IND vs PAK: ಪಾಕ್ ಸೋಲಿಗೆ ಈತನೇ ಹೊಣೆ; ಛೀಮಾರಿ ಹಾಕಿದ ವಾಸಿಮ್ ಆಕ್ರಮ್! / Wasim Akram has lashed out at fast bowler Harris Rauf who led to Pakistan defeat against India in Asia Cup 2025 final | ಕ್ರೀಡೆ

ಏಷ್ಯಾಕಪ್ 2025 ರ ಫೈನಲ್ ಪಂದ್ಯದಲ್ಲಿ ಪಾಕಿಸ್ತಾನದ ವೇಗದ ಬೌಲರ್ ತಂಡಕ್ಕೆ ವಿಲನ್ ಅಗಿ ಕಾಣಿಸಿಕೊಂಡರು. ಸೂಪರ್ 4 ರ ಪಂದ್ಯದ ವೇಳೆ ಬೌಂಡರಿ ಲೈನ್‌ನಲ್ಲಿ ನಿಂತು ಫೈಟರ್ ಜೆಟ್ ಪತನದ ಸನ್ನೆ ಮಾಡಿ ಭಾರತವನ್ನು ಕೆಣಕಿದ ಹ್ಯಾರಿಸ್ ರೌಫ್ ಫೈನಲ್​ನಲ್ಲಿ ನಗೆಪಾಟಲಿಗೆ ಕಾರಣವಾದರು. ಫೈನಲ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಬ್ಯಾಟರ್ಸ್ ಅಬ್ಬರಕ್ಕೆ ವೇಗಿ ಹ್ಯಾರಿಸ್ ರೌಫ್ ಧೂಳಿಪಟವಾದರು.

ದುರದೃಷ್ಟವಶಾತ್, ರೌಫ್ ಒಬ್ಬ ಬೌಲರ್ ಆಗಿ ರನ್ ಮೆಷಿನ್. ವಿಶೇಷವಾಗಿ ಭಾರತದ ವಿರುದ್ಧ ರೌಫ್ ರನ್ ಮಷಿನ್ ಆಗಿದ್ದಾರೆ. ಅವರನ್ನು ನಾನು ಮಾತ್ರವಲ್ಲ, ಇಡೀ ದೇಶವೇ ಟೀಕಿಸುತ್ತಿದೆ. ಅವರು ರೆಡ್-ಬಾಲ್ ಕ್ರಿಕೆಟ್ ಕೂಡ ಆಡುವುದಿಲ್ಲ. ಹೀಗಾಗ ಅವರ ಬೌಲಿಂಗ್ ಸುಧಾರಿಸುವುದಿಲ್ಲ. ಟೆಸ್ಟ್ ಕ್ರಿಕೆಟ್ ಆಡಲು ನಿರಾಕರಿಸುವ ಆಟಗಾರ ತಂಡದಲ್ಲಿ ಇರಲು ಇಷ್ಟವಿಲ್ಲ ಎಂದು ವಾಸಿಮ್ ಸಂದರ್ಶನವೊಂದರಲ್ಲಿ ಬಹಿರಂಗವಾಗಿಯೇ ಆಕ್ರೋಶ ಹೊರಹಾಕಿದ್ದಾರೆ.

ರೌಫ್ ಟೆಸ್ಟ್ ಕ್ರಿಕೆಟ್ ಆಡದ ಕಾರಣ ತಮ್ಮ ಬೌಲಿಂಗ್ ಮೇಲೆ ನಿಯಂತ್ರಣವಿಲ್ಲ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಇದನ್ನು ಪರಿಹರಿಸಬೇಕಾಗಿದೆ. ನೀವು ನಿಮ್ಮ ಬೌಲಿಂಗ್ ಅನ್ನು ಸುಧಾರಿಸಲು ಬಯಸಿದರೆ, ನಿಮ್ಮ ರನ್-ಅಪ್ ಸಹ ಸುಗಮವಾಗಿರಬೇಕು. ರೌಫ್ ರನ್-ಅಪ್ ಅಷ್ಟು ಸುಗಮವಾಗಿಲ್ಲ. ನಾನು ವಕಾರ್ ಯೂನಿಸ್ ಅವರೊಂದಿಗೆ ಮಾತನಾಡುವಾಗ, ‘ಕಳೆದ ನಾಲ್ಕು ಅಥವಾ ಐದು ವರ್ಷಗಳಿಂದ ಆಡುತ್ತಿದ್ದರೂ ರೌಫ್ ತಮ್ಮ ರನ್-ಅಪ್ ಅನ್ನು ಏಕೆ ಸುಧಾರಿಸಿಲ್ಲ ಎಂದು ಕೇಳಿದೆ. ಅವರು ರೆಡ್ ಬಾಲ್ ಕ್ರಿಕೆಟ್ ಆಡುವುದಿಲ್ಲ ಎಂದು ಹೇಳಿದರು ಎಂಬ ವಿಷಯವನ್ನು ವಾಸಿಮ್ ಬಹಿರಂಗಪಡಿಸಿದ್ದಾರೆ.