IND vs SA: ಭಾರತ vs ದಕ್ಷಿಣ ಆಫ್ರಿಕಾ ನಡುವಿನ 2ನೇ ಟೆಸ್ಟ್ ಪಂದ್ಯಕ್ಕೆ ವಿಶೇಷ ರೂಲ್ಸ್; ಊಟಕ್ಕೂ ಮುನ್ನವೇ ಟೀ ಬ್ರೇಕ್​! ಕಾರಣ ಇಲ್ಲಿದೆ / Tea break before lunch for players during the second Test between India and South Africa in Guwahati | ಕ್ರೀಡೆ

ಗುವಾಹಟಿಯ ಬರ್ಸಪರ ಕ್ರೀಡಾಂಗಣದಲ್ಲಿ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಎರಡನೇ ಟೆಸ್ಟ್ ಪಂದ್ಯ ನವೆಂಬರ್ 22 ರಿಂದ 26 ರವರೆಗೆ ನಡೆಯಲಿದೆ. ಭಾರತದ

ಬರ್ಸಪರ ಕ್ರೀಡಾಂಗಣದಲ್ಲಿ ನಡೆಯುವ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಎರಡನೇ ಟೆಸ್ಟ್ ಪಂದ್ಯದ ಮೊದಲ ಅವಧಿ ಬೆಳಿಗ್ಗೆ 9 ರಿಂದ 11 ಗಂಟೆ ರವರೆಗೆ ನಡೆಯಲಿದೆ. ನಂತರ ಬೆಳಿಗ್ಗೆ 11 ರಿಂದ 11:20 ಗಂಟೆಗೆ ರವರೆಗೆ ಟೀ ಬ್ರೇಕ್ ಇರಲಿದೆ. ಎರಡನೇ ಅವಧಿ ಬೆಳಿಗ್ಗೆ 11:20 ರಿಂದ ಮಧ್ಯಾಹ್ನ 1:20 ರವರೆಗೆ ನಡೆಯಲಿದೆ. ಊಟದ ಬ್ರೇಕ್ ಮಧ್ಯಾಹ್ನ 1:20 ರಿಂದ ಮಧ್ಯಾಹ್ನ 2 ಗಂಟೆಗೆ ರವರೆಗೆ ಮತ್ತು ಮೂರನೇ ಅವಧಿ ಮಧ್ಯಾಹ್ನ 2 ರಿಂದ ಸಂಜೆ 4 ಗಂಟೆಗೆ ರವರೆಗೆ ನಡೆಯಲಿದೆ.

ಬಿಸಿಸಿಐ ಮೂಲವೊಂದು ಊಟಕ್ಕೂ ಮುನ್ನವೇ ಟೀ ಬ್ರೇಕ್​ ನೀಡುತ್ತಿರುವ ಬಗ್ಗೆ ಮಾಹಿತಿ ನೀಡಿದೆ. ಅಸ್ಸಾಂನ ಗುವಾಹಟಿಯಲ್ಲಿ ಸೂರ್ಯಾಸ್ತವು ಬೇಗನೆ ಆಗುತ್ತದೆ. ಹೀಗಾಗಿ ಪಂದ್ಯ ಬೇಗನೆ ಆರಂಭವಾಗುವುದರಿಂದ ನಾವು ಬೇಗನೆ ಟೀ ಕುಡಿಯಲು ನಿರ್ಧರಿಸಿದ್ದೇವೆ. ಮೈದಾನದಲ್ಲಿ ಹೆಚ್ಚುವರಿ ಆಟದ ಸಮಯವನ್ನು ಪಡೆಯಲು ಸಮಯ ಉಳಿತಾಯವಾಗುವುದರಿಂದ ನಾವು ಟೀ ಬ್ರೇಕ್ ಅವಧಿಯನ್ನು ಬದಲಾಯಿಸಲು ನಿರ್ಧರಿಸಿದ್ದು ಇದೇ ಮೊದಲು ಎಂದು ತಿಳಿಸಿದೆ.

ಸಾಮಾನ್ಯವಾಗಿ ಭಾರತದಲ್ಲಿ ನಡೆಯುವ ಟೆಸ್ಟ್ ಪಂದ್ಯಗಳು ಬೆಳಿಗ್ಗೆ 9:30 ಗಂಟೆಗೆ ಪ್ರಾರಂಭವಾಗುತ್ತವೆ. ಬೆಳಿಗ್ಗೆ 9 ರಿಂದ ಮಧ್ಯಾಹ್ನ 11:30 ಗಂಟೆ ವರೆಗೆ ಮೊದಲ ಅವಧಿ ನಡೆದರೆ, 12:10 ಗಂಟೆ ವರೆಗೆ ಅಂದರೆ 40 ನಿಮಿಷಗಳ ಊಟದ ಬ್ರೇಕ್ ಇರಲಿದೆ. ನಂತರ ಎರಡನೇ ಅವಧಿ 12:10 ರಿಂದ 2:30 ಗಂಟೆ ವರೆಗೆ ನಡೆಯಲಿದೆ. ಮಧ್ಯಾಹ್ನ 2:10 ರಿಂದ 2:30 ಗಂಟೆ ವರೆಗೆ ಎರಡೂ ತಂಡಗಳು 20 ನಿಮಿಷಗಳ ಟೀ ಬ್ರೇಕ್ ಪಡೆಯಲಿವೆ. ನಂತರ ಮೂರನೇ ಅವಧಿ 2:30 ರಿಂದ 4:30 ಗಂಟೆ ವರೆಗೆ ನಡೆಯಲಿದೆ.