂಡ ರನ್​ಗಳಿಸಲು ಪರದಾಡಿತು. ಜಾಕೋಬ್ ಬೆಥೆಲ್ 31 ಎಸೆತಗಳಲ್ಲಿ 5 ರನ್​ಗಳಿಸಿ ಪ್ರಸಿಧ್ ಕೃಷ್ಣ ಬೌಲಿಂಗ್​​ನಲ್ಲಿ ಕ್ಲೀನ್ ಬೌಲ್ಡ ಆದರು. ನಂತರ ಕೇವಲ 5 ರನ್​ಗಳ ಅಂತರದಲ್ಲಿ ರೂಟ್ ಕೂಡ ಔಟ್ ಆದರು. ರೂಟ್ 152 ಎಸೆತಗಳಲ್ಲಿ 12 ಬೌಂಡರಿಗಳ ಸಹಿತ 105 ರನ್​ಗಳಿಸಿ ಪ್ರಸಿಧ್ ಕೃಷ್ಣ ಬೌಲಿಂಗ್​​ನಲ್ಲಿ ಧ್ರುವ್ ಜುರೆಲ್​ಗೆ ಕ್ಯಾಚ್ ನೀಡಿ ಔಟ್ ಆದರು.